1 Korintus 1:16 - Eipomek

¹⁶ (Diba, winira tuba tamubuka tonap tenepne. Tonye, el si ara Stefanus, el ap, el asik neika unyak ninye ap, dib tenebikba, mek dongopse. Ninye mitik bukni, yuk nang tonap mek dongopse do, kum do, na luba kipse. Bukni, mek dongona ara, ‘Anye birye do, yuknye birye do?’ tenena ara, mambul kumanya arye, dauplye.)

1 Korintus 1:16 ပူးပေါင်းရင်းမြစ်များ

Rasul 11:14

Anye bira dobuka yaceura, elce teleb yupu nyapnamsil yupu deice arye, an ap, an mapu silip ap, nirya ati Allah arye lyepnamsile,” nyabuka Kornelius arye ayupu lak nyapsuk. Peterus arye, sik Yahudi yala nang, Yerusalem mutuku ulamik nang ati laka nyabuk.

Rasul 16:15

Dib tenebukura, el ap, el aik pum neika ulamik ninye ap, diba tenebika ati, mek dongobikura, elce ‘Na aik yanamak’ tenen, moropsuk. “Anggunce nati, ‘Akil ara, nun ni koprop Yesus dipkoprop diba tenepmale,’ tenepmanuluma ati ara, na aik yamunce, tia talakuk neika unamabe,” nyabuka moropsuk. Weika arye moropsuka ati, el aik wekupu.

Rasul 16:33

Ayupu laka nyaprikura, alukunyanuk awenena aik kalikna deiyoknye birye, adiparyuk sik dobuka, sik suse mek likuka kwetebuk. Winibukura, adiparyuk el ap, el mapu silip nirya ap, diba tenebikura, mek dongoprik.

1 Korintus 1:15

Ati ara, yatanye do, yata kil do nirya, “Paulus el si deice arye, mek dongopnika anya arye, el mi unune,” kum nyaptinge.

1 Korintus 16:15

Ara, na kayapo, anggunda Yesus ati dib tenemunyeba, du weit atonun unyabe. Anggun kele, sik Akaya tam unyak ninye kan-kan, Stefanus ap, el aik unyak ninye ap, Allah yupu peterebupeba, sik minopce dib tenebike. Sik yuk nang nirya ara, aminyan tamuk dib tenebike. Yuk nang bukni, Allah ati akunum dib tenebikbuk, Allah arye, ‘Na’ tenen, wepdeibuk ninye nirya ati, Stefanus ap, el aik neika unyak ninye arye, ‘Aninye melinamabe’ tenen, apiluk dobuka unyake.

1 Korintus 16:17

Ara, Stefanus ap, Fortunatus ap, Akaikus ap na dam yayikba, neika ulamubu talak nirya ara, na kanye deibuka unune. Ara, anggun Korintus mutuku ninye na dam kum yanuka utibirye, kum melipnutum bukni, anggun ap, na ap neika kum ulamubu talak ara, asi nyapmasin nang arye, na patalamnuk ning ati, aribuka melyamnika anya arye, na kanye deibuka unune.