Otum 11:1 - Ohwihwim Olehe

¹ Moa la a nyum oshpa, pa la moanáŋ obiŋ ba Eyahuda mvye, moa a gno moa la a wo moaEyahuda mbo a mbo a yga odlo Ahogbrẽ.

Otum 11:1 ပူးပေါင်းရင်းမြစ်များ

Otum 15:3

Eshki ba Ekristi osku ba Antakiya angyiŋ a hom mo otum. Moa a sõ Efonisha ta la Asamariya. Moa a tsu oshpa a da mo eka moa la a wo moaEyahuda mbo a zhiŋ a lu Ahogbrẽ ma. Moanáŋ a gno oraŋ ta la oshpa he lo nzenze.

Otum 14:27

Omba ba moa a gbu Antakiya nga, moa a pla moare Eklisiya mvye a shki, nga moa a lu ayakplo ba Ahogbrẽ a kpo pa la mo mvye a da mo, nga moa a lu eka ba Ahogbrẽ a hwile ozhẽ okyku moa la a wo moaEyahuda mbo a mbo, okyku o da mo a bmi ba adlidzi.

Oluka 2:32

Aŋa a wo ayimom okyku o tsa moa la a wo moaEyahuda mbo ozhẽ boŋ, Nga okyku o shri esesla o shri o kom moarehwi boŋ ba Esrayila.

Amarku 16:5

Moashe lo a mbli ongybi a ka nga, moa a ka ola anwye la a ygi ariga kyekyle a dzu agba obgori ongybi lo eshyẽ. Nga eyli e kpo mo.

Amatiyu 8:11

Agimi e ngli e gno! Moare nzenze moa á zgi egi etne, ta la egi olum-ore á ba okyku o dzu eteblo ekye-kyeŋ ta la Ebrahim, ta la Eshaku, ta la Eyakubu Oreŋ Ongyeŋ.

Amatiyu 2:1

Moa a mbre Eyesu osku ba Ebetalami, obiŋ ba Eyahuda. Omba he lo, Ehirudu angyiŋ a wo anyuŋ-areŋ. Ambla fi nga, moarehwĩ la a la a klo aga ta la eyi enzo, moa a zgi egi etne a ba Orushalima nga moa a zhĩ a lu mi le,

Otum 1:15

Ambla elum fi nga moare la a bmi ba adlidzi ta la Eyesu moa a shki eshki. Moa a wo eka endgaekyeŋ la ekʼpoeha. Ebitru a kso nga a nyuŋ mo a lu mi le,

Otum 11:29

Moanwyeotum a hwim ma areyaŋ a mbo eshki mo a klo ekplo baŋ a kpo a gbu okyku o da mo a yi a kpo a ghwo la moanáŋ la a wo obiŋ ba Eyahuda.

Otum 28:15

Moanáŋ la a wo Oroma moa a gno oshpa bi, nga moa a ba osku ba moa a bzi lo ma Ekyku ba Abiyu, ta la Adne Atra okyku o tsa gi ozhẽ. Omba ba Oblus a ka mo nga, a vye Ahogbrẽ nga eso e gbu ŋa obiŋ.