Otsotsa 8:2 - Ohwihwim Olehe

² Ambla he nga ame e ka moanwyeadga afoha ba moa a tspi egi ayi ba Ahogbrẽ. Moa a shri egbaru efoha a shri a da mo.

Otsotsa 8:2 ပူးပေါင်းရင်းမြစ်များ

Amatiyu 18:10

O raŋ o gre bimi e dzĩ akyeŋ eshki moanwye afifi hi lo mbo. Moanwyeadga ba Ahogbrẽ la a kʼpu mo moa a wo egi ayi Adugu la a wo Ongyeŋ ombamba pyeŋ. [

Amatiyu 24:31

Moa á hlu anyuŋ angzo, nga aŋa á da moanwyeadga a yi obiŋ hi pyeŋ, nga moa á pla moarehwĩ baŋ a sla obiŋ hi pyeŋ á shki.

Oluka 1:19

Anwyeadga ba Ahogbrẽ a tno ma a lu mi le, Ame angyiŋ e wo Egabilu. Ame e la e tspi egi ayi ba Ahogbrẽ ombamba pyeŋ. Aŋa angyiŋ a hom me otum okyku o da me e lu Oshpaodzadzi he lo e doŋ,

Oluka 21:36

Ambo agimi e dzu e kʼpu ombamba pyeŋ, nga e fa olu okyku o da gimi e hwiŋ oshye bimi e ba e kpo e gre edgu ayakplo la á ba a kpo, nga e tspi egi ayi ba Anwye Arehwi.

1 MoaOkorinti 15:52

Alo é zhiŋ shoshoshoŋ ambla ba moa a hlu angzo ba amom-abgo. Omba ba moa a hlu lo, moare la a sheŋ a kpu, moa á kso eku la egʼba ba gbagbu-amo. Agi pyeŋ nga é zhiŋ.

1 MoaEtasolonika 4:16

Moarehwĩ á gno enzi ba obzi. Moa á gno enzi anyuŋ anwyeadga ba Ahogbrẽ, ta la enzi ba angzo ba Ahogbrẽ. Nga Adigi-odne ababgo baŋ á gile á zgi Ongyeŋ á ba! Ambo moa la a kpu la obmi ba adlidzi la eshko Ekristi, moa á kso mo angyiŋ ori.

Otsotsa 1:4

Akpa he lo a zgi abgo ba Eyohana a yi abgo ba moaEklisiya efoha ba egʼba obiŋ ba Asiya. Okpoghwo ta la opyapyaŋ la o zgi okro ba Ahogbrẽ o ba, o dzu o bimi. Ahogbrẽ he lo angyiŋ a wo ma ohuhuhi, nga aŋa angyiŋ a wo ma ayga, nga aŋa angyiŋ á ba a ba. Okpoghwo ta la opyapyaŋ he lo nga o zgi okro ba egbga efoha la e wo egi ayi ba emgbakyiŋ oreŋ ba Ahogbrẽ a mbo,

Otsotsa 11:15

Ambla he nga anwyeadga ba ofoha a hlu egbaru baŋ, nga enzi egagre e lu Ongyeŋ e lu mi le, Adigi-odne ta la Emisiya baŋ angyiŋ a wo la ekʼpo ba o ri ekʼpo ta la obiŋ hi ohuhuhi. Aŋa á ri ekʼpo lo gbagbu gbagbu-amo!

Otsotsa 15:1

Ambla he nga ame e ka egŋe egagre la e wo egbregbre Ongyeŋ. Egŋe he lo angyiŋ e wo moanwyeadga afoha ta la edgu elolo efoha. Elolo he lo angyiŋ e wo elolo ba amom-abgo. Olom ba Ahogbrẽ ó khwo ta la elolo he lo.

Otsotsa 16:1

Ambla he nga ame e gno anyuŋ enzi e zgi Anyuŋ-akulu e lu odlo pa la moanwyeadga afoha. E lu mi le, Agimi e yi e zhiŋ olom ba Ahogbrẽ la o wo étku efoha lo e ygi obiŋ hi!

Otsotsa 8:13

Ambla he nga ame e ka asu a la a ta oya. Ame e gno, alo a lu odlo la anyuŋ enzi a lu mi le, Ekplo ongroshri! Ekplo ongroshri! Alo é wo ekplo ewu é gre eshri okro moare la a dzu obiŋ hi omba ba enzi egbaru ba moanwyeadga atra ahwõ é zhle.

Otsotsa 8:6

Ambla he nga moanwyeadga afoha a nyiŋ a dzu okyku o hlu egbaru mo.

Otsotsa 9:1

Ambla he nga anwyeadga ba otno a hlu egbaru baŋ. Ame e ka eyi enzo e gʼbu e zgi ongyeŋ e gbu obiŋ. Moa a shri emakuli ba enzhe la e gyuŋ mgbyimgbyimgbyiŋ a shri a daŋ.