1 Samuel 12:18 - Eipomek

¹⁸ Nyabukabukce, adiparyuk Samuel birye, Allah el si Yahweh ati, morobukba, kekebukce, asum aniryuk Yahweh arye, weik liman ap, mok ap, dopkwetebukba, sik nirya dinmek. Winibuka ati ara, sik Israel ninye nirya, kel kibikce, el Yahweh ap, Samuel ap ati, ilil weik ubukba, sik nirya arye, ‘Se, sikda weik mambule,’ tenebik.

1 Samuel 12:18 ပူးပေါင်းရင်းမြစ်များ

1 Raja-Raja 18:42

Nyabukura, Ahab adiparyuk kekebuka, Karmel mutuku batakuka, ‘Din ap, mek ap dilbinun’ tenen, el aik tamubuka biyukce din binuka dibuk. Ura, atalak ara Elia Karmel mutuku deice welebuk. Welebukce, Elia el urasin kanupdongobuka kutam deice deibukce, tukwak bukuk.

Esra 10:9

Sik nirya kekebika ati, like winilye sum, akunum ubukopura, sik Yehuda yala tam ninye ap, Benyamin yala tam ninye ap ara, adiparyuk bulubuka, Yerusalem mutuku noutam bukni, Allah si eren aik damuk yanuka bukmek. Ara, wala pindikin buk, tanggal dua puluh (20) deice ara, Allah si eren aik urasin tam bulubuka bukmek. Asum ara, weik mok cenmoka ati, sik anang nirya ara, pia arukna unmokba, ‘Se, yupu talipnamap ning ap, malye winilamupu ning ap ara, mambule’ tenen, ikin kanye bobuka unmek.

Ayub 37:13

Ton talak ara, tuku namin una ati, Allah arye mok arelule. Ton talak ara, malye unyak nang, sik wenena ati weik mok areplyeba celule. Ton talak ara, Allah elce tukwak mutuku unyak nang, sik bikina ati, aning aresulule. Ara, ‘Narye tukwak nang ati, pia weik tonun bico tenenuna ati, nyalin yupu deice arye, ‘Winibuka pia teleb kilinamsine,’ nyapdeipsise ning ara, tonap tenebikirye, biknamakʼ tenen, aning nirya, nun dam winiplyeba, elinyabe.

Mazmur 99:6

Musa ap, Harun ap ara, Allah el si eren aik pum tam, pil talibuka dona deiyok nang, imam nang pil talibuka dolamdik. Tonda, Samuel babye, nun Israel nang melina ati, imam deiyoknye ulamukce, Allah el si nyabuka, nunti morolamuk. Aimam deiyok nang, winilye nang arye, nun ni Allah Yahweh ati, ‘Naio, nun Israel nang nirya ara, melipsilyame!” nyabuka morolamik. Sikce Allah ati, morolamikopura, Allah kekelamukce, nun Israel yala nang ati, yanuka melilamuk.

Keluaran 14:31

Ati ara, Allah el si Yahweh arye, el mikip weik deice arye Mesir ninye opmok ning ara, Israel ninye arye eibik. Eibika deice arye, ‘Se, dipkoprob Allah elda mikip weiknye’ tenen, kel bikikce, Yahweh ati ilil weik ubuk. Ilil weik ubukba, Allah el si Yahweh ap, Allah el pil dona deiyoknye Musa ap ati, diba tenebikce si erebik.

Yosua 10:12

Allah el si Yahweh arye el mikip Israel nang deice deibukce, Amori ninye ati, dobuka arebukba, Israel ninye arye, anang obuka sirya dakik. Sik olbiyik sum ara, Yosua birye, Israel ninye kekenmeka arye, Allah el si Yahweh ati nyabuk. “Se, Gibeon mutuku noutamak aunmaka deice tam arye, keting baploptuba, dotalak kum wekelbinamale. Aning atouk, Ayalon mutuku noutamak ara, wala babye baplobuka, tonokak uk upnamale,” nyabuka, Allah ati morobuk.

Yosua 4:14

Asum ara, Allah arye Musa biti, meliyangalamuka atonun, Allah el si Yahweh arye, Yosua biti melibuk deice arye, Israel nang nirya ara, Yosua biti, ‘Se, elda pia weik mambulnye,’ tenelamikce, Yosua kam ulamuk talak nirya ara, anyuk tenelamik. Sikce, ‘Musa bira, pia weik mambulnye,’ tenelamika atonun, ‘Yosua babye, elda pia weik mambulnye,’ tenelamikce, Yosua eililamikce, sik ilil ulamuk.