1 Samuel 1:19 - Eipomek

¹⁹ Asum ara, sik nirya mapmeka ani, beren tam koproba arye, Elkana el bona nirya bukuka, Yahweh el si akunum erebikopura, tuba tamubuka, sik mutuku koproba, Ramataim mutuku biyik. Aminyan talak ara, Elkana ap, el kil Hana ap, asukumuk daulamdikce, el kil ap neika mapdikura, Allah arye mi arebukba, Hana birye Allah ati, morolamuk ning ara, akunum arebukura, aminyan talak sal mi deibuk.

1 Samuel 1:19 ပူးပေါင်းရင်းမြစ်များ

Kejadian 21:1

Ura, Allah el si Yahweh arye Sarah biti, bico tenyamukce, “Na mikip deice arye melipkineba, sal mi deipnalame,” nyalilamuk touk, Sarah ati teleb kipdeibukba, mi bobuk.

Kejadian 30:22

Aminyan talak ara, Rahel mitik anun you kil atonun ulamuka ani, Allah tenebukce, Rahel morolamuk ning kekebukce, melibukba, mi bobuk.

Kejadian 4:1

Adam ap, el kil Hawa ap neika ulamdika ani, Hawa mi bomuka ani, aminyan ara, el mi deibukura, “Allah el si Yahweh arye, meliamnuk deice arye, ami deipmana ati, el si ara Kain,” nyabuk.

Kejadian 8:1

Weik mekwen deiamuka ati daulamuka ani, Allah arye, Nuh ap, el mapu silip ap, sik ap neika unmek ning, kam ning ayala-yala nirya ati tuba teninmokce, elce nyapdeibukba, weik mok piripna dobukba, amekwen ara, mitik anun arye, cepnin banmok.

2 Raja-Raja 4:17

Nyabuk bukni, sik daulamdika ani, Elisa anyamuk touk, akil akunum mi bomuka ani, oketeng tamun talak aryuk, sal mi deibuk.

Mazmur 119:147

Ati, na mapmanya ani, bereknulye talak, beren tam bukuknye talak nirya ara, ancuk, “Melipnilyame,” nyabuka, moronamkine. Ara, ance nyalisimin yupu nirya ati pia, “Melipnilyame,” nyabuka, moronamkine. Ara ance, “Winibuka melinamsine,” nyayalum yupu ati, ‘Winipnamnilca’ tenen, pia kintinibuka dinauk unamne. Ance nyasiminye yupu deice arye, na kanye delinune.

Mazmur 136:23

Pia dipkoprob nyapsine. Allah elcuk, nun Israel nang apu yapu ikin weik ulamik talak ara, elcuk tuba tenilamukce, melilamuke. Allah Yahweh arye, nun Israel nang ati, “Pia bico tenesinirye, tuba-tuba melinamsine. Pia telebuk kilinamsine,” nyabuka, nyalin yupu deice arye, nyapsuka ati, aning ara, pia kum bataknamsile. Anirya ara, nun nirya arye el tibuk, si erebuka kina ati, ‘Naio nunce anti pia telebe nyabkiabe,’ nyanamabe.

Mazmur 25:7

Ati ara, ‘Na wel ulamse talak ara, malye ning talibuka ulamse ning ap, tuba kum teneninamnilam’ tenen, moropkine na nio. Ance nunti, ‘Aning ara, wininamlume, aning ara, pia kum wininamlume,’ nyapdeiamsulum yupu yanipsirye, malye ulamse ning nirya ara, tuba kum teneninamnilam’ tenen, moropkine na nio. Winipsiminyopura, yuk nang nirya eipsikirye, ‘Se, Allah Yahweh, elda pia diksukum koprop unanye ulule,’ nyabuka, bikinamake.

Mazmur 5:3

Na ni Allah, narye engebuka moronun yupu ara, ‘Moubuka kekepnamnilam’ tenen, moropkine. Anda, na deiyoknye Raja unilyame. Tonda, anda na si erenun Allah ulyame. Ati ara, narye, ‘Melipnilyame,’ nyabuka, morokununye bira, an uka.

Mazmur 55:17

Anang ati wenebuka opnamlum bukni, na ikin weik unilye talak nirya ara, narye anti, ‘Se, na ni Allah, ance melibuka lyepnilyame,’ nyabuka moronamkine! Na kel bikne, moropnyeura, Allah Yahweh arye, nati, dipkoprob lyepropnamnile.

Markus 1:35

Sik mapmeka ani, kum berekmok talak arye, tuba inipmok bukni, Yesus bukukabukce, anyasik batakuka buru tam biyukce, ninye kum ulamikak binuka, Allah morobuk.

