1 Samuel 10:3 - Eipomek

³ Ati ara, abitinye nang ayupu nyapkirikcopura, Saul anda amutuku batakuka, asukum arye, deiyok koubuka pia balamince, Tabor mutuku noutam, weik yo tikuka damuk binamlyame. Biminyopura, ninye winilye ton, Betel mutuku Allah si erena ati, kam ning obuka, uku dongolbana ati, bobikirye, panabuka bakibuk, ance binuka eipnamalame. Aninye winilye nang bukni, tonoknye bira, kambing basam mi ara, winilye bobanmala ak eipnamalyame. Tonda, ninye tonok ton, roti kwaning winilye bobanmala ak eipnamalyame. Tonda, ninye tonoknye ton, kambing bola kitibuka, anggur mek lipmalirye, bobanmala ak eipnamalyame.

1 Samuel 10:3 ပူးပေါင်းရင်းမြစ်များ

Kejadian 28:19

Winibukce, amapmok mutuku si ati, “Betel mutuku,” nyabuka si dopdeibuk. (Ibrani yupu deice ara, Betel deiyok ara, ‘Allah el aik,’ tenebuka nyalamik.) Yakub mapmok mutuku mitik anun otam, ninye aik si ara, Lus mutuku nyalamik bukni, elce amutuku ati winiryuk si dopdeibuk.

Kejadian 28:22

Apala keil tikeipmanak ara, yuk ninye arye ton, anyakauk, el si erenamake. Tonda, Allah arenamnil ning nirya, noutamak arye bokuka, el kina ati, sepuluh persen (10%) arenamne,” Yakub arye Allah ati, nyalin yupu nyapdeibuk.

Kejadian 35:1

Aminyan talak ara, Allah arye, Yakub ati nyabuk. “Anda amutuku batakuka, Betel mutuku binuka unamlyame. Betel mutuku biminyopura, na si erena ati, keil pala dobuka, keil duk yangabuka deipmince, nati kam ning obuka, arenamnilyame. Ance, ‘Na du koproba Esau opnilyak do?’ tenen, bikbik abuka, bisik balalum talak ara, narye an dam yanuka panabuka tikilyasiba, eipnulume. Na si erena ati, pala keil yangap deipnamnilyame.” Allah arye, Yakub biti nyabuk.

Kejadian 35:3

Anyapmasin touk, akunum winipmunyopura, na ap Betel mutuku bibirye, Allah el si erena ati, keil pala dobuka yangapdeipnirye, kam ning obuka elti, arepnamne. Allah ara, na kanye imun wamnuk talak nirya, morolamsiba, kekebuka meliamnuke. Tonda, yata mutuku do nirya, na balamsirye ulamse mutuku nirya, el ap neika balamnumuba, melilamnuke.” Yakub birye, el aik ninye nirya ati, nyabuk.

Mazmur 89:12

Im deice ap, im deice ulul ning nirya ap, tukwak ap, tukwak mutuku noutamak ulul ning nirya ap ara, ancuk kwepdeipluma ati ara, an bidamnye aryuk, aning ayala-ayala nirya, talibuka ulyame. Ara, an ninguk ulule. Tonda, tukwak mutuku ap, tukwak mutuku noutamak ulul ning nirya ap, tonda tukwak noutamak unyak ninye nirya ap ara, ancuk kwepdeipluma ati, tuba talilyame.

Yeremia 32:8

Ura, Allah arye na dam akunum nyapdeipnuk touk, aminyan talak ara, Hanameel bira na dam yayuke. Hanameel babye, Raja Zedeikia birye, el yin talin nang ulamik aik koproba, tomobuka deiamukak yayuke. Hanameel yayukce, elce nati yanuka nyapnuk. “Benyamin yala nang arye, talinyak mutuku noutam bukni, Anatot mutuku talinun tuku ara, ance deknunilyame. Deiyok ara, anda na yalanye ulyama ati, nun mutuku noutam ulamupu touk, ancuk atuku minop dektume,” nyabuka, moropnukba, narye bita kekepse. ‘E, anyapmanil yupu ara, dipkoprob Allah Yahweh, elcuk min talak nyapdeiamnuk yupu ara, anye birye ayupu atonun, akunum nyapnile,’ tenepse. Winibuka tenepsa deice arye, moubuka bikse. ‘E, anye birye nyabuka moropmanil yupu ara, dipkoprob Allah Yahweh arye tenelul touk, akunum nyapnile,’ tenebuka bikse.

Imamat 1:10

Yatanye do, elce, ‘Allah Yahweh ati, na malye wininye ning kilipnamnilʼ tenen, Allah el arena ati, ‘Sapi basam do, kambing basam do, arepnunʼ teneplyopura, yim ning bol, pia teleb ninguk arenamlule. Atonun, bol malye bomlye domba basam do, kambing basam do, arena ara, pia meme.

Imamat 23:13

Winipmunye talakuk, roti dana ati deiyok ning, el si tepung, pia teleb ning, mitik tonun ikin ara, empat liter ap, tonok liter noutam ning ap (4.5 liter), minyak ap, tabakuka deipmunce, aning dobuka, uku dongopmunba, uku diplyopura, nintong teleb upliba, anggun ni koproba Allah, na si Yahweh kekepnirye, kanye deipnamsine. Tonda, anggur mek, tonok liter kwebuka, aning ap tabakuka, na Allah ati, arelbanamlulume.

