Sikce nati, “An dem aryuk kum talinamsilame. Yuk nang wipdeipsiminba, anang arye nun deiyok nang talinamsiyake,” nyabuka, moropmanuluma ati, na yu pia weik upnuka deice arye, ninye deiyoknye, Raja wipdeipsise. Anggun ap, el ap, daulamunye bukni, na tenepse talak akunum ubukba, aninye deiyoknye Raja tuba tamubuka dopropse. Allah arye, Israel ninye ati nyabuk.
1 Samuel 12:13 - Eipomek13 Ati ara, anggun elilulume. Anggunce morolalumce, wipdeiplum ninye deiyoknye, Raja Saul aulule. Anggun elilulume. Yahweh arye, anggun Raja ati, akunum wipdeipmasilaba, atikmale. အခန်းကိုကြည့်ပါ။ |
1 Samuel 12:13
9 ပူးပေါင်းရင်းမြစ်များ
Samueltikuk talak ara, sik anang arye morobik. “Nun weik yupu bokolinanye Rajanye wipdeipsilyame,” nyabuka morobik. Sik morobikura, Allah arye, Benyamin yalanye, el si ara, Kis, el mi Saul, ‘Sik weik ninye deiyoknye Raja unamle’ tenen, wipdeibukura, Saul arye keting tamun yupa ara, 40 tahun deice arye, sik weik ninye deiyoknye Raja ulamuk.
Samuel birye, Saul inibuka asukumuk tikeibukce, nyabuk. “Israel ninyeo, anggun ni koproba Allah, el si Yahweh arye, wipdeipmasilanye bira, eipmalum do? Israel ninye noutamak ara, el urasin atonye, tonok babye ton kum ulule. Pia telebnye bira, el uka,” nyabuk. Nyabukura, sik Israel ninye nirya arye, “Naie, ‘Elda keting tamun yupa weik pia kam unamle’ tenen, nun kanye deipnuyabe,” nyabuka, kanye deibikce, weik yupu deice arye nyabik.
Nyabukura, aninye nirya kekebikce, sik adiparyuk Gilgal mutuku biyikce, Allah el dam bulubukabikce, “Saul bira dipkoprob nun ninye deiyoknye, Raja unamsile,” nyabikba, Allah arye kekebuk. Nyabikce, kam ning obukabikce, ‘Nun ni Allah, el si Yahweh ap, nun ap, teleb ubuka neika unamap’ tenen, Allah si erena ati arebik. Winibik talak ara, Saul ap, sik Israel ninye nirya ap, weik kwalya kwalibuka, kanye deibuka, pin-pin asa arye dibik.
Ura, teneipdelulume. Wini talak ara, sun gandum wa lin talak akunum upsile. Gandum duk lin talak akunum upmasil bukni, narye nun ni Yahweh ati, moropnyopura, elce weik liman ap, mok ap, arepnusile. Aning arepsilya deice arye, anggunce moubuka tenenamlume. Ara, Allah aniryuk talibsutu bukni, anggunce, ‘Ninye deiyoknye Raja, se,’ tenenyabe ati, wipdeipsilyame,’ nyabuka, moropnulum ning ara, Allah el kanye ara, ‘Aning ara, pia malye,’ tenesulule. Aning kel biknamlulume.” Samuel birye nyabuk.
Akunum tenebikopura, sik Israel ninye arye, Samuel biti nyabik. “Se, Na nio. Ance nun ni koproba, Yahweh ati moroptumba, kekepkuturye, nunti kum opnamsile. Ara, talye ati kum nyababe. Nun malye winilamupu ning weik, awamuk ati, wini talak ara, tonok weik malye un ning ton, akunum tabakmabe. Ara, nunce, ‘Ninye deiyoknye Raja biryuk talipsutue,’ nyabuka, morobupu ning ara, dipkoprob malye winibupe,” nyabik. Nyabikba, Samuel birye, tamubuka nyabuk.
“Nun patapsil ning ara, ani. Nun ni, anda akunum wisi dalume. Ance diksukum kibuka, taleamsuluma atonun, an mapu kum winisururaka ati, ance yuknye tonok ton, nun ninye deiyoknye Raja kina ati, nyapdeipsilyame. Tonoknye wipdeipsiminba, yuk mutuku nang, sik ninye deiyok nang, Raja arye talibuka, ulamak atonun unamsile. El amu tam buknamabe. Aninguk, ‘Se,’ tenenyabe ati, moropkiyabe,” nyabuka morobik.
Tonda, an keledai basam walwalaplumba, like winilye sum arye, ‘Dan mutuku unyak do?’ tenen, pia emince, ‘Se, yata ning ati, upnuk do? Yata wiripnamne do?’ tenenmalamce, kanye bokoltokilye ning ara, tuba tenina kume. An keledai basam ara, yuk nang arye, akunum eipmaka atia. Tonda, sik Israel mutuku noutam unyak ninye arye, ‘Se, pia teleb ninye deiyoknye birye, talipsutuba, telebuk uptibyeʼ tenen, weik mambul ning bobuka, pia tenenyaka ara, anda akunuma. Deiyok ara, Israel mutuku noutam ubuk ning nirya ap, Israel ninye ap ara, an ap, an nin el mapu silip ap, anggun nirya arye, aning-aning nirya talinamlume. Anda ninye deiyoknye, Raja unalama atia.” Samuel birye Saul biti, laka nyabuk.
ကြော်ငြာတွေ