Otum 2:3 - Ohwihwim Olehe

³ Emakyeŋ eka embli ovo e ngla odne lo, nga e kpo otum eshri areyaŋ a mbo eshki lo.

Otum 2:3 ပူးပေါင်းရင်းမြစ်များ

Amatiyu 3:11

Ame e la e kpo gimi abaptisma la amihĩ okyku o tsa ba agimi e ghwo obiŋ bgu. Ambo are la á ba a ba ambla me, aŋa á kpo gimi abaptisma la Ogbgaodzi, ta la ovo. Aŋa a wo ekʼpo a gre me, nga ame e tse ma ba ame e sko akpadga baŋ mbo.

Amatiyu 3:15

Ambo Eyesu a tno ŋa ma a lu mi le, Aŋo o da lo o ygi eka he ohuhuhi, okyku eshi ozhẽ he lo angyiŋ, agi é ba e kpo ekployaŋ a mbo ba Ahogbrẽ a klo. Eyohana nga a bmi.

Oluka 24:32

Moa a lu ta la emo a lu mi le, Agi e gno oraŋ e gre eshri omba baŋ a lu odlo ba Ahogbrẽ a da gi ozhẽ mbo?

Otum 1:15

Ambla elum fi nga moare la a bmi ba adlidzi ta la Eyesu moa a shki eshki. Moa a wo eka endgaekyeŋ la ekʼpoeha. Ebitru a kso nga a nyuŋ mo a lu mi le,

Otum 2:11

MoaEyahuda pa la moa la a wo moaEyahuda mbo la a zhiŋ a sõ ozhẽ moaEyahuda a wo ma. Moakyeŋ eshki bi, moa a zgi Ekreta, moakyeŋ moa a zgi Arabiya. Ambo agi egu he lo mvye e gno ayakplo moa a la a lu eshri anyuŋ ayakplo ba Ahogbrẽ a ba a kpo!

Otum 2:2

Moa a dzu nga, moa a gno anyuŋ akyuŋ a zgi ahrẽ a ba. Alo a kpo eka ba ogbga la o wo oshye o gre eshri o la o hlu. Akyuŋ lo a ba a bli odne moa a shki ma lo.

Otum 2:4

Moa mvye a bli la Ogbgaodzi, nga moa a lu elom andandandim. Ogbgaodzi lo angyiŋ o shri ekʼpo he lo o da mo.

1 MoaOkorinti 12:10

Ogbgaodzi nga o shri ekʼpo ba o kpo ayakplo ba egbregbre angyiŋ o shri o da areabze, nga o shri okpogbu ba o nyum oshpa ba Ahogbrẽ o shri o da areabze. Nga Ogbgaodzi o shri ekʼpo ba o gʼba edgu okpogbu la o wo o ba Ogbgaodzi ta la okpogbu la o wo o ba Ogbgaodzi mbo. Ogbgaodzi o shri okpogbu ba o lu odlo la elom andandandim o shri o da areabze, nga o shri okpogbu ba o zhiŋ odlo he lo o shri o da areabze.

Eyakubu 3:6

Olom o wo eka ovo angyiŋ. O wo ekplokyeŋ la e tpi obiŋ ayi pyeŋ. Alo nga o hwiŋ odzudzu baŋ egʼba bi, alo o da ekpre e la e tpi egʼba bi ayi pyeŋ. Alo o la o ta egʼba bi pyeŋ ovo. Ovo he lo o zgi enzheovo angyiŋ o ba.

Otsotsa 11:3

Ame é hom moaegŋe me aha otum. Moa á ygi akazhga aknye. Nga moa á su odlo ba Ahogbrẽ okyku elum endga otsko ta la elum ekʼpoef ĩ.

Otsotsa 14:6

Ambla he nga ame e ka anwyeadgakyeŋ a la a knye ahrẽ, ta la Oshpaodzadzi ba gbagbu-amo. A shri lo okyku o su lo o ygi moarehwĩ ba obiŋ hi, pa la moarehwĩ ba obiŋyaŋ a mbo, ta la embreyaŋ a mbo, pa la moarehwĩ ba olomyaŋ a mbo, pa la moarehwĩ pyeŋ.