1 Samuel 11:15 - Eipomek

¹⁵ Nyabukura, aninye nirya kekebikce, sik adiparyuk Gilgal mutuku biyikce, Allah el dam bulubukabikce, “Saul bira dipkoprob nun ninye deiyoknye, Raja unamsile,” nyabikba, Allah arye kekebuk. Nyabikce, kam ning obukabikce, ‘Nun ni Allah, el si Yahweh ap, nun ap, teleb ubuka neika unamap’ tenen, Allah si erena ati arebik. Winibik talak ara, Saul ap, sik Israel ninye nirya ap, weik kwalya kwalibuka, kanye deibuka, pin-pin asa arye dibik.

1 Samuel 11:15 ပူးပေါင်းရင်းမြစ်များ

2 Samuel 19:15

Yehuda yala nang arye, Daud biti, “Nun mutuku tamubuka yalyame, nun Raja kipnamsilame,” nyabik. Ati ara, Raja Daud adiparyuk, sakwetebuka banmoka ani, Yordan mek duman biyuk. Ani atalakuk, Yehuda yala nang ara, Rajanye dilbana ati, Gilgal mutuku yayik. Ara, ‘Nun deiyoknye Raja Daud eipdabirye, dopropbibyopura, Yordan mek neika koubuka binamap’ tenen, yayik.

Keluaran 24:5

Winibukopura, atalak babye Musa birye Israel kam nang wibukabukce nyabuk. “Allah el kanye teleb kilin ning ati, kam ning obuka uku dapnululume. Tonda, ‘Yuk nang ap teleb kibuka neika uptibye’ tenen, sapi basam weik kam ning obuka areplum bukni, uku kum dapnululume. Aning nirya ara, nun ni Yahweh ati arelbinululume,” nyabuk.

Yakobus 4:16

Winibuka nyaptum bukni, wini talak, ‘Wininamabe’ tenen, talye luba kibuka nyalulum ning ara, kwalina nang yupu nyalamak touk nyalulume. Ayupu atonun kwalina yupu nyana ara, pia malye. Ati ara aning winina meme.

1 Samuel 10:17

Atalak ara, Samuel birye, Israel ninye ati, “Anggun nirya bulubuka, Misba mutuku yamunce, nun ni Allah, el si Yahweh dam yanululume,” nyabuk.

1 Samuel 10:24

Samuel birye, Saul inibuka asukumuk tikeibukce, nyabuk. “Israel ninyeo, anggun ni koproba Allah, el si Yahweh arye, wipdeipmasilanye bira, eipmalum do? Israel ninye noutamak ara, el urasin atonye, tonok babye ton kum ulule. Pia telebnye bira, el uka,” nyabuk. Nyabukura, sik Israel ninye nirya arye, “Naie, ‘Elda keting tamun yupa weik pia kam unamle’ tenen, nun kanye deipnuyabe,” nyabuka, kanye deibikce, weik yupu deice arye nyabik.

1 Samuel 10:8

Winipminyeura, anda minopce, Gilgal mutuku menekuka bimince, like tekbarye sum mabuka dinamlyame. Aminyan talak, tekbarye sum akunum uplyopura, na Allah arena ati, kam ning boyakirye, obuka uku dongolyanganamne. Atalak ara, ninye ap, Allah Yahweh ap, ansinipdeipnirye, teleb una ati, kam ning obuka, uku dongolyanganamne. Atalak aryuk, an wininalam ning nirya ara, narye yanuka lak nyanamkine. Ayupu nirya ara, Samuel birye, Saul biti nyabuk.

1 Samuel 12:1

Samuel birye, Israel ninye nirya ati nyabuk. “Anggunce, na dam nyalyanganululum ning ara, kekepsirye, moropnulum touk, akunum winipsise. Ara, narye, anggun ninye weik deiyoknye, kibuka talipnamsilanye, Raja Saul akunum wipdeipsise.

1 Samuel 12:17

Ura, teneipdelulume. Wini talak ara, sun gandum wa lin talak akunum upsile. Gandum duk lin talak akunum upmasil bukni, narye nun ni Yahweh ati, moropnyopura, elce weik liman ap, mok ap, arepnusile. Aning arepsilya deice arye, anggunce moubuka tenenamlume. Ara, Allah aniryuk talibsutu bukni, anggunce, ‘Ninye deiyoknye Raja, se,’ tenenyabe ati, wipdeipsilyame,’ nyabuka, moropnulum ning ara, Allah el kanye ara, ‘Aning ara, pia malye,’ tenesulule. Aning kel biknamlulume.” Samuel birye nyabuk.

1 Samuel 8:19

Samuel birye, aning nirya laka nyabukba, sik Israel ninye arye, Samuel nyanmok ning ara, kum kekebikce, “Talye nyanmasila ati, awaplye babye, teleb uka. Nun patapsil ning ara, ninye deiyoknye Raja arepsutumba, elcuk talipnamsile,” nyabik.