Otum 1:3 - Ohwihwim Olehe

³ Ambla baŋ a kso ongybi a khwo nga, a dzu obiŋ hi elum ekʼpoenyi. Omba he lo, Eyesu a da moa la a nyum oshpa baŋ a ka ŋa engyi oshushku. Okyku eka he moa la a nyum oshpa baŋ a bmi ba adlidzi zhezheŋ baŋ a kso ongybi. Moa a ka ŋa nga a sa a nye mo ayakplo eshri Oreŋ ba Ahogbrẽ.

Otum 1:3 ပူးပေါင်းရင်းမြစ်များ

Amatiyu 21:43

Eyesu a ta ma a lu mi le, Okyku eka he ame e lu e da gimi, moa á sko Oreŋ ba Ahogbrẽ á sku gimi, nga moa á shri lo á shri á da moa la á ba a kpo á gbu moa á ba a fu agbro nzenze la a wo adzadzi. [

Amatiyu 28:9

Ambla fi nga Eyesu a ri a sheŋ a mo, nga a nyuŋ mo a lu mi le, Opyapyaŋ ba esõ o dzu ka la gimi. Moa a ba okro baŋ nga, moa a kom adga baŋ abgo, nga moa a hlu ŋa eshko.

Amatiyu 3:2

Aŋa a nyum oshpa a lu mi le, Agimi e nyiŋ odzudzu bimi, okyku eshi Oreŋ ba Ongyeŋ o wo osusku a mo!

Amatiyu 4:2

Ambla baŋ a kpo elum ekʼpoenyi, ta la okyukyku ekʼpoenyi nga, a ri algo mbo nga embyle e kpo ŋa.

Amarku 16:19

Ambla ba Eyesu Adigi a lu odlo pa la moanwyeotum baŋ okʼpoakyeŋ a khwo nga, moa a sko ŋa a gre Ongyeŋ, nga a dzu obgori ba Ahogbrẽ.

Eyohana 20:26

Ambla ba asati akyeŋ nga, moanwyeotum a shki otsotse odne, Otoma nga a wo otsotse pa la mo. Ayizhẽ pyeŋ moa a klu lo, ambo Eyesu a gre aku lo eshyẽ nga a tspi agʼbaha mo. A nyuŋ mo a lu mi le, Opyapyaŋ ba eso o dzu ka la gimi.

Eyohana 21:1

Ambla he nga Eyesu a da moanwyeotum baŋ a sa a ka ŋa atam ba Etebiriya. Eka baŋ a ra a tspa pa la mo a mi.

Eyohana 21:14

Ohe lo angyiŋ o wo odgo otra ba Eyesu a shri eŋa a tsa moanwyeotum ambla ba moa a kso ŋa ongybi.

Otum 13:31

Moare la a dzi ka la ŋa a zgi Orushalima a gre Egalili, moa a ka ŋa engyi oshushku. Moahi lo angyiŋ a wo moaegŋe egi ayi moarehwi ba Esrayila.

Otum 19:8

Oblus a gre anwyeakulu moaEyahuda. Aŋa a la a nyum oshpa osheshye a da moare, nga a la a kla odlo pa la mo. A zga gble okyku o da mo a ka Oreŋ ba Ahogbrẽ a bmye. A kpo eha etra ahe lo.

Otum 28:23

Moa a sla onda ta la Oblus, nga moare nzenze a ba okro Oblus onda lo. A zga endigiŋ ma-me okyukyku Oblus a la a tsa mo, nga a nyum oshpa eshri Oreŋ ba Ahogbrẽ a da mo. A zga gble okyku o da mo a yga odlo Eyesu. A fa ayakplo ba odaŋ ba Omusa, ta la ayakplo ba akpekpa moarehwi ba Ahogbrẽ a hom mo otum.

Otum 28:31

A nyum oshpa ba Oreŋ Ahogbrẽ nga a nye moare eshri Adigi-odne Eyesu Ekristi. A lu odlo osheshye ta la esõ-egbubiŋ.

Otum 8:12

Ambo omba moa a yga Oshpaodzadzi ba Efilibu a nyum eshri Oreŋ ba Ahogbrẽ, ta la eshko Eyesu Ekristi, moa a kpo moarealom pa la moashe abaptisma.

MoaOroma 14:17

Okyku eshi Oreŋ ba Ahogbrẽ o wo okyku oruri ta la owowa angyiŋ mbo. Ambo alo o wo odlodzi ta la opyapyaŋ ta la ovye, ayakplo hi lo, Ogbgaodzi angyiŋ o shri lo o di.

MoaOkolosi 1:13

Okyku eshi aŋa angyiŋ a se gimi a sku oreŋ ba evbu, nga a shri gimi a ba oreŋ ba Anwye baŋ ba esõ baŋ.

1 MoaEtasolonika 2:12

Agi e shri oshye-esõ e da gimi nga e la e gbu gimi esõ obiŋ. Agi e la e vẽ gimi okyku o da gimi e dzu la odzudzu ba Ahogbrẽ a gno oraŋ ta la alo. Aŋa angyiŋ a bzi gimi okyku o da gimi e ba e pu ka la ŋa Oreŋ baŋ ta la ekekʼpo baŋ.

1 Eyohana 1:1

Agi e ta akpa eshri ba odlo ba esõ angyiŋ e shri e kom gimi. Odlo he lo o wo ma, a zga omba ba moa a zga esĩ a kpo obiŋ hi. Agi e gno odlo lo, nga agi e ka lo la ayi bi. Alo o wo eka he lo, agi e ka lo, nga agi e sa e tka lo.