Otsotsa 7:3 - Ohwihwim Olehe

³ Anwyeadga lo a nyuŋ mo a lu mi le, Agimi e ta obiŋ hi ta la anyuŋ-ondzu, ta la akiki etsa mbo. Agimi e da gi e bre moawaghrẽ ba Ahogbrẽ egŋe ondaŋ mo ayga.

Otsotsa 7:3 ပူးပေါင်းရင်းမြစ်များ

Amatiyu 24:22

Ahogbrẽ a sheŋ a fa omba he lo a ra angyiŋ mbo e mbi, arekyeŋ á gro mbo. Ambo okyku moarehwĩ baŋ a sla, Ahogbrẽ á fa omba lo a ra.

Amatiyu 24:31

Moa á hlu anyuŋ angzo, nga aŋa á da moanwyeadga a yi obiŋ hi pyeŋ, nga moa á pla moarehwĩ baŋ a sla obiŋ hi pyeŋ á shki.

Eyohana 12:26

Areyaŋ a mbo la a klo o kpo otum me le, aŋa a lu me ma, okyku eshi ame e klo ba anwyeotum me a dzu okro ame e wo ma. Adugu á shri ekʼpo á da are la a kpo me otum.

Eyohana 3:33

Areyaŋ a mbo la a yga odlo baŋ he lo, a tsa eka ba Ahogbrẽ a wo adlidzi angyiŋ.

MoaOroma 6:22

Ambo ohuhuhi moa a kyu gimi abgo ibu ba odlobi, nga agimi e zhiŋ e dzu moawaghrẽ ba Ahogbrẽ a mo. Okyku eka he, moa a nyuŋ eso bimi a kpo okyku ŋa sha. Nga agimi é kpo nga é hwiŋ eso ba gbagbu-amo.

Otsotsa 13:16

Ebyi la e wo ebi he lo e vu moare pyeŋ omgbybi, moa la a wo akplokyeŋ mbo, pa la moa la a wo la ekʼpo, moaekŋe, pa la moangyiŋ, pa la moawaghrẽ, pa la moa la a wo moawaghrẽ mbo, nga a shri egŋe lo a shri a bre obgori mo, ta la ondaŋ mo.

Otsotsa 13:17

Arekyeŋ a kpo a gbu baŋ a gbmo emakyeŋ, o mbo le a shri emakyeŋ a shri a gbmo mbo, o wo le a wo la egŋe he lo ma ayga dne. Egŋe he lo e wo eshko ba ebyi la e wo ebi lo, o mbo le alamba la a wo okyku eshko ba ebyi he lo angyiŋ.

Otsotsa 14:1

Ambla he nga ame e zhiŋ e ka nga, ame e ka Anwye Ekylu a tspi Aku ba Ezayoŋ. Moarehwĩ ezbi endga la ekʼpoenyi la anyi a tspi ka la ŋa ma. Moa a ta eshko baŋ ta la eshko ba Adaŋ ondaŋ mo.

Otsotsa 14:9

Anwyeadga ba otra a lu moanwyeadga aha he lo okũ nga a lu la enzi egagre a lu mi le, Areyaŋ a mbo la a hlu ebyi he lo ta la ambgu ba ebyi he lo eshko nga a sa a bre egŋe he lo ondaŋ baŋ, o mbo le obgo baŋ le,

Otsotsa 19:2

Ombgu baŋ o wo adlidzi ta la odlodzi angyiŋ! Okyku eshi aŋa a tsa ashe-eshra la a gbu eshko nga a tpi obiŋ hi ayi la ayakplo eshre baŋ, ewu. Ahogbrẽ a tsa ŋa ewu okyku baŋ a bga moawaghrẽ baŋ.

Otsotsa 20:4

Ambla he nga ame e ka émgbakyiŋ oreŋ, pa la moarehwĩ la a dzu ma. Moa a shri ekʼpo ba o sõ ombgu a shri a da mo. Nga ame e sa e ka ésõ moarehwĩ ba moa a bga moa a sheŋ a gre, okyku ba moa a su adlidzi ba Eyesu a tsa lo zhezheŋ, nga a sa a su odlo ba Ahogbrẽ. Moa a bmi a hlu ebyi la e wo ebi lo ta la ambgu ba ebyi he lo eshko mbo ku-ku. Nga moa a da mo a ta mo egŋe ba ebyi la e wo ebi he lo ondaŋ mo o mbo le abgo mo mbo. Moahi lo a dzu ta la Eyesu nga a ri ekʼpo ka la ŋa okyku eyi ezbi.

Otsotsa 22:4

Nga moa á ka eyayi baŋ, nga moa á ta eshko baŋ á bre ondaŋ mo.

Otsotsa 6:6

Nga ame e gno emakyeŋ eka ba enzi, alo e zgi okro ba ébyi enyi he lo angyiŋ e ba. E lu mi le, Angongo ba esekʼpa a wo okyku ohre ba olum okyeŋ. Nga angongo atra ba aglu-agbi a wo okyku ohre ba olum okyeŋ. Ambo agimi e tpi awargi ba olivi ta la ami anab ayi mbo!

Otsotsa 7:1

Ambla he nga ame e ka moanwyeadga anyi. Moa a tspi emvygi enyi ba obiŋ hi. Moa a nyom ogbga o hlu okroyaŋ a mbo obiŋ hi, okyku o da ogbga o gʼbu obiŋ hi ta la anyuŋ-ondzu, ta la akiki mbo.

Otsotsa 7:2

Ambla he nga ame e ka anwyeadgakyeŋ a zgi egi etne angyiŋ a ba. A shri egŋe ba Ahogbrẽ la a wo la esõ ma a shri a ba. A bzi moanwyeadga anyi he lo osheshye la enzi egagre. Ahogbrẽ a shri ekʼpo a da mo anyi he lo angyiŋ okyku o da mo a tpi obiŋ hi, ta la anyuŋ-ondzu ayi.

Otsotsa 9:4

Moa a shĩ mo ma moa a ta asoso ta la akiki etsa mbo ku-ku ta la amahwõ la a la a hlu. Ambo moa a shri ekʼpo a shri a da mo okyku o da mo a ta moarehwĩ la a wo la egŋe ba Ahogbrẽ ondaŋ mo mbo sha angyiŋ etsa.