Otsotsa 6:2 - Ohwihwim Olehe

² Ame e zhiŋ e ka nga, ame e ka enyma ekyle. Are la a vre enyma he lo a kom ota obgo, nga moa a shri okpmyeshri a shri a daŋ. Aŋa a zgi eka ba are la a ta eko nga a kpo a gre, nga okyku o daŋ a ri moare.

Otsotsa 6:2 ပူးပေါင်းရင်းမြစ်များ

Amatiyu 28:18

Eyesu a ba osusku pa la a mo nga a nyuŋ mo a lu mi le, Moa a shri ekʼpo pyeŋ Ongyeŋ, ta la obiŋ hi a shri a da me.

1 MoaOkorinti 15:25

Okyku eshi o dzu omgbybi ba Ekristi á ri oreŋ o tsa ba Ahogbrẽ á kpo á gre moafpu ŋa pyeŋ, nga á da mo a kŋe a shki obiŋ egi ayi baŋ.

Otsotsa 11:15

Ambla he nga anwyeadga ba ofoha a hlu egbaru baŋ, nga enzi egagre e lu Ongyeŋ e lu mi le, Adigi-odne ta la Emisiya baŋ angyiŋ a wo la ekʼpo ba o ri ekʼpo ta la obiŋ hi ohuhuhi. Aŋa á ri ekʼpo lo gbagbu gbagbu-amo!

Otsotsa 11:18

Esõ e tpi moaevbu ayi nzenze, Okyku eshi alo o wo omba boŋ ó tsa mo olom boŋ angyiŋ. Nga ba moa á ba a sõ moa la a kpu ombgu angyiŋ. Nga alo o wo omba ba o shri egbre o shri o da moawaghrẽ boŋ la a wo moarehwĩ ba Ahogbrẽ a hom mo otum angyiŋ, Pa la moarehwĩ boŋ pyeŋ, moa la a wo agagre pa la moa la a wo afifi, Pa la moa la a kpo eyli boŋ pyeŋ. Omba he angyiŋ o wo odzi ba moa a bga moa la a jygi obiŋ hi!

Otsotsa 14:14

Ambla he nga ame e zhiŋ e ka, ame e ka etabro ekyle. Ema la e ka eka ba arehwĩ e dzu etabro lo. Okpmyeshri ba azurfa o wo eshri baŋ, nga elenje la e wo hihihli e wo abgo baŋ.

Otsotsa 15:2

Ambla he nga ame e sa e ka atam ami la a shka ayi leleleŋ, nga a kŋe a bga ta la ovo. Nga ame e ka moare la a kpo a gre ebyi la e wo ebi ta la ambgu ba ebyi he lo, nga moa a kpo a gre are ba moa a shri eshko baŋ a shri a di la alamba lo. Moahi lo a tspi akaŋ atam la a shka ayi leleleŋ lo. Moa a kom égbani ba Ahogbrẽ a shri a da mo abgo.

Otsotsa 17:14

Moa á kpo ambgu ta la Anwye Ekylu. Ambo Anywe Ekylu pa la moarehwĩ la a lu ŋa ma la adlidzi baŋ a bzi mo nga a sla mo, moa á kpo á gre mo. Okyku eshi aŋa a wo Adigi-odne ba moadigi-odne, ta la Anyuŋ-areŋ ba moanyuŋ-areŋ.

Otsotsa 19:14

Moanwyeakyuŋ ba Ongyeŋ nga a dzi a lu ŋa ma. Moa a vre ényma ekyle nga moa a ygi elili ekyle.

Otsotsa 3:21

Moare la a hwiŋ okpogre lo, ame é da mo ozhẽ okyku o da mo a dzu agbaŋ ba emgbakyiŋ ba oreŋ me, eka ba ame a mbo e hwiŋ okpogre, nga ohuhuhi, ame e dzu agbaŋ ba emgbakyiŋ ba oreŋ ba Adugu ka la ŋa.

Otsotsa 9:7

Amgbatso he lo a wo eka ényma la e dzu e gno ba o yi ohwĩ ba eko. Emakyeŋ eka ba ekpmyeshri ba azurfa e wo eshri mo. Eyayi mo nga e wo eka ba eyayi ba moarehwĩ.