Otsotsa 8:5 - Ohwihwim Olehe

⁵ Ambla he nga anwyeadga lo a sko atku ba ama la a shka efpi a khwo nga, a fa ovo la o wo ambgu a bli atku lo. Ambla he nga aŋa a shri lo a ndba a ta obiŋ hi. Angyum-ogbu nga a ta akyuŋ, nga akyuŋ a zhle nzenze, ayimom ba angyum-ogbu a shka ayi ŋaŋaŋla, nga obiŋ hi o zhga ara.

Otsotsa 8:5 ပူးပေါင်းရင်းမြစ်များ

Amatiyu 24:7

Obiŋ ó kpo ambgu ta la obiŋ. Oreŋ ó kpo ambgu ta la oreŋ. Embyle é kpo, nga obiŋ ó zhga ara okroyaŋ a mbo.

Oluka 12:49

Eyesu a lu mi le, Ame e ba okyku o shri ovo angyiŋ e shri e ta obiŋ hi. Okayiozhẽ me ame e klo ba obiŋ hi o sheŋ o ri ovo bgu!

Otum 16:26

Omba fi nga obiŋ o suŋ nzenze. Aku lo nga a suŋ ahwim lo mvye. Ebuebu nga ayizhẽ mvye a hwile, aslika nga ba moa a ta moare mvye a ngla.

Otum 4:31

Ambla moa a fa olu a khwo nga, okro moa a shki ma lo o suŋ. Ahogbrẽ a bli mo la Ogbgaodzi nga moa a nyum oshpa Ahogbrẽ la oshye-esõ.

Otsotsa 11:13

Omba he lo nga, obiŋ o zhga ara nzenze. Nga moa a jygi ogʼba okyeŋ eshki ba egʼba okʼpo ba osku he lo. Omba ba obiŋ o zhga ara, moarehwĩ ezbi efoha a kpu. Eyli e kpo moare la a ra, okyku eka he nga moa a hlu Ahogbrẽ la a wo Ongyeŋ eshko okyku ekʼpo baŋ.

Otsotsa 11:19

Moa a hwile Anyuŋ-akulu ba Ahogbrẽ. Akulu he lo a wo Ongyeŋ. Nga moa a ka akpati ba ohwihwim la o wo ma Anyuŋ-akulu baŋ lo. Ambla he nga ayimom a la a fa ngzangzangza, nga akyuŋ nzenze a ta, nga angyum-ogbu a ta, nga obiŋ o zhga ara, nga ehre-ogbu e ygi obiŋ nzenze.

Otsotsa 4:5

Ayimom ba angyum-ogbu a zgi emgbakyiŋ oreŋ hi lo a ba, nga énzi nzenze, ta la akyuŋ ba angyum-ogbu a ta. Ewyi ovo efoha angyiŋ e la e ri egi ayi ba emgba-kyiŋ ba oreŋ. Moahi lo angyiŋ a wo egbga efoha ba Aho-gbrẽ.

Otsotsa 6:12

Ambla he nga ame e ka Anwye Ekylu. A sa a ngʼga onono ba ibu ba ofĩ. Ambla he nga obiŋ hi o zhga ara nzenze. Olum nga o zhiŋ o dzu ohwĩ eka ba oknye ohwĩ. Ohwa nga o zhiŋ o dzu obme eka ba amanzhli.

Otsotsa 8:3

Anwyeadga ahwõ la a wo la atku ba azurfa ba ama la a shka efpi a wo atku lo, a ba a tspi egi ayi ba ambgu ba oshriondba. Moa a shri anzho la a shka efpi nzenze a shri a daŋ okyku o daŋ a shri a ta ta la olu moarehwĩ ba Ahogbrẽ pyeŋ, nga okyku o daŋ a shri lo a shri a ndba ambgu la a tspi egi ayi ba emgbakyiŋ ba oreŋ.