1 Peterus 4:14 - Eipomek

¹⁴ Yesus Kristus diba tenebuka, el yupu kekebuka dobolbalamunye anya arye, yuk ninye eipsikirye, yu bobuka, malye yupu nyapsikcopura babye, kanye delinamlulume. Ara, ‘Nunda mambule, Allah arye nunti, teleb kilinamsil’ tenen, kanye delinamlulume. Ara, talye ati kume. Allah El Dib Kanye, teleb ubuka dirina weik ulirye, anggun talima noutamak ulula anya arye, kanye deibuka unamlulume.

1 Peterus 4:14 ပူးပေါင်းရင်းမြစ်များ

1 Raja-Raja 10:8

Aning ati, na kanye ara, an mapu silip nirya ara, kanye deibuka unyake tenepne. Ara, an amu tam weik pil dokirye, weik nang melikice nang ap, yuk talye nang bukni, an melikice nang ap nirya ara, an dam yakiba, an weik kel bikluma deice arye, yupu nyapminba kekenyake. Ati, na kanye ara, sik pia kanye deibuka unyake tenepne.

2 Raja-Raja 2:15

Yeriko mutuku dam arye, yanmek nang, Allah el yupu lak nyana deiyok nang arye, tuba Elisa biti dinmekce, nyabik. “Se, Elia weik pil dolamuka deiyok ning ara, wini talak Elisa deice aupmale. Tuba unamle,” nyabik ning ara, el dam yanmekce, el si erena ati, el dam yanuka kutam tuku dib dongobuka morobik.

Mazmur 146:5

Bukni, yata nang do nirya, sikce nun apu Yakub ton, kalikuka melilamuk Allah ati, ‘Nara elcuk, nati melibuka lyepnamnileʼ tenenyak nang ara, Allah arye aninye ati, kilinamle. Aning atouk, yata nang do nirya, sikce Allah Yahweh ati, ‘Eluk na si erenun Allah ulula ati, elcuk kalikuka lyepropnamnile,’ tenenyak ninye ara, Yahweh arye aninye ati, teleb kilinamle.

Mazmur 49:9

Aning-aning nirya areptinga babye, ninye kam una deiyok ning ara, kum winipmanto ninge. Ninye, sik kam una deiyok ning ara, kum winipmanto ning ulule.

Mazmur 89:51

Diba na ni Allah Yahweh, ance pia tenepnamlyame. Na, an amu tam pil donanye bira, yata deiyok ati bataknulumba, alye weik dakalanun do? Anyapne ning ara, talye ati kume. Yuk mutuku ninye, ayala-ayala nirya arye, natibuk, yep-yep abuka, ikin ning, na nong deice delininyaka ati, nyapne.

Yesaya 11:2

Ayanamlanye bira, Allah el si Yahweh, el Dib Kanye el nong deice aunamle. Allah el Dib Kanye arye, weik kel bikna deiyok ning ap, pia kel deice arye, aning-aning nirya teleb kibuka una deiyok ning ap, mikip weik kina deiyok ning ap, ‘Wininamlulume,’ nyabuka, kanye talima kwadina deiyok ning ap, anye biti arenamle. Winibuka areplyopura, anye birye, Allah el si Yahweh ati, el piluk dolirye, elti, si erelirye, kanye deilinamle.

Yesaya 25:8

Dibina deiyok ning akunum kum kipdeiplyopura, Allah Yahweh ara, aning-aning deice tam erebuka, mikip weik ulinye birye, im deice yin talin malaikat talilule. Ati, el mikip deice arye ninye mutuku sirya im sirya nirya ara engenyaka deiyok ning nirya ara, kum kipdeiplirye sirya daknamle. Tonda Allah arye, ‘Na tenen nang unamakʼ tenen, minop talak wibuka akwamsuk nang ara, tuba tonap teleb kipdeipnamle. Ara, yuk-yuk mutuku nang arye, el ‘Naʼ tenen, nang ati, sik nong deice ikin ning weik delilamikba, alye dakuka ulamik ning deiyok nirya ara, Allah arye aning dobuka pia pere sukum donoknamle. Ura, aning nirya ara, Allah Yahweh aning-aning deice tam mikip weik ululnye birye, el bidamnye akunum nyapdeipsuka ati, aning nirya ara, dipkoprob nong upnamle.

