1 Peterus 5:7 - Eipomek

⁷ Allah arye anggun nirya ati, bico tenepsilirye, pia melisulula anya arye, anggunce, ‘Se, yata wiripnuyap do?’ tenen, imun kanye bobuka, teniltonauk usilye ning nirya ara, Allah el deiceuk delinamlulume.

1 Peterus 5:7 ပူးပေါင်းရင်းမြစ်များ

Mazmur 34:15

Tonda, yata malye winin ning do nirya, ‘Malye kum winiptibye’ tenen, malye winin ning nirya ara, batakmunce, diksukum winin ninguk, talibuka wininamlulume. Winipmunce anggun ap, anggun kayapu ap ati, olana ap, yupu si dalana ap, kum diparyuk, yuk ninye ap ansinibuka, kanye talima dukdongobuka, neika unamlulume. Anggunce, ‘Se, yuk ninye ap, ansinibuka teleb kibuka neika unamabe’ tenen, pia pi dobuka, diksukumuk wininamlulume.

Mazmur 37:5

Ati ara, anggun nong nirya bobuka, Allah elti, arepmunce, utenenamlulume. ‘Allah elcuk kalikuka melinamsil’ tenen, el tibuk, weika arye dib tenepmunyopura, Allah arye anggunti, melinamsil ning ara, laka nyapnusine. Ara ani.

Mazmur 40:17

Bukni, yata ninye do nirya, Allah antibuk, tuba diba tenebuka unyak ninye nirya ara, ‘Ance teleb kibuka deipminba, sik nirya pin-pin kanye bobuka unamak’ tenen, moropkine. Tonda, ‘Allah el dem arye lyebuka dolyanamsile’ tenebuka wininyak ninye nirya ara, ‘Pin-pin kanye bobuka unamak’ tenen, moropkine. Tonda, aninye arye, ‘Ninye tukwak ninye mutuku-mutuku nirya unyak ninye nirya ati, nun ni Allah, el si Yahweh pia erenamake’ tenen, laka nyanamake. Sikce, “Allah Yahweh, aning-aning nirya, deice tam talibuka, Pia Mambul Weiknye ulule,” nyabuka, el siuk pia erenamake.

Mazmur 55:22

Anye birye, kekena pia teleb yupu nyanulul bukni, el kanye talima pum tam ara, ‘Narye anye biti, olbinyeura, anye opnamne,’ tenenulule. Diba, anye birye, pia namin yupu deice arye, teleb yupu nyanulul bukni, elce nyanulul yupu ara, dipkoprob ninye ona ati, parang ya atonun ulule. Nemalye aryuk, talye yupu uk nyanulule.

Amsal 16:3

Aning ati, anggunce, ‘Wininamabe,’ tenelulum ning nirya ara, ‘Allah Yahweh elcuk melisilya deice arye, teleb upnin banamap’ tenen, anggun tenelulum ning ap, winipnin banamlum ning nirya ap, Allah el tibuk arenamlume. Arepmunyopura, Allah arye melisilyeba, anggun tenepmunce winipnin banamlum ning nirya ara, nong teleb ubuka nong unamle. Anggun wininamlum ning nirya ara, ‘Kume, nun mikip deice aryuk wininamabe,’ tenena pia kume.

Matius 6:27

Anggun awekmalum nang noutamak ara, yatanye birye tenepturye, el kanye imun uptua deice arye, like tonok talak tonap tabakturye, kam uptu do? Ara, kum winipmanto.

Matius 6:28

Yata ati, ‘Yatato baju ongopnamap’ tenen, kanye imun usulul do? Dolkua kan-kan arye ulamle kait ning ara, tenipdelulume. Akait ning urasin ara, pia teleb ulul bukni, aning ara, pil dona ap, baju ongona ap, kum ulule.

Matius 6:31

Allah arye dipkoprop melinamsila anya arye, anggun mambul upsilye ning ati, ‘Se, yata din ning ap, mek ap, dipnamap do? Tonda, yata baju ongopnamap do?’ tenen, kanye imun kum unamsile. Anggun talima ap, kanye ap, atukwak ning ati, weik patapliba, atalye-talye ning deice kum delinamlulume.

Markus 4:38

Aning nirya wininmok talak, Yesus, el mapu bukmekak balye tam, mana namin ning, kisok erelina deice mapmok. Yesus mapmoka ati, el mapu 12 nang arye nyabik. “Naie buklyame,” nyabuka bukeibik. Winibikce, sikce Yesus ati nyabik. “Naio, nun mekwen dipmanto unmasil ning, mambul kum tenepmasilam do?” nyabik.

Lukas 12:22

Yesus arye ayupu ton nyabuk. Anggun unamlum ning nirya ati, ‘Se yata wiripnuyap do?’ tenen, kanye imun una kume. Anggun din ning ap, ongon baju ap ara, mitik mambul bukni, anggun nong ap, kam una ap ara, weik mambul anya arye, Allah arye anggun patapsilye ning ati melinamsile. Aning ati ara, ‘Se, nun yata mek ap, yata din ning ap, dinamap do? Nun ongon baju, yataton cang baju, el si juba ongopnamap do?’ tenen, kanye imun kum unamsile.

Lukas 12:26

Apia mitik piluk ara anggunce kum pil doptuma ati, weik mambul ning ara, ‘Yata wiripnamap do?’ tenen, mambul kanye bomlum ning ara, yata ati do?

Yohanes 10:13

Domba basam weina ati, talye melinanye birye, adomba ati dipkoprop bico kum tenelule. Kanye kum delilule. Elda, ‘Kume, yo bok arepnikce deice arye, talye piluk donamne,’ tenelulnye binya arye, ‘Adomba ara bataklirye, dauplye’ tenen, domba batakuka, bik-bik abuka balule.

Pilipi 4:6

Yesus nun dolyanamsil talak ara, akunum dam upsil anya arye, yata ning do nirya ati, ilil upsiliba, ‘Se, yata upnamap do’ tenen, teniltonauk kum unamlulume. Ilil upsiliba, teniltona kum unamlum bukni, aminyan winipnamsil ning noutamak nirya ara, Allah ati moronamlulume. Ara, Allah ati telebe nyabuka, anggun patapsilye ning nirya ara, lakak nyapmunce, Allah pia moronamlulume.

1 Samuel 30:6

Aning nirya winipmekba, Daud el melina nang, sik yin talin nang ara, weik kanye ikin ubukce, ‘Se, nun kilapu ap, nun mapu kilmapu nirya ap, Amalek nang arye, akunum dobuka bobinmake. Winipmasiaka ati ara, nun deiyoknye Daud biti, keil dobuka, opnuyap do?’ teninmek. Utenebikba, Daud birye, ‘Se, yata wiriptinye do?’ tenen, tenipdeyukce, ikin kanye bobuk. Bukni, Allah el si Yahweh arye talima pum tam mikip arebuk deice arye, Daud el talima melibukba, Daud el mikip tuba ubuk.