Otsotsa 8:3 - Ohwihwim Olehe

³ Anwyeadga ahwõ la a wo la atku ba azurfa ba ama la a shka efpi a wo atku lo, a ba a tspi egi ayi ba ambgu ba oshriondba. Moa a shri anzho la a shka efpi nzenze a shri a daŋ okyku o daŋ a shri a ta ta la olu moarehwĩ ba Ahogbrẽ pyeŋ, nga okyku o daŋ a shri lo a shri a ndba ambgu la a tspi egi ayi ba emgbakyiŋ ba oreŋ.

Otsotsa 8:3 ပူးပေါင်းရင်းမြစ်များ

Oluka 1:10

Omba baŋ a la a ta ama la a shka efpi he lo ovo nga, moare la a wo edzi a fa olu.

MoaOroma 8:34

Arekyeŋ a sa a kpo a gbu baŋ a jygi mo? Ekristi Eyesu angyiŋ a wo are la a kpu nga moa a kso ŋa eku, nga ohuhuhi a wo obgori ba Ahogbrẽ. Aŋa a la a vẽ Ahogbrẽ okyku gi.

MoaIbrani 7:25

Okyku eka he, aŋa a kpo a gbu ohuhuhi ta la ombayaŋ a mbo baŋ a shla moare la a ba okro ba Ahogbrẽ ozhẽ baŋ. Okyku eshi a wo ma gbagbu-amo okyku o daŋ a la a vẽ Ahogbrẽ okyku mo.

MoaIbrani 9:4

Ambgu ba azurfa a wo ma ahe lo. Moa a la a kpoŋ ema la a shka efpi ovo ahe lo angyiŋ. Akpati ba ohwihwim lo a wo ahe lo. Moa a tsiŋ lo pyeŋ la azurfa. Embdzu ba azurfa e wo akpati he lo. Amana a wo embdzu lo eshyẽ. Opi ba Aharuna la o jygu aya a mbo o wo akpati lo. Nga ashye ayaŋ aha ba moa a ta odlo ba ohwihwim lo ma a mbo a wo akpati.

Otsotsa 10:1

Ambla he nga ame e sa e ka anwyeadga agagre, aŋa a gile a zgi Ongyeŋ a ba obiŋ hi. Moa a shki ŋa la etabro, nga owrogbu o ta eshri baŋ o kpaŋ. Eyayi baŋ nga e wo eka ba olulum. Nga adga baŋ a wo eka ba embyliovo.

Otsotsa 14:18

Ambla he nga anwyeadga ahwõ a zgi okro ba ambgu a ba. Aŋa angyiŋ a wo la a kʼpu ovo lo. Aŋa a lu odlo osheshye ta la anwyeadga la a wo la elenje la e wo hihihli hi lo a lu mi le, Aŋo o kpo otum pa la elenje boŋ, nga o yla andzgu anab la a bmye la e wo agbi ba obiŋ hi lo, okyku eshi alo a bmye bgu!

Otsotsa 5:8

Omba ba Anwye Ekylu a kpo eka he nga, ébyi enyi la e wo la esõ ma lo, pa la moandakʼpo ekʼpoha la anyi, moa a tsu a ygi obiŋ egi ayi baŋ. Ayaŋ a mbo eshki mo a wo la egbani ta la atku ba azurfa nga ayakplo ba moa a la a ta odzo okyku oshriondba, alo a bli atku lo slu. Alo angyiŋ o wo olu ba moarehwĩ ba Ahogbrĩ.

Otsotsa 6:9

Ambla he nga Anwye Ekylu a ngʼga onono ba ibu ba otno. Nga ame e ka esõ ba moare ba moa a sheŋ a bga mo okũ ba ambgu. Moa a bga moahi lo okyku ba moa a su odlo ba Ahogbrẽ, nga okyku ba moa a zgi egŋe baŋ la adlidzidzi.

Otsotsa 7:2

Ambla he nga ame e ka anwyeadgakyeŋ a zgi egi etne angyiŋ a ba. A shri egŋe ba Ahogbrẽ la a wo la esõ ma a shri a ba. A bzi moanwyeadga anyi he lo osheshye la enzi egagre. Ahogbrẽ a shri ekʼpo a da mo anyi he lo angyiŋ okyku o da mo a tpi obiŋ hi, ta la anyuŋ-ondzu ayi.

Otsotsa 8:4

Odzo ba anzho la a shka efpi lo nga o gre ongyeŋ ta la olu moarehwĩ ba Ahogbrẽ. Alo o zgi abgo ba anwyeadga la a tspi egi ayi ba Ahogbrẽ.

Otsotsa 8:5

Ambla he nga anwyeadga lo a sko atku ba ama la a shka efpi a khwo nga, a fa ovo la o wo ambgu a bli atku lo. Ambla he nga aŋa a shri lo a ndba a ta obiŋ hi. Angyum-ogbu nga a ta akyuŋ, nga akyuŋ a zhle nzenze, ayimom ba angyum-ogbu a shka ayi ŋaŋaŋla, nga obiŋ hi o zhga ara.

Otsotsa 9:13

Ambla he nga anwyeadga ba ofĩ a hlu egbaru baŋ. Ame nga e gno enzi, alo e zgi émvygi ba ambgu ba azurfa la a tspi egi ayi ba Ahogbrẽ.