Yesaya 51:7

“Anggunda moubuka kekepnululume! Anggunce, ‘Se, diksukum winina ara, weik tonun patasululeʼ tenen, moubuka kel biklum nang ati nyapsine. Ara, narye, ‘Aning ara wininamlume, aning ara pia kum wininamlume. Teleb una ara ani,’ nyabuka peterelamsise yupu akunum taliplumce, anggun kanye talima noutam boplumce, aninguk talibuka ululum nang ati nyapsine. Anggunce na yupu kekepnululume! Sik yuk talye unyak nang, tukwak mutuku unyak nang arye, talye-talye yupu nyabuka, nalisinyak yupu ap, nalibuka ik-ik nyasinyak yupu ap, minin yupu nyasinyaka ap nirya babye, ilil una pia kume. Tonda, talye nang arye anggunti ara, ‘Sikda malye unyake. Sikda talye ning ati, diba tenenyake,’ nyapsikirye, malye yupu anggun deice nyasinyak nang ati ara, anggunce, ilil una kumce, ‘Se, yata ning deiyok ati ayupu nyasinyak do?’ tenen, kanye teniltona pia kum unamlume. Atalye nang arye, anggunti, malye yupu nyapnamsiyak bukni, anggunda ilil una ap, mikip mitang una ap ara pia kum unamlume. Deiyok ara, ani.

Matius 5:11

Anggunce na tuba diba tenepnuluma ati aning ara, malye nang arye, malye yupu nyabuka yu kilina ap, ikin ning anggun nong deice delina ap, lululina yupu nyana ap winipsicopura, anggun kanye deibuka, telebuk wininamlulume.

Matius 5:16

Ati ara, ‘Ninye eipnamak’ tenen, upna delilamak touk, anggunda ninye dinak nirya, weik dirina atonun unamlulume. Winimunyopura, yuk nang arye, anggun teleb winilulum ning eibikirye, anggun ni Allah im deice ululnye ati, kel kibuka el siuk erenamake. Yesus arye, el mapu ati nyabuk.

Lukas 6:22

Nara, Ninye Mi Koprop Atonunye diba tenepnuluma deice arye, yuk nang arye anggunti, ‘Anang ara, pia malye nang. Nun like,’ tenebuka, malye yupu nyapsikirye, kanye talima wilipsikirye, pia bataksikceura, kanye deibuka unamlume. Ara, Allah melipsilirye, teleb ulinamsile ati, kanye delinamlulume.

Yohanes 15:21

Sik diba tenena kum, talye unyak ninye arye, anggunda na mapu ululum ninye ati, ‘Anang ara, nun lik’ tenen, malye yupu nyabuka, “Ikin ning anggun nong deice delinamsiake,” nyabuka laka nyapmasin touk, wininamake. Wininamsiaka deiyok ara, ani. Na dopdeipnukce, tukwak mutuku dopdeipnuknye, na Ni Koprop Allah ati ara, diba tenebikirye, el ap talima dukdongobuka kum unyaka anya arye, na si erebuka talilulum ninye ati, ‘Anang ara nun lik,’ tenebuka wininamsiake.

Yohanes 8:48

Yesus arye ayupu nirya nyapmokba, sik Yahudi yala deiyok nang arye elti, yu ubukba, ayupu tamubuka nyabik. “Kume, nunce anti, ‘Anye bira, pia malye mutukunye. Samaria mutukunye ulye ning, Isa mer arye el kanye talima nirya talinyake,’ nyakinyaba ara, dib nyakinyabe,” nyabik.

Yohanes 9:28

Nyabukura, aFarisi nang arye asing kuamukak kweteipmoknye biti, el nong deice malye yupu ap, ninye wan yupu ap, weik arye nyanmek. Tonda nyabik. “Anda, anye el yupu kekebuka melinauk ulyame. Bukni, nunda Musa el sekamuk yupu dib tenebuka dobolbanyabe.

Yohanes 9:34

Asing kwetepmoknye birye nyabukba, sik Farisi nang arye nyabik. “An deiamkik talak arye diprongobuka wini talak nirya ara, anda pia malinye akunum ulyama anya arye, ance wenebuka peterepsilam ning ara, yata ati do? Anda pia malinye biti, bindoplyame,” nyabikce, anye bira dobuka bai tam dopkwetebik.

