Otum 18:3 - Ohwihwim Olehe

³ A dzu pa la mo nga a kpo otum otsotse pa la mo, okyku eshi a hwiŋ algori baŋ ibu osum abro la oknye, eka ba moa a mbo moa a la a kpo.

Otum 18:3 ပူးပေါင်းရင်းမြစ်များ

1 MoaOkorinti 4:12

nga agi e la e kpo otum ngre okyku o vgi eshri bi. Omba moare a ta ogbukyu a ygi gi, agi e fa anyuadzi angyiŋ e ygi mo, nga omba moare a kpo gi ewu nga, agi e ta eso bi akpyli.

1 MoaOkorinti 9:14

Nga ekakahelo, Adigi-odne a jygu odaŋ a lu ma moa la a su osu ba Oshpaodzadzi á hwiŋ algori mo o ma.

1 MoaOkorinti 9:15

Ambo ame e ka e kpo otum okyku ohre mbo, nga akpa ba ame e ta he, ame e ta lo okyku o hwiŋ ohre angyiŋ mbo. O raŋ o gre ba ame angyiŋ e kpu ori! Arekyeŋ a kpo a gbu baŋ a zhiŋ onyomegʼba me baŋ a da lo o dzu otum ba odlo ba ototno mbo!

1 MoaOkorinti 9:18

Ame e la e hwiŋ ohrekyeŋ? Ohre me angyiŋ o wo ozhẽ ba ame e hwiŋ okyku o nyum Oshpaodzadzi lo ototno, nga ame e la e zhĩ okyku ohrekyeŋ mbo.

2 MoaOkorinti 11:7

Ame e klo ohre okro bimi omba ba ame e nyum Oshpaodzadzi ba Ahogbrẽ e ygi gimi mbo. Ame e pre eso me obiŋ okyku o da gimi e dzu la ekʼpo. Ame e ta akpu angyiŋ eka he lo?

2 MoaOkorinti 11:9

Nga omba ba ame e wo ka la gimi, ame e kpo gimi ewu okyku okpoghwokyeŋ mbo omba ba ame e gbaŋ amgbaŋ. Okyku eshi moanáŋ la a zgi Amasidoniya a ba, moa a shri ekployaŋ a mbo a shri a kom me ma. Eka ba alo o wo ayga, alo ó ba o sa ó dzu asheŋayi-asheŋayi mi. Ame é da eme é dzu olbi okro bimi mbo ku-ku!

2 MoaOkorinti 12:13

Moa a kpo gimi eshi, ewu ba moa a kpo gimi a gre moaEklisiya ehwõ? Ekplo-kyekyeŋ ba ame e kpo, ame e kpo gimi ewu okyku okpoghwo mbo. Agimi e bmi le e kyu me abgo okyku ohe lo.

1 MoaEtasolonika 2:9

Agimi anáŋ, e tne aga adzadzi eka ba agi e kpo otum nga e kpo ewu! Agi e kpo otum okyukyku ta la olulum, okyku o da gi e shri ewu ekplokyeŋ e zga eshri bimi mbo omba ba agi e la e nyum Oshpaodzadzi la o zgi okro ba Ahogbrẽ o ba.

1 MoaEtasolonika 4:11

Agimi e hwim esõ bimi nga e dzu la esõ-egbubiŋ. E ghwo abgo akplo moahwõ mbo, nga e nyuŋ otum bimi e kpo okyku o da gimi e hwiŋ algori eka ba agi e sheŋ e lu e da gimi ayga.