Otum 22:3 - Ohwihwim Olehe

³ A lu odlo a lu mi le, Ame e wo a ba Eyahuda angyiŋ. Moa a mbre me osku ba Atarsu ba Esilisiya. Ame e tsi engla Orushalima abgo ba Egamaliya. Moa a nye me edgu odaŋ moadigi a fu ma, nga ame a mbo e shri eshri me e da Ahogbrẽ eka bimikyeŋ la e wo ahe anye he.

Otum 22:3 ပူးပေါင်းရင်းမြစ်များ

Oluka 10:39

Amata a wo la anáŋ ma, eshko baŋ e ri Emeri. Aŋa angyiŋ, a dzu eŋa egi ayi ba Adigi-odne nga a ngli atuŋ a gno onyenye baŋ.

Oluka 2:46

Onda olum ba otra nga, moa a yi a hwiŋ ŋa Anyuŋ-akulu. A dzu obiŋ pa la moaEyahuda la a nye. A ngli atuŋ a la a gno odlo mo nga a la a zhĩ mo odlo.

Oluka 8:35

Moare a gre nga okyku o ka ekplo la e kpo. Moa a ba okro ba Eyesu nga moa a ka alom ba egbgabi e zgi e sku ŋa a ygi aknye a dzu obiŋ egi ayi baŋ la eda zhezheŋ. Moare pyeŋ moa a kpo eyli.

Otum 11:25

Abarnaba a bre a gre Atarsu okyku o ka Eshawlu.

Otum 15:23

Moa a hom moahi lo otum la akpa he lo. Moa a ta ma a lu mi le, Agi la e nyum oshpa, ta la moandakʼpo, agi e wo moanigimi. Agimi e shko moanáŋ, moa la a wo moaEyahuda mbo la a wo osku ba Antakiya, ta la Esiriya, ta la Esilisiya.

Otum 15:41

A sõ Esiriya ta la Esilisiya okyku o shĩ moanáŋ ba Eshki ba Ekristi andandandim.

Otum 21:20

Ambla moa a gno oshpa he lo a khwo nga, moa a hlu Ahogbrẽ eshko. Nga moa a nyuŋ Oblus a lu mi le, Anáŋ o ka eka ba ayakplo a wo. MoaEyahuda nzenze la a bmi ba adlidzi a wo ma, moa a la a kpaŋ odaŋ ba Omusa lo adzadzi.

Otum 21:39

Oblus a tno ŋa ma a lu mi le, Ame e wo a ba Eyahuda angyiŋ. Moa a mbre me osku ba Atarsu obiŋ ba Esilisiya. Ame e wo are-hwĩ ba osku la o wo anyuanyuŋ angyiŋ. O wo boŋ o bmi le, o da me e lu odlo pa la moare he lo.

Otum 23:34

Ogomna a tsi akpa lo a khwo nga, a zhĩ Oblus obiŋ baŋ a wo a ba alo. Omba ba ogomna a yi ba Oblus a wo a ba Esilisiya,

Otum 23:6

Omba ba Oblus a yi ba moakyeŋ eshki lo a wo moaEsaduki, nga moakyeŋ a wo moaEfarisi, a nyuŋ moa la a sõ ombgu a lu mi le, Agimi anáŋ! Ame e wo a ba Efarisi anwye moaEfarisi. Moa a sõ me ombgu hi okyku ba ame e bmi ba adlidzi moa la a kpu á ba a sa á kso!

Otum 26:5

Moa a sheŋ a yi, o wo moa a klo o lu adlidzi angyiŋ le, okyku eshi a zga esi me, ame e wo ba ozhẽ moaEfarisi angyiŋ. Ame e la e sõ ozhẽ he lo la osheshye.

Otum 26:9

Ame eshrishri eme a mbo e zga eso okyku o kpo ekployaŋ a mbo ba ame e kpo e gbu, okyku o bga eshko Eyesu ba Anazarata.

Otum 5:34

Ambo eshki mo alomakyeŋ a wo ma. Aŋa a ri Egamaliya. Aŋa a wo a ba Efarisi. A la a nye moare odaŋ. Moare pyeŋ a la a ka ŋa la anyuanyuŋ nzenze. Aŋa a kso egi ayi moandakʼpo la a sõ ombgu nga a lu mi le, Agimi e da moa la a nyum oshpa a zgi.

Otum 6:9

Ambo moarekyeŋ ba akulu moa a bzi lo ma Moarehwi moa a Shla mo a wo ma. Eshki mo, moaEyahuda la a zgi Esirini ta la Alaksandriya moa a wo a ba akulu he lo. Moahi lo pa la moaEyahuda la a zgi Esilisiya, ta la Asiya moa a zga esi o kla odlo ta la Estifanu.

Otum 9:1

Ma-me o gbu omba he lo, Eshawlu a la a kpo moanwyeotum ba Ahogbrẽ ewu nzenze. A gre okro anyuŋ-anda-kʼpo olu ba Ahogbrẽ

Otum 9:11

Adigi-odne a nyuŋ ŋa a lu mi le, Aŋo o yi ozhẽ moa a bzi lo ma Ozhẽ la o wo kye, nga o klo odne ba Eyahuda okyku eshi alom ba Atarsu moa a bzi ŋa ma Eshawlu, a ba a wo odne he lo. Aŋa a fa olu.

Otum 9:30

Omba moanáŋ a gno eka he nga, moa a sko Eshawlu a gre Esizariya nga moa a shri ŋa a gre Atarsu.

MoaOroma 11:1

Ame e la e zhĩ, alo o dzu eka ba Ahogbrẽ a tla moarehwi baŋ angyiŋ? O wo eka he angyiŋ mbo! Ame eshrishri me a mbo ame e wo a ba Esrayila angyiŋ. Ame e wo anwye ba ogu ba Ebrahim nga ame e wo a ba ogu ba Ebenjami.

2 MoaOkorinti 11:22

Moa a wo moaEyahuda angyiŋ? Ame a mbo e wo a ba Eyahuda angyiŋ. Moa a wo moaEsrayila angyiŋ? Ame a mbo e wo a ba Esrayila angyiŋ. Moa a wo moa ba ogu ba Ebrahim angyiŋ? Ame a mbo e wo a ba ogu ba Ebrahim angyiŋ.

MoaEgalasiya 1:14

Ame e zga gble e gre moaEyahuda ba oluŋ me nzenze. Ame e tspi gaŋ ta la onyenye moadigi e gre mo pyeŋ.

MoaEgalasiya 1:21

Ambla he nga, ame e gre ekro ba Esiriya ta la Esilisiya.