1 Peterus 4:15 - Eipomek

¹⁵ Yata malye winin ning do nirya, ninye oltakana ap, ubula dona ap, yuk pia malye winina ap ara, ‘Yuk nang ara, malye unyak do, teleb unyak do?’ tenen, dipdebuka, minina yupu nyabuka bana ap babye, winipdebuka, anggun nong deice, ikin ning delisinyaka deiyok ning ati, anirya pia kum wininamlulume. Ikin ning anggun nong deice delinamsiaka ara, deiyok kum uaplyopura, telebuk bukni, malye winipmunyak, deiyok dipkoprop uaplyopura, ara malye ati nyapsine.

1 Peterus 4:15 ပူးပေါင်းရင်းမြစ်များ

Keluaran 22:2

Tonda winipmanto, upula donanye birye, ‘Upula dopnunʼ tenen, lukunda noutam, yuk nang sik poka domica damak yalirye, apoka pakanmalibuk eibiceura, obikiba dipnamle. Bukni, aupula dopmalinye opnamlanye, el taruk deice ara, aoplinye ining kum upnamle. Ati anye bira, wenebuka kum opnamlulume.

Matius 5:11

Anggunce na tuba diba tenepnuluma ati aning ara, malye nang arye, malye yupu nyabuka yu kilina ap, ikin ning anggun nong deice delina ap, lululina yupu nyana ap winipsicopura, anggun kanye deibuka, telebuk wininamlulume.

1 Tesalonika 4:11

Nunce anggunti peterena deice arye, nyapsupu touk, anoutam talak nirya arye, anggunce yuk nang ati, “Anggunda yata ati aning wininmalum do? Winipnamlulum, winipnamlulum,” nyabuka nyalina kume. ‘Nun bidamnye taruk aniryuk pil dobibirye, kanye lamabuka ubibirye, kanye deibuka, nimalye arye unamap’ tenen, pia pi dobuka wininamlulume.

2 Tesalonika 3:11

Ara, yuk nang arye, nun dam yanuka nyapsikibuk, kekenyap ara nyapnusiabe. Sikce, nyasinyake. “Tesalonika mutuku ninye kan-kan arye, ton nang ara pil dipkoprop talibuka kum donyake. Talye-talyeuk unyake. Sikce, yuk nang unyak ning ati, dipribana ap, yupu talye nyana ap, lululana ap, unyake,” nyabuka nyasinyake.

1 Timotius 5:13

Aninguk kum bukni, ton malye wininyaka ara, nyapnukine. Ayouwak kilapu kam ulamice kilapu ara, dipkoprop pil dona kum, talye-talye unyakce, yuk ninye aik talye wekelbanyake. Sikda, talye nong ati kwalibikirye, yuk ninye wininyak ning pia eibikirye, yuk aik ninye ati, talye laka nyalbanyake. Ayupu nyanyak talak noutamak arye sik teleb ninye kum nyapmanto yupu, akilapu arye kanye lulubuka malye-malye yupu nyanyake.

2 Timotius 2:9

Yesus Kristus arye ninye lyena ati, el laka teleb yupu peterenibuk, yuk nang arye, ‘Nun lik’ tenen, ikin ning weik na nong deice deilinikibuk, kanye imun kanye bobuka unune. Tonda, sik pia malye unyak ninye tomobikirye, tapu koubuka wenena aik dongolamak touk, ayupu peterepnin balamsibuk, tapu koubuka wenena aik dongopnike. Bukni, Allah el yupu ara, ninye arye tapu kum kouptinge. El yupu peterenyakbuk, ninye kekebikirye, diba tenebuka weik arye biknin banamake.

1 Peterus 3:14

Bukni, anggun telebuk ubuka upmunyopura, sik malye nang arye ikin ning anggun nong deice deipsikcopura, kanye deibuka, ‘Telebuka,’ tenenamlulume. Allah arye kanye deipsilirye, anggunti teleb updeipnamsil atia. Yata ninye do nirya, sikti, ilil kum unamsile. Tonda sik diba tenena kum nang arye ilil ulul ning ati ara, anggun diba tenena ninye arye aning ati ilil kum unamsile.

1 Peterus 3:17

Allah arye, ‘Wininamak,’ tenesilye touk, malye una kum bukni, telebuk ubibyopura, yuk nang arye nun nong deice ikin ning deipsikcopura, ara telebe uka. Bukni, malye winipbibya deice arye, ikin ning nun nong deice deipsikcopura, ara malyeuka. Teleb ning ara, deiyok kum upmalibuk, ikin ning nun nong deice deipsikcopura, ‘Aning ara, telebe uka,’ tenepnamabe.