Rasul 13:45

Ninye weik bulubuka wekik ak, Yahudi yala deiyok nang arye awekmek nang eibikce, sik kanye pum tam arye anang ati yu ubukura, watubikce derebik. Derebikce, Paulus el nyanmok yupu ap, ton el ap, ati malye yupu nyabuka yupu sekik.

Rasul 18:6

Peterelamuk bukni, sik Yahudi yala deiyok nang arye, Paulus peterelamuk yupu yanibuka batakikce, elti, lulubikura, Paulus arye anang sik wenena ati, el baju juba deice palyamuk butbuta, bukwetebukce, anang ati ayupu nyabuk. “Allah arye wenebuka opsilyopura, sik ining anggun taruk tatang deiceuk upnamsile. Aning ara, na deiyok kume. Wini talak aryuk, talye kanye bobuka, Yahudi yala kum nang ati, peterelbinamne.” Paulus arye, sik Yahudi nang ati nyabuk.

Rasul 28:22

Bukni, anggun Yahudi yala nang bukni, anggun Yesus ati diba teneplum ninye ati ara, yuk ninye mutuku-mutuku nirya arye anggunti, ‘Anang ara, sik urasin yuk kipdobikce yuk ning ati dib tenesinyak,’ anya arye, malye yupu nyabuka lululisinyake. Lululisinyaka ati, an tuba-tuba teneminye ning ap, petereminye ning ap, lak nyapsiminyeura, nun kekepnamapa ati, nun patapmasile,” nyabik.

Rasul 5:41

Batakdongobikura, Yesus wipdeiamuk nang Sandeheren nang wekmek ak batakuka yukak biyikopura, utenebik. E sik Sandeheren nang arye, ‘Yesus ap, Yesus el si ap ati, nun like. Ati anang onmabe,’ tenepmasiakce, opmasiaka ati, ‘Allah arye nunti kanye deipmasila ati, opmasiaka babye, telebuka,’ tenebikce kanye deibuka kil-kil asa biyik.

2 Korintus 12:10

Aning ati ara, Kristus eluk talibuka, el pil donamne talak noutamak arye, mikip mitang unilye talak ap, yuk nang arye nati malye yupu nyabuka deilininyak talak ap, kanye imun kanye bonun talak ap, na dib tenepsa ati yu nang arye, ‘Nun lik’ tenen, na nong deice ikin ning deilininyak talak ap, anirya aupmanilya babye, ‘Aning telebuka’ tenen, kanye delilnamne. Ara, na mikip ara mitang upniliba, ikin unilye talak ara, dipkoprop Kristus mikip deice aryuk mikip unamna ati nyapne.

2 Korintus 4:10

Malye nang arye, Yesus obik touk, atalak-atalak nirya ara, sikce nunti, opmanto usinyake. Opmanto usinyak bukni, aning deiyok ara, Allah arye utenesulule. ‘Sik nong ap, sik kam unyaka ap deice arye, yuk ninye eibikirye, ‘E sik pil donyaka ap, kam tuba unyaka ap ara, Yesus el tuba kam ulirye, anang ati el mikip ariliba, adeice arye unyake,’ tenebuka, kel biknamak’ tenen, winisulule.

2 Korintus 4:16

Aning-aning nirya wininamla ati, nunda, ‘Se, yata wiripnuyap do?’ tenen, ilil arye malye kanye bobuka, bouku kum sukupnamsile. Nun nong bola deice ara, dipkoprop asum-asum nirya ikin usilibuk, malye bol bopnamap bukni, nun kanye talima noutamak ara, Allah arye asum-asum nirya teleb kibuka winiryuk ninye atonun mikip kilisulule.

Galatia 1:24

Ayupu kekelamikce, nati kanye deibuka Allah el si erelamikce, “Allah ance, ikin ning weik nun nong deice delilamsuknye Paulus bira, ance akunum lyeplumba winira telebuk ulule. Anda, pia telebe,” nyabuka, Allah el si erelamik.

Ibrani 11:26

Tonda, utenyamuk. ‘Kume, Mesir mutuku uamuk ning, dekna pia weik ning nirya taliptinya babye, mitik teleb uptinye bukni, Allah arye ninye lyena ati, dopdeipnamsilnye, Kristus ati diba tenepniba, Mesir mutuku nang arye ikin ning, na nong deice deipnicopura, aning ara weik telebe. ‘Pia teleb ning ara, aninguka,’ tenyamuk. Aning tenyamuka deiyok ara, ‘Allah arye aminyan talak menenga ati, arepnamnil ning dopropnamne,’ tenelamukce, diba tenyamuka ati winilamuk.

