1 Samuel 14:15 - Eipomek

¹⁵ Winipdikopura, awinibuk ning ati ara, sik Pilistin nang aik dobuka, ulamika noutam unmek ninye nirya arye, eibikopura, ilil pia weik ubuk. Tonda, kata mutuku noutam mutuku-mutuku nirya, daulamik ninye nirya, sik ilil ubuk. Pilistin mutuku noutam taleamikba, ulamik mutuku bisik dam, kalikna ati, domik asik nirya, opnirye ubula alubuka dolona ati, Pilistin nang yuk-yuk nirya ara, sik ilil weik ubuk. Tonda, amutuku nirya babye, weikto lulukuk. Aning winibuka, ati ara, sik Pilistin mutuku nang nirya babye, ilil pia weik ubukba, bikbik abuka, otam binapna, atam yanapna kibik.

1 Samuel 14:15 ပူးပေါင်းရင်းမြစ်များ

Kejadian 35:5

Winibukopura, sik nirya ara, bisik banmek. Bisik banmek noutam ara, Allah arye, amutuku dana-dana tam ulamik ninye ati, ilil una deiyok ning arebukba, Yakub el mapu silip nirya ati, ilil ubukba, tonoknye babye, sik aminyan kum dobolbiyik.

2 Samuel 5:24

“Winibuka warikuka dinmamunce, kekenamunba, yin nang nepmakirye, yan lelim nyalamak atonun, kertau yo dubak lelim nyapliba kekepmunyopura, an babye adiparyuk, yin dopropnulyame. Ara, alelim kekepminye talak ara, anggunce, ‘E winira, Allah el si Yahweh arye, menekuka banmala anya arye, nunti meneksilya deice arye, Pilistin mutuku nang nirya opnuyabe’ tenen, adiparyuk olbinululume,” nyabuk.

Ayub 18:11

Ati ara, sik malye un ninguk, talibuka unyak nang, sik dana-dana tam nirya ara, ilil un ninguk ulyeba, sik kanye noutam ilil ulule. Tonda, anang arye, ‘Nun binuyab,’ tenebikirye, banyak sukum nirya ara, ililuk ulula ati, balocak, sik balye tam, ilil arye mining dam dobolbalule.

Mazmur 14:5

Malye ninguk talibuka wininyak ninye ara, aminyan talak, weik ilil unamake. Ara, Allah ati diba tenebuka, diksukumuk wininyak ninye ati, lyeproplirye, sik kan-kan unamle bukni, Allah ati diba kum tenenyak ninye ara, weik ilil unamake.

Keluaran 19:18

Atalak ara dinmekce, tulum arye Sinai mutuku nirya libuk. Aning ara Allah el si Yahweh arye uku noutamak koluka yayuka ati winibuk. Atulum welebuka ara, wa uku ina ibikiba weik tulum dilamle atonun winibukce, amutuku nirya weika arye long-long anmok.

Daniel 5:6

Asekna ning eibukopura, ninye deiyoknye lukdayukce, ilil ubuk. El urasin ara, yuk kibukce, el kanye walwal ubukce, kanye talima ikin ubukopura, kutam dam ap, ber yok dam ap nirya, bukmaka tilikuka, yok sirim talibuke.

Matius 24:6

Tonda, aminyan talak ninye arye, “Ton tam nang ap, yuk tam nang ap olanamake,” nyabuka, talya nyanamake. Tonda, ton tam nang arye, yuk tam nang ap dipkoprop olakiba, laka nyapnamak ning ap, yanuka nyabikiba, kekepmunyopura, ayupu ati ilil asa kum unamlulume. Allah arye, ‘Aning atonun ning wininamle’ tenen, akunum tenelamuka ati, dipkoprop wininamle bukni, ‘Sirya talak sirya daknamle talak ara, kabula,’ tenenamlulume.

Yosua 2:9

Biyukce, anang ati nyabuk. “Na kele, amutuku ara, Allah el si Yahweh arye, anggun Israel ninye ati, ‘Arepnamsine,’ akunum tenyamsuka anya arye, amutuku nang nirya ara, anggunti, ilil pia weik ulule. Yata nang do nirya, nun mutuku noutamak unyak ninye nirya ara, anggun Israel nang ati, ilil pia weik usilibuk, nun kanye talima daksaksuke ati, nun mikip kum upsile,” nyabuk.

Hakim-Hakim 7:21

Anang nirya ara, anyasik dana-dana tam nirya antanapdongobuka nukuka yuk-yuk tikamikak uk kanupdongobuka tikmekba, Midian yala nang eibikce, sik ilil ubukba, kwepdanuka ngalukra banmek.

1 Samuel 13:17

Ayanuka donmekbuk, sik Pilistin nang aryuk, ‘Israel nang talye-talye warikibirye, obuka aupmalye ning, ubula dopropnamap’ tenen, sik yin nang noutamak arye bokuka, yupa winilye kintinibik. Yupa winilye kintinibikopura, sik yupa ara, winilye anya arye, ton nang ara, Syual mutuku dam bukni, Ofra mutuku dam biyik.

1 Samuel 13:18

Ton yupa ara, Bet-Horon tam biyik. Ton winilye yupa ara, mutuku wiliba dam bukni, Zeboim lu tam kalikil biyik. Zeboim mutuku arye otam ara, mek kumak anya arye, ninye kum ulamik mutuku ton eibik.

1 Samuel 13:23

Atalak ara, Pilistin yin talin nang arye, yupa tonok bokukabikce, weik mutuku dana-dana bukamuka, kwang dona noutamak, amutuku ara, Mikmas mutuku dam biyikce, kalikinmek.

1 Samuel 14:14

Yonatan ap, el melipmok kamnye ap, minop olbirikopura, winipmanto ara, dua puluh (20) nang opdikba, sik anang nong sakuka, upmokak ara, pala weik mutuku nirya, winipmanto ara, tonok sum arye, talye wa wilamika atonun unmok. Amutuku el pala ara, seper empat hektar nyalamak touk unmok. Asukumuk anang opdikba, sik nong sakuka, dana-dana kibuk.

1 Samuel 14:16

Atalak ara, Saul el yin nang arye, Gibea tam bukni, Benyamin mutuku melibuka kalikinmek nang ara, sik Pilistin nang bikbik abuka, otam binapna, atam yanapna kinmekce, sik kanye ara, pia walwal upmoka ati, yanganmekba, eibikce lukdayik.

1 Samuel 7:10

Samuel birye, Allah arena ati, amitik domba uku dapmokce, Allah ati tuba moronmok talak arye, Pilistin nang, ‘Israel ninye opnuyap’ tenen, sik dam akunum yayik. Yanmek bukni, Allah el si Yahweh arye, Pilistin nang deice, weik liman arebukba, liman onmokba, sik kanye walwal ubukba, dengkepdanin, ilil asa banmek. Ilil asa dengkepdanin, banmek talak arye, Israel nang yayikura, Pilistin nang ayanmek nirya obuka dakik. Winibikopura, Israel ninye arye, Pilistin nang obuka sirya dakikba, Pilistin nang ton bai sakuka, bikbik abuka biyik.