Otum 13:52 - Ohwihwim Olehe

⁵² Moanwyeotum la a wo Antakiya a gno oraŋ a gre eshri. Ahogbrẽ nga a bli mo la Ogbgaodzi.

Otum 13:52 ပူးပေါင်းရင်းမြစ်များ

Amatiyu 5:12

Agimi e kpo ovye, nga e gno oraŋ, okyku eshi egbre egagre e wo ma Ongyeŋ okyku gimi. Moare a kpo pa la moarehwĩ ba Ahogbrẽ a hom mo otum a mbo ekakahelo angyiŋ omba la o sheŋ o gre mi.

Otum 11:29

Moanwyeotum a hwim ma areyaŋ a mbo eshki mo a klo ekplo baŋ a kpo a gbu okyku o da mo a yi a kpo a ghwo la moanáŋ la a wo obiŋ ba Eyahuda.

Otum 2:4

Moa mvye a bli la Ogbgaodzi, nga moa a lu elom andandandim. Ogbgaodzi lo angyiŋ o shri ekʼpo he lo o da mo.

Otum 2:46

Olum ondayaŋ a mbo moa a la a pla emo a shki Anyuŋ-akulu, nga moa a la a ri algo otsotse adne emo, moa a la a ri algo lo la ovyevye nga eso e gbu mo obiŋ.

Otum 4:31

Ambla moa a fa olu a khwo nga, okro moa a shki ma lo o suŋ. Ahogbrẽ a bli mo la Ogbgaodzi nga moa a nyum oshpa Ahogbrẽ la oshye-esõ.

Otum 5:41

Moa la a nyum oshpa lo a zhiŋ ogbu a gre la ovyevye okyku ba Ahogbrẽ a sla mo okyku o da mo a kpo ewu okyku eshko Eyesu.

MoaOroma 14:17

Okyku eshi Oreŋ ba Ahogbrẽ o wo okyku oruri ta la owowa angyiŋ mbo. Ambo alo o wo odlodzi ta la opyapyaŋ ta la ovye, ayakplo hi lo, Ogbgaodzi angyiŋ o shri lo o di.

MoaOroma 15:13

Ahogbrẽ la a wo esĩ ba okayiozhẽ, a bli gimi la ovyeyaŋ a mbo, ta la opyapyaŋ okyku obmi ba adlidzi bimi ka la ŋa, okyku o da Ogbgaodzi o ta adlidzi bimi ma-ma la ekʼpo baŋ.

MoaOroma 5:3

O raŋ o gre ba agi e kpo ovye angyiŋ omba ba agi e kpo ewu, okyku eshi ewu angyiŋ e la e shri oghwo-esõ e shri e ba.

2 MoaOkorinti 8:2

Ewu ba moa a kpo e nye mo nzenze. Ambo moa a wo la ovye ma nzenze a gre eshri, okyku eka he moa a shri okpoghwo nzenze a shri a di. Moa a wo la ekŋe a gre eshri ambo moa a kpo a ghwo la moaekŋe.

MoaEgalasiya 5:22

Ambo Ogbgaodzi o la o shri oklo o ba ta la eso ekyle, ta la opyapyaŋ, ta la ota eso akpyli, ta la okpoghwo, ta la oshasha, ta la adlidzi,

1 MoaEtasolonika 1:6

Agimi e mbili gi ta la Adigi-odne. Ambo eka ba agi e kpo ewu egyagi a mbo, agimi e yga oshpa lo la ovyevye la o zgi okro ba Ogbgaodzi angyiŋ o ba.

Eyakubu 1:2

Agimi anáŋ! Agimi e ka eka ba agimi e raŋ eshri angyiŋ, okyku omba ba moa a mbga gimi la edgu ombambga anda-ndandim.

1 Ebitru 4:13

Ambo o raŋ o gre ba agimi e kpo ovye angyiŋ okyku ba agimi e pu ta la Ekristi ewu baŋ a la a kpo, okyku o da gimi e bli la ovye angyiŋ omba ba moa a tsa gi esesla baŋ.