Lukas 23:42

Nyabukopura, anyanmoknye aniryuk Yesus ati nyabuk. “Yesuso, ance ninye nirya ap, aning-aning nirya ap, talibuka unalamak, wekminyopura, nati tenepnamnilyame,” nyabuk.

Yosua 18:25

Tonda, empat belas (14) asik dolamikak ton doprobik. Aweik asik dolamika noutam ara, mitik asik babye, atouk dolamik. Amutuku si ara ani. Gibeon mutuku ap, Rama mutuku ap, Beerot mutuku ap,

1 Samuel 1:1

Efraim yalanye, el si Elkana, Efraim mutuku dam bukni, Ramataim mutuku ulamuk. Elkana el li koproba, Yorebeam el apu koproba Elihu, el apu Tohu. Tonda Tohu bira, el li si ara, Suf ulamuk.

1 Samuel 1:11

“Na ni Allah Yahweh, anda aning-aning deice tam umince, mikip weiknye ulyame. Ance na kanye imun unilye ning ara, elinilyame. Nara, an amu tamuk unirye, an yupu uk kekenune. Aning ati ara, Yahweh ance nati, luba kina kume. Ance na ikin unulul ning ati melipnimince, sal mi tonok arepniminba, ami ara el potong babye, kolona kum diparyuk, el nong nirya ara, anuk arepnamkine,” nyabuka moronmok.

1 Samuel 15:34

Winibukopura, Samuel adiparyuk, Rama mutuku biyuk. Bukni, Raja Saul bira, el asik koproba, Gibea mutuku uk tamubuka biyuk.

1 Samuel 16:13

Nyabuka ati ara, Samuel adiparyuk minopce minyak zaitun mek doprobukce, el du yapu wekmek kan-kan noutamak, Samuel birye, Daud wipdeibuk. Asum arye, deiyok koubuka, dor upra balamuk talak nirya ara, Allah el Dib Kanye, Daud deice yayukce, mikip deice arye meliamuk. Samuel birye, Daud akunum wipdeibukopura, adiparyuk Rama mutuku tamubuka biyuk.

1 Samuel 19:18

Daud akunum bindobukopura, adiparyuk Rama mutuku, Samuel asik ulamukak biyuk. Biyukopura, Saul birye, elti, mal piamukce, winilamuk ning nirya, lak nyabuk. Aning akunum lak nyabukopura, Samuel ap, Daud ap neika, Nayot mutuku birik. Birikce, sik neika amutuku uk binuka ulamdik.

1 Samuel 2:11

Winibukopura, Elkana ap, sik mapu silip nirya ara, amutuku batakuka, sik mutuku, Rama mutuku tamubuka bindobik. Bukni, sik mi Samuel bira, asukumuk batakuka, Silo mutuku imam Eli, el amu tamuk ulamukce, el pil ati melilamuka deice arye, Allah Yahweh si erebuka kina ati, pil dolamuk.

1 Samuel 25:1

Samuel dibukba, Israel ninye nirya, bulubuka yanamikce, yanuka engelamik ani, Samuel el nong weibikak ara, el mutuku koproba, Rama mutuku weibik. Akunum weibikopura, aminyan talak Daud adiparyuk mek kum ati, ninye kum ulamik mutuku, mutuku si Paran mutuku biyuk.

1 Samuel 7:17

Nirya banmana ani, aning akunum winipnopura, el mutuku koproba, Rama mutuku tamubuka yangalamuke. Amutuku babye, Samuel biryuk Israel ninye, sik yupu lipsisikuka bokolina deiyoknye ulamuk. Tonda, Allah el si Yahweh kibuka, el si eren ati, Samuel birye keil pala dobuka, Rama mutuku noutamak biyukce, keil pala lelebuka yangapdeibukce, kam ning obuka, akeil pala deice uku dalamukce, Allah ati arelamuk.

1 Samuel 8:4

Winilamdika ati ara, Israel ninye talibuka, ulamika deiyok nang nirya yanuka, Rama mutuku bulubuka, Samuel ulamukak biyik. Amutuku yanuka, yupu talibikce, nyabik. “Nai, Samuelo, nun patan ning ton moropnukiyabe,” nyabik.

1 Samuel 9:26

Mapmoka, akunum berekukopura, bukukce, keting min panabuka, tikilyangalamle keting arye, Samuel welebukce, Saul alip aik ara, lyu kibuka domik deice dikdik sena ati, kintinip deipmekba, mapmokak biyukce, “Winira, anda an mutuku tamubuka binulyame. Arup ara, binamalama ati ara, narye an bobinukine,” nyabuk. Nyabukura, Saul bukukopura, Samuel ap, sik neika alip aik arye, koulukuka tuku tam yarikce, bisik banmarik.