Otum 17:2 - Ohwihwim Olehe

² Oblus a gbu Etasolonika nga a gre anwyeakulu moaEyahuda eka baŋ a la a kpo. A kpo elum Asabat etra a la a nye moare odlo Ahogbrẽ.

Otum 17:2 ပူးပေါင်းရင်းမြစ်များ

Amatiyu 26:24

Anwye Arehwĩ á kpu eka ba Akpa ba Aho-gbrẽ a lu. Ambo a ba eshri are la á ba a yla Anwye Arehwĩ! O raŋ o gre e mbi moa a mbre are he lo mbo!

Oluka 4:16

Omba he lo Eyesu a gre osku ba Anazarata, okro baŋ a bmye ayi ma. Onda Asabat nga a gre eshki eka baŋ a la a yi. A kso okyku o tsi Akpa ba Ahogbrẽ.

Eyohana 18:20

Eyesu a tno ma a lu mi le, Ame e la e lu ekployaŋ a mbo zhezheŋ pa la moare pyeŋ. Ame e nye moare anwyeakulu ta la Anyuŋ-akulu. MoaEyahuda pyeŋ a ba a shki ahe lo. Ame e lu ekplokyeŋ esisi ondakyeŋ mbo.

Otum 13:14

Moa a zgi Epega a gre Antakiya ba Ebisidiya. Onda Asabat nga moa a gre anwyeakulu moaEyahuda nga moa a dzu ma.

Otum 13:5

Omba moa a gbu osku ba Esalami, moa a nyum oshpa ba Ahogbrẽ anwyeakulu moaEyahuda nzenze. Eyohana Amarku a ba pa la mo okyku o kpo o ghwo a mo.

Otum 14:1

Ewu e sa e kso osku ba Ekoniyom. Oblus ta la Abarnaba moa a gre osku he lo nga, moa a gre anwyeakulu moaEyahuda. Moa a nyum oshpa osheshye nga moaEyahuda ta la moa la a wo moaEyahuda mbo nzenze a bmi ba adlidzi.

Otum 17:10

Okyukyku nga, moanáŋ a knye la Oblus ta la Esila a shri a gre Eberiya. Moa a gbu ahe lo nga, moa a gre anwyeakulu moaEyahuda.

Otum 17:17

Oblus a la a hwro odlo pa la moaEyahuda, pa la moa la a wo moaEyahuda mbo la a lu Ahogbrẽ ma, anwyeakulu moaEyahuda, nga a la a hwro odlo pa la moare la a ba okyku o gno odlo baŋ okro moare la a shki ma.

Otum 18:4

Oblus a la a kla odlo pa la moaEyahuda anwyeakulu moaEyahuda onda Asabatyaŋ a mbo, okyku o daŋ a zhiŋ moaEyahuda ta la moaEgrise.

Otum 19:8

Oblus a gre anwyeakulu moaEyahuda. Aŋa a la a nyum oshpa osheshye a da moare, nga a la a kla odlo pa la mo. A zga gble okyku o da mo a ka Oreŋ ba Ahogbrẽ a bmye. A kpo eha etra ahe lo.

Otum 24:25

Ambo omba ba Oblus a lu odlo eshri odlodzi ta la onyuŋ eshri o zga, ta la Olum Ombgu la ó ba, eyli e kpo Efliki, nga a nyuŋ ŋa a lu mi le, Aŋo o yi eŋo a mo, ame é sa é bzi ŋo omba ba ame é hwiŋ anvaŋ.

Otum 28:23

Moa a sla onda ta la Oblus, nga moare nzenze a ba okro Oblus onda lo. A zga endigiŋ ma-me okyukyku Oblus a la a tsa mo, nga a nyum oshpa eshri Oreŋ ba Ahogbrẽ a da mo. A zga gble okyku o da mo a yga odlo Eyesu. A fa ayakplo ba odaŋ ba Omusa, ta la ayakplo ba akpekpa moarehwi ba Ahogbrẽ a hom mo otum.

Otum 8:35

Efilibu a lu odlo a daŋ a gno. A zga esi okro ba alom he lo a tsi lo, nga a nyum Oshpaodzadzi ba Eyesu a daŋ.

Otum 9:20

A gre anwyeakulu andandandim moaEyahuda nga a nyum oshpa eshri Eyesu, ma Eyesu a wo Anwye Ahogbrẽ.

1 MoaOkorinti 15:3

Ame e shri ekployaŋ a mbo ba ame e yga angyiŋ e shri e da gimi. E wo anyuanyuŋ nzenze. O wo adlidzi eka moa a ta Akpa ba Ahogbrẽ ma Ekristi a kpu okyku odlobi bi pyeŋ.