1 Korintus 7:7 - Eipomek

⁷ “Kil dona ara, telebuka,” nyapmasin bukni, na kanye ara, Allah el mikip arepnuka deice arye, kil kum dopse bukni, mikip ubuka diksukumuk tuba unye touk, ‘Ninye nirya atonun winiptingtoura, telebe,’ tenenune. Utenenun bukni, Allah arye, yuk ninye nirya ati, ‘Kam nanguk pia unamak’ tenen, el mikip na arepnuka atonun kum arilule. Ton nang ara, amikip aresulule. Yuk nang ati ara, ‘Yuk Pil donamniak’ tenen, yuk mikip deiyok ning arilule.

1 Korintus 7:7 ပူးပေါင်းရင်းမြစ်များ

Kejadian 30:34

Nyabukopura, Laban birye, “Aning ara, teleb uka,” nyabuk.

Rasul 26:29

Ageripa nyabukura, Paulus arye tamubuka nyabuk. “Mitik talak arye do? Weik talak arye do? Ura narye Allah moronya ara, anuk kume. Na yupu nyanmanbuk kekenmalum ninye ap, ‘Na unye touk unamlum’ tenen, Allah moronmane. Bukni, tonok ning ara, ‘Na tapu koupnik touk, sik babye, kounamake,’ nyabuka Allah kum moronune,” Paulus arye nyabuk.

Roma 12:6

Allah bico tenepsukce, el kanye aryuk, ‘Anye bira apil donamnile, anye bira yuk yala pil donamnile,’ tenyamsuk touk, el Dib Kanye arye pil dona deiyok ning yala yuk-yuk arepsukba, pil yuk-yuk talibuka donyabe. Anya arye, Allah arye tonye biti, “Aminyan wininamle ning ap, na nyalinye yupu ap, laka nyana ap ati, ayupu nyapkiniba, laka nyanamne,” nyabuka, apil dona deiyok ning areplyopura, anye birye el diba tenelye touk, ‘Allah el yupu laka nyana ap, aminyan winipnamle ning laka nyana ap ati, apiluk talibuka donamle’ tenen, wibuka delilule.

1 Korintus 12:11

Allah el mikip arye, el pil dona deiyok ning areselilye ning ara, yala yuk-yuk ulul bukni, anirya ara, Allah El Dib Kanye aryuk aresulule. Tonda, dib tenen ninye nirya ton batakana kum anggun nirya ati, el kanye aniryuk tenesilye touk bokuka yuk-yuk arisulule.

1 Korintus 12:4

Ara, Allah el mikip deice arye, arisulul pil dona deiyok ning ati yuk yupu nyapnusine. Apil dona deiyok ning ara, yala yuk-yuk ulule. Bukni, Allah El Dib Kanye tonok, el deice aniryuk aning talye aresulule.

1 Korintus 7:8

Ara, sik kil kum domikce nang ap, ninye kum domikce kilapu ap, tonda youwak kilapu ap ati, ayupu nyapnusine. “Na kamnye binyuk unye touk, anggun babye, kam ninye atonun utibirye, Allah el piluk doptumopura, aning telebe,” nyanune. Na Paulus arye, nyapsine.

1 Korintus 9:15

‘Aning-aning nirya, na dekna ning atonun anya arye, merekuka arepnamniak’ tenen, morolamsitinye bukni, aning kum morolamsise. Tonda, asurat sekeipmasina ara, ‘Anggun Korintus mutuku ninye arye, aning-aning arenamake’ tenen, kum sekmasine. Kume. “Allah yupu peterenye talak nirya ara, dekna ning morona kumce, urdem aryuk peterenune,” nyabuka, yuk nang ati kanye deibuka laka nyanune anya arye, anggunce ato ning arepnumunyopura, ayupu ara tonap kum nyaptinye. Na dipnyopura, ara mitik ikin uka bukni, narye Allah yupu urdem aryuk kum peterepsitinyopura, weik ikin kanye bobuka unamne.

1 Korintus 9:5

Tonda, sik Allah yupu peterena deiyok nang bukni, yuk Rasul nang ap, Yesus el weit yapu ap, Peterus ap sik nirya ara, sik domik kilapu ap, neika peterelbanyake. Sikda sik kilapu ap peterepra banyak touk, narye ton, ato kil Yesus dib tenebuk kil ton kum dopnamtinya ati, nyanululum do? Kume, na deiyok ati, ‘Dopnune,’ teneptinyopura, kil doptinye.