Otsotsa 6:1 - Ohwihwim Olehe

¹ Ambla he nga ame e ka Anwye Ekylu, a hwile onono ibu ba ori eshki ba onono ofoha ba moa a reŋ. Nga ame e gno enzi ba ebyi ekyeŋ eshki ba ébyi enyi he lo. E lu odlo la enzi ba angyum-ogbu e lu mi le, Aŋo o ba!