Imamat 3:12

Winipmanto ara, ninye bin tonok arye, kambing basam tonok ton, ‘Allah ati, arepnune,’ teneplyopura, anye el bidamnye aryuk, akambing basam bobuka, Allah Yahweh el si erena ati, arenamlule. Ara, sapi bol arye doltakne tenda aik dam, ‘Allah eipnamleʼ tenen, anyaik damuk boyanganamlule.

Imamat 3:6

Winipmanto ara, yatanye birye do nirya, ‘Allah arye, na malye winilamse ning lyepropnilirye, teleb kipdeipniliba, el ap, na ap, telebuk unamnameʼ tenen, kam ning bobuka, arelyanganamle ning ara, domba basam do, ura kambing basam do, sapi basam do, bol malye ning ara, bobuka arelyangana, pia meme. Anya arye, tonok yim ning do, kil sapi basam do, akam ning bobuka arelyanganamle ning ara, bol pia teleb ninguk, bobuka arelyanganamlule.

Imamat 7:13

Anye birye, ‘Allah arye, teleb kipdeipnilyeura, el ap teleb kibuka neika unamnamʼ tenen, domba ato ning obuka arelyanganamle bukni, elcuk, ‘Tonda, Allah ati telebe nyana ati, yuk ning ap, tabakuka arepnune,’ teneplyeura, elce Allah ati, arepnamle ning nyapnusine. Ara, yuk ning roti nena deiyok ning deice arye dapmace ning ton, el si kue, adiparyuk bobuka, arelyanganamle. Aning ara, anye birye, ‘Allah ap, na ap, teleb kibuka neika unamnamʼ tenen, aren ning ap, ‘Telebeʼ nyan ning ap, atalak aryuk tabuka, Allah ati arelyanganamle.

Yosua 19:12

Zebulon yala nang, sik mutuku doprobik ning ara, keting panalyangan tam ara, Sarid mutuku diprongobuka binamuka ani, keting panalyangan tam ara, Kislot-Tabor mutuku tam, wilinak arye ubuka, Dobrat mutuku biyikce, welebuka, Yapia mutuku binuka dakdongamuk.

Yosua 19:22

Isakar yala nang, sik mutuku wilinak ara, Tabor mutuku bukamukak arye dipdongobuka, binamuka ani, Sahasima mutuku ap, Bet-Semes mutuku ap, binuka dakdongamuk. Abukni, otam binamuka sirya ara, Yordan mekin binamuk. Isakar yala nang arye, talibuka unamik mutuku ara, enam belas (16) weik asik dobuka ulamik mutuku nirya, bokuka arebuk. Weik-weik asik dobuka ulamik mutuku noutam babye, dobuka sik deice deibuk touk, mitik-mitik asik dolamikce, ulamik mutuku nirya babye, Yosua birye arebukba, dobuka ulamik.

Hakim-Hakim 20:18

Sik Israel yala yin talin nang nirya ara, bulubukabikce, sik Allah si erena ati weklamikak, Betel mutuku noutamakuk bulubuka biyik. Biyikopura, sik ni koproba, Allah ati asipdeyik, “Diba nun ni Allah Yahweh, nun nirya asukum bulubuka yaburye aunyab noutam arye, minop tam yata yala nang, yata mutuku nang arye, Benyamin yala nang ati wibuka mal olalbinuyap do?” Nyabikura, Allah Yahweh arye, tamubuka nyabuk. “Kume, Yehuda yala yin talin nanguk, sik wibuka mal olalbinuyake,” nyabuk.

Hakim-Hakim 20:27

Atalak ara, Allah arye, “Aning ara wininamlume, aning ara pia kum wininamlume,” nyapdeibukba, keil deice arye sekuka, marikna yo pum tam deiamik ning ara, minop talak Betel mutuku uk deiamika ati ara, tuba asukumuk uamuk. Aning ara, awamuka ati ara, Harun birye deiamuknye Eliazar, elce deiamuknye Pineas, elda imam pil donanye kibuka ulamuk.

Hakim-Hakim 4:12

Yuk nang arye Sisera biti, “Kume, Abinoam el mi Barak ap, tonda el yin nang ap, Tabor mutuku akunum welebuka binmake,” nyapdeibikba, Sisera kekebuk.

Hakim-Hakim 4:6

Winilamuka ani, tonok sum ton, Debora birye tonoknye Abinoam el mi Barak biti yukubuk. Barak bira, el ulamuk talak ara, Naftali tam noutam bukni, mutuku si ara, Kedes mutuku aulamuk. Debora birye, Barak biti yukubukba, yayukopura, nyabuk, “Israel ninye ati kalikuka melilul Allah, el si Yahweh arye nyapdeipmakil ning ara ani. ‘Zebulon yala nang ap, Naftali yala nang ap, ninye yupa weik, sepuluh ribu (10.000) nang ton bobuka, mutuku si Tabor mutuku bobinamlyame. An ap, an mapu silip ap, minopce binamlulume.

Hakim-Hakim 8:18

Aning akunum winibukopura, Gideon birye Sebah ap, Salmuna ap ati asipdeyuk, “Tabor mutuku tam omdum nang ara, yata urasin ato nang unyak do? Aning ara kel bikdum do?” nyabuka asipdeyukura, Sebah ap, Salmuna arye nyaprik. “Sik anang urasin ara, an winilalam atonun unyake. Ara, an urasin atonunuka, anang ara ninye deiyok nang ulamak atonun unyake,” nyaprik.

1 Samuel 10:4

Sik awinilye nang arye, Saul anti, ‘Telebe,’ nyabuka, si erebuka kipnamakiyake. Sik ap epdamunyopura, sikce anti, roti kwaning bitinye arepkikiba, ance moubuka dopropnamlyame.