Yakobus 1:12

Kanye imun ning uplirye, winilelye talak kum batakalirye, pia palibuka pil dolamlenye bira, kanye deibuka telebuk unamle. Ara winildena talak noutam nirya arye, ikin ning weik ulamlye bukni, elda pia darapdongobuka ulamlyopura, el dekna ning dopropnamle atia. Amenenga ning dopropnamle ara, Allah arye, “Na ti kanye deipnice nang ara, winibuka arepnamsine,” nyapdeibuk touk, pia kam una deiyok ning dopropnamle.

Yakobus 5:11

Anggun kele, ikin ning weik ulamu bukni, sik batakna kum arye, diba tenelamikce, pia pi dobuka, pil dolamik nang ulamik. Winilamika ati, Allah arye sikti, teleb ubuka kipdeiamukbuk, kanye deibuka ulamik. Tonda, nunce, ‘Anang ara, weik mambule, sik pia telebuk ulamik,’ tenenyabe. Anggunda ayupu akunum kekelamlume. Ayub ara, el nong deice ikin ning pia weik ulamu bukni, teniltona kum arye, pia palibuka tunim abuka ulamuk. Daulamukba, Allah arye ila tamubuka aribuk ning ara, akunum kekelamlumce kel biklume. Nun ni Allah ara, pia bico tenepsilirye, nun malye wininyap ning ati optapsitu bukni, lubakipsilirye, nun patapsilye ning nirya ati, talye arisulule.

1 Peterus 2:12

Sik dib kum tenenyak ninye kan-kan ululum talak ara, anang arye anggunti, “Anang ara, malye ninye,” nyabuka lululinamsiak bukni, anggun pia dipkoprop diksukumuk ulamunyopura, anggun teleb ululum ning eipsikirye, Allah dolyanamsil talak ara, anang arye lopdeipsikirye, Allah el si ereipnamake.

1 Peterus 3:14

Bukni, anggun telebuk ubuka upmunyopura, sik malye nang arye ikin ning anggun nong deice deipsikcopura, kanye deibuka, ‘Telebuka,’ tenenamlulume. Allah arye kanye deipsilirye, anggunti teleb updeipnamsil atia. Yata ninye do nirya, sikti, ilil kum unamsile. Tonda sik diba tenena kum nang arye ilil ulul ning ati ara, anggun diba tenena ninye arye aning ati ilil kum unamsile.

1 Peterus 3:16

Allah diba tenelulum ning, laka nyabuka deilinamlum talak nirya ara, weik yupu weika arye nyana kum bukni, yuk nang nirya ati, si erebuka nimalye arye, laka nyanamlulume. Yesus Kristus talima dukdongobuka teleb ubuka, diksukumuk unamlulum bukni, malye yupu nyabuka lululinamsiak ninye ara, ‘Ailye upnamle’ tenen, anggun kanye talima noutamak ara, malye ning duknuna kum arye, diksukumuk unamlulume. Winilulumopura, yu arye lululinamsiak bukni, anggun ap, Kristus ap talima dukdongobuka ululumba, teleb winin ning eipsikcopura, alye unamle.

1 Peterus 4:16

Amalye winin ning nirya kum wininamlulum bukni, Yesus diba tenepmunce, el yupu kekebuka, dobolbalamluma ati ara, yuk nang arye, ikin ning, anggun nong deice deipsikcopura, alye kum unamsile. Alye kum upnamsil bukni, Allah lyepsukce, el mapu kipsukbuk, Kristen ninye nyasinyaka ati, ‘Aning ara, pia teleb’ tenen, Allah arye winipsuka ati, “Telebe,” nyabuka, el si erenamlulume.

2 Peterus 2:2

Tonda, Allah diba tenen nang, sik kan-kan bukni, ton nang ara, atilila yupu peteren nang, pia malye-malye ulamice ning eibikirye, ‘Aninguk winipnuyabe,’ tenebuka, pia malye wininamake. Malye-malye ubicopura, yuk ninye ton eibikirye, Yesus el dipkoprop bisik ati nyanamake. “Kume. Anang ara, malye-malye ulamica ati, Yesus nyanyak yupu ara, talye yupu uka,” nyabikirye, malye yupu nyabuka deilinamsiake.