Otsotsa 9:1 - Ohwihwim Olehe

¹ Ambla he nga anwyeadga ba otno a hlu egbaru baŋ. Ame e ka eyi enzo e gʼbu e zgi ongyeŋ e gbu obiŋ. Moa a shri emakuli ba enzhe la e gyuŋ mgbyimgbyimgbyiŋ a shri a daŋ.

Otsotsa 9:1 ပူးပေါင်းရင်းမြစ်များ

Oluka 10:18

Eyesu a tno mo ma a lu mi le, Ame e ka Eshitaŋ a mbo e gile e zgi ongyeŋ e ba obiŋ hi eka ayimom ba angyum-ogbu.

Oluka 8:31

Egbgabi lo e vẽ Eyesu okyku o daŋ a kyku mo, a da mo a yi a gre enzhe la e wo mgbyimgbyimgbyiŋ mbo.

MoaOroma 10:7

O mbo le aŋo o zhĩ mbo o lu mi le, Ayi á ba a yi ongybi eshyẽ nga á da Ekristi á ba a kso?

Otsotsa 1:18

Ame angyiŋ e wo are la a wo la esõ ma! Ame e mbi e kpu, ambo aŋo o ka, ambo ame e wo la esõ gbagbu gbagbu-amo ma. Ame e wo la ekʼpo eshri ba eku, ta la obiŋ ba moarehwĩ la a sheŋ a kpu a wo ma.

Otsotsa 1:20

Aŋo o ka eshyẽ ba éyi enzo efoha boŋ o ka lo obgori me ta la emgbakha ovo efoha ba azurfa. Éyi enzo efoha he lo e dzu moanwyeadga ba moaEklisiya efoha. Nga emgbakha ovo efoha ba azurfa he lo e dzu moaEklisiya efoha angyiŋ.

Otsotsa 11:7

Ambla ba moa a su odlo lo a khwo bgu le, ebyi la e zgi enzhe la e gyuŋ mgbyimgbyimgbyiŋ, e kpo ambgu pa la mo. Aŋa á kpo á gre mo nga á bga mo.

Otsotsa 17:8

Ebyi boŋ o ka he lo e wo la esõ ma ayga. Ambo e kpu bgu. Alo é ta adzadzi é zgi enzhe la e gyuŋ mgbyimgbyimgbyiŋ a mo, ambo moa a sa á bga lo. Moarehwĩ ba obiŋ hi ba moa a ta ashko mo ayga akpa ba esõ omba ba moa a zga esĩ a kpo obiŋ hi a wo mbo, moa á ka egbregbre omba ba moa a ka ebyi la e wo ebi lo, okyku eshi ayga e wo la esõ ma, ambo e wo la esõ ma ohuhuhi nga mbo, ambo alo é bla é ba.

Otsotsa 20:1

Ambla he nga ame e ka anwyeadga a zgi Ongyeŋ a ba obiŋ. A kom emakuli ba enzhe la e gyuŋ mgbyimgbyimgbyiŋ obgo baŋ, agbu la a dzõ a mbo a wo obgo baŋ.

Otsotsa 20:10

Ambla he nga Areabi la a bile mo, moa a vu ŋa a shri a ta enzheovo la e shum la ovo ma nzenze. Moa a sheŋ a shri ebyi la e wo ebi lo ta la arehwĩ la a sheŋ akpro ma Ahogbrẽ angyiŋ a hom ŋa otum a shri a ndba a ygi enzheovo he lo. Nga ahe lo moa á kpo mo ewu la olulum ta la okyukyku gbagbu gbagbu-amo.

Otsotsa 6:13

Éyi enzo e gʼbu e zgi ongyeŋ e ygi obiŋ, eka ba ezhba ebze e la e hom e ygi obiŋ omba ba ogbga o hlu la osheshye.

Otsotsa 8:10

Ambla he nga anwyeadga ba otra a hlu egbaru baŋ. Eyi enzo egagre ekyeŋ la e tra eka ovo obze, e gʼbu e zgi ongyeŋ e gbu obiŋ e khwo nga e shki ogʼba okyeŋ eshki ba egʼba etra ba éhwla ta la anzhe ba ami.

Otsotsa 8:12

Ambla he nga anwyeadga ba onyi a hlu egbaru baŋ. Nga ogʼba okyeŋ eshki ba egʼba etra ba olulum ta la o ba ohwa, ta la o ba eyi enzo, moa a tra lo. Okyku eka he nga ogʼba okyeŋ eshki ba egʼba etra ba ayimom, alo o blu. Ogʼba okyeŋ egʼba etra ba omba ba olulum, ayimom o wo ma mbo, okyukyku a mbo o wo ekakahelo.

Otsotsa 8:2

Ambla he nga ame e ka moanwyeadga afoha ba moa a tspi egi ayi ba Ahogbrẽ. Moa a shri egbaru efoha a shri a da mo.

Otsotsa 9:2

Eyi enzo he lo e hwile enzhe lo e khwo nga, odzo o zgi enzhe lo kyukyukyu eka ba odzo o la o zgi aku la a ri ovo. Ahrẽ pyeŋ a gbu evbu okyku odzo la o zgi enzhe he lo.