Otsotsa 7:1 - Ohwihwim Olehe

¹ Ambla he nga ame e ka moanwyeadga anyi. Moa a tspi emvygi enyi ba obiŋ hi. Moa a nyom ogbga o hlu okroyaŋ a mbo obiŋ hi, okyku o da ogbga o gʼbu obiŋ hi ta la anyuŋ-ondzu, ta la akiki mbo.

Otsotsa 7:1 ပူးပေါင်းရင်းမြစ်များ

Amatiyu 24:31

Moa á hlu anyuŋ angzo, nga aŋa á da moanwyeadga a yi obiŋ hi pyeŋ, nga moa á pla moarehwĩ baŋ a sla obiŋ hi pyeŋ á shki.

Amarku 13:27

Á hom moanwyeadga otum á yi emvygi enyi ba obiŋ hi lo mvye, nga moa a pla moarehwi ba Ahogbrẽ a sla pyeŋ.

Otsotsa 20:8

Nga á yi okroyaŋ a mbo obiŋ hi, nga á bile moarehwĩ ba obiŋ hi pyeŋ. Moarehwĩ he lo angyiŋ a wo Ogogu ta la Amagogu. Eshitaŋ é shri mo pyeŋ é ba okyku o da mo a ta eko. Moa a wo nzenze eka ba endase ba akaŋ anyuŋ-ondzu.

Otsotsa 6:6

Nga ame e gno emakyeŋ eka ba enzi, alo e zgi okro ba ébyi enyi he lo angyiŋ e ba. E lu mi le, Angongo ba esekʼpa a wo okyku ohre ba olum okyeŋ. Nga angongo atra ba aglu-agbi a wo okyku ohre ba olum okyeŋ. Ambo agimi e tpi awargi ba olivi ta la ami anab ayi mbo!

Otsotsa 7:3

Anwyeadga lo a nyuŋ mo a lu mi le, Agimi e ta obiŋ hi ta la anyuŋ-ondzu, ta la akiki etsa mbo. Agimi e da gi e bre moawaghrẽ ba Ahogbrẽ egŋe ondaŋ mo ayga.

Otsotsa 8:7

Anwyeadga ba ori a hlu egbaru baŋ. Ambla he nga ehre-ogbu pa la ovo, la moa a kŋe lo a bga pa la amanzhli, moa a gile a ygi obiŋ. Ambla he nga ogʼba okyeŋ eshki ba egʼba etra ba obiŋ hi o ri ovo. Nga ogʼba okyeŋ eshki ba egʼba etra ba akiki a mbo o ri ovo, nga asoso pyeŋ a ri ovo.

Otsotsa 9:14

Enzi he lo e nyuŋ anwyeadga ba ofĩ la a wo egbaru ma e lu mi le, Aŋo o se moanwyeadga anyi ba moa a klu mo a ta akaŋ ondzu ogagre ba Oyufrati!

Otsotsa 9:4

Moa a shĩ mo ma moa a ta asoso ta la akiki etsa mbo ku-ku ta la amahwõ la a la a hlu. Ambo moa a shri ekʼpo a shri a da mo okyku o da mo a ta moarehwĩ la a wo la egŋe ba Ahogbrẽ ondaŋ mo mbo sha angyiŋ etsa.