Yakobus ayupu nyabukce, dukdongobuka ayupu tonap nyabuk. “Aning ati ara, na kayapu na tenepmana ara, sik Yahudi yala kum ninye ara, sik malye wininyak ning batakikirye, balye tamubuka Yesus diba tenenyak ninye ara, nun yahudi yala ninye arye, ‘Musa sekamuk yupu ton talibuka wininamlulume,’ nyabibya arye sik nong deice ikin ning tonap kum delinamabe.
1 Korintus 7:18 - Eipomek18 Winipmanto ning ton nyapnusine. Tonok Yahudi yalanye bira, Yesus min kum dib teneplye talak ara, Yahudi yala ninye winilamak touk, el den bam bol akunum seklyopura, aminyan Allah arye, elti, yukupliba, dib teneplyopura, elce, ‘Se, den bam bol mouse ning seknika dil ara, yata wiribuka arye, kum datu do?’ tenen, malye kanye bona kume. Aning atonun, yuknye bira, dib kum teneplye talak ara, el den bam bol kum sekika ati, akunum dib teneplyopura, ‘Se, na den bam bol mouse ning seknitinge,’ tenena kume. အခန်းကိုကြည့်ပါ။ |
1 Korintus 7:18
8 ပူးပေါင်းရင်းမြစ်များ
Anggunda ikin kanye bobuka unmalum ning ara, kekepmabe. Ara nunce, “Wininamlulume,” nyabuka kum dopkwetebupu bukni, nun unyap noutamak nang arye yuk nang arye, anggun dam yayik akarye, sik peterelamik yupu deice kekeplumce, ‘Anango, se, yata wiripnamap do?’ tenen, pia ikin kanye bobuka unmaluma ara kekepmabe.
Lak nyaprik bukni, yuk diba tenebik nang, sik yupa ara, Farisi nyalamik nang arye tikuka ayupu nyabik. “Sik Yahudi yala kum ninye babye sik den bam bol mouse ning adiparyuk dipkoprop sekenamake. Tonda sik babye, Allah arye ‘Wininamlulume aning ara, kum wininamlulume,’ nyapdeibukura, Musa arye sekamuk yupu deice arye, mem yupu tuba nyasilye touk, ayupu nirya dib tenebuka aning dobuka pia talibuka unamake. Anggunce anang ati nyanamlume,” Farisi nang arye nyabik.
Paulus, an peterelyam yupu ara, yuk nang arye erebuka laka nyabikura, aYahudi yala nang arye akunum kekebikak arye, Ara, ance Yahudi yala ninyebuk, Yahudi yala kum ninye tam noutamak turukuka unyak ninye ati, peterelyam yupu ati lak nyapsika ara, winibukap, Paulus arye nyasulule. Allah arye, ‘Wininamlulume aning kum wininamlulume,’ nyapdeibukura, Musa sekamuk mem yupu ara, donga ibuka yaniploplulume. Tonda, anggun mapu den bola mouse ning kum sekenamlulume. Tonda, Yahudi yala ninye sik ulamak touk kum wininamlulume. “Paulus ara, nyabuka peterelule,” nyabuka, yuk nang arye nyabkik anyak Yahudi yala nang arye kekebike.
Winibuka akunum teleb kipdeipsuk ak, ululuma ati, ‘Weik mambule,’ tenebuka wininamlum ning ara, Yesus Kristus el uka. ‘Anggun bidamnye ati’ tenena, do yuk ninye ati tenena do, ‘Se aning ara, mambule’ tenen, kum asilanamlum ning ara, nyapnusine. Ara, “E aninye ara, Yahudi yala ninye do, kum do? Sikda den bam bola mouse ning akunum sekik nang unyak do, kum do? Anye bira nun mutukunye do, yuk pera mutukunye do? Anang ara, kel nang do, yuk mutuku walwal nang do? Anye bira, elce el bidamnye ati, pil dobuka yo bok dololul do? Yuk nang ati talye pil melinanye ulirye, urdemuk ulul do?” nyabuka, kum asilanamlume. ‘Aning-aning nirya ara, mambul ning,’ pia kum tenenamlulume. Bukni, ‘Weik mambule,’ tenenamlum ning ara, Kristus atia. Elda aning-aning nirya deice eitam weik mambule Deiyoknye ulule. Nun dib tenenyap ninye nirya ara, nun kanye talima noutamak usulule anya arye, nun nirya ara, talima dukdongobuka ansinibuka unyabe. Aninguk tenebuka unamlulume.
ကြော်ငြာတွေ