Otsotsa 9:18 - Ohwihwim Olehe

¹⁸ Ovo ta la odzo, ta la eŋe la e bmye ovo e gre eshri, moa a zgi anyu ba ényma lo, nga moa angyiŋ a bga ogʼba okyeŋ eshki ba egʼba etra ba moarehwĩ ba obiŋ hi.

Otsotsa 9:18 ပူးပေါင်းရင်းမြစ်များ

Otsotsa 8:10

Ambla he nga anwyeadga ba otra a hlu egbaru baŋ. Eyi enzo egagre ekyeŋ la e tra eka ovo obze, e gʼbu e zgi ongyeŋ e gbu obiŋ e khwo nga e shki ogʼba okyeŋ eshki ba egʼba etra ba éhwla ta la anzhe ba ami.

Otsotsa 8:11

Eshko ba eyi enzo he lo e ri Ono. Nga ogʼba okyeŋ eshki ba egʼba etra ba amihĩ, a no. Moare nzenze la a wa amihĩ he lo, moa a kpu, okyku ba alo a zhiŋ a no.

Otsotsa 8:12

Ambla he nga anwyeadga ba onyi a hlu egbaru baŋ. Nga ogʼba okyeŋ eshki ba egʼba etra ba olulum ta la o ba ohwa, ta la o ba eyi enzo, moa a tra lo. Okyku eka he nga ogʼba okyeŋ eshki ba egʼba etra ba ayimom, alo o blu. Ogʼba okyeŋ egʼba etra ba omba ba olulum, ayimom o wo ma mbo, okyukyku a mbo o wo ekakahelo.

Otsotsa 8:7

Anwyeadga ba ori a hlu egbaru baŋ. Ambla he nga ehre-ogbu pa la ovo, la moa a kŋe lo a bga pa la amanzhli, moa a gile a ygi obiŋ. Ambla he nga ogʼba okyeŋ eshki ba egʼba etra ba obiŋ hi o ri ovo. Nga ogʼba okyeŋ eshki ba egʼba etra ba akiki a mbo o ri ovo, nga asoso pyeŋ a ri ovo.

Otsotsa 8:8

Ambla he nga anwyeadga ba oha a hlu egbaru baŋ. Moa a shri ekplokyeŋ la e wo eka ba anyuŋ-akũ la a ri ovo a shri a ta anyuŋ-ondzu. Ambla he nga ogʼba okyeŋ eshki ba egʼba etra ba anyuŋ-ondzu o zhiŋ o dzu amanzhli.

Otsotsa 8:9

Ambla he nga ogʼba okyeŋ eshki ba egʼba etra, ba ama la a wo la esõ ma anyuŋ-ondzu a kpu. Nga ogʼba okyeŋ eshki ba egʼba etra ba amgblami a jygi.

Otsotsa 9:15

Ambla he nga moa a se moanwyeadga anyi lo. Moa a nyuŋ a kpo okyku omba he lo ta la onda ba oha ba eyi he lo, okyku o da mo a bga ogʼba okyeŋ eshki ba egʼba etra ba moarehwĩ ba obiŋ hi pyeŋ.

Otsotsa 9:17

Nga okoka ba ame e ka, ame e ka ényma lo, pa la moanwyeakyuŋ la a vre lo. Ombyli ba ahwre ba moa a wo la alo ma o wo obme mbwi eka ba ovo, nga o sa ahwĩ mlemle eka ba etu. Nga o sa o wo abme mlemle eka ba eri ba azhi. Ashri ba ényma lo a wo eka ba ashri ba émbdze. Ovo ta la odzo, ta la eŋe la e bmye ovo e gre eshri e zgi anyu mo.

Otsotsa 9:19

Oshye ba ényma lo o wo anyu mo, ta la éghre mo. Éghre mo e wo eka ba amabi la a wo la ashri ma. Nga la alo angyiŋ moa a la a shri avuolo a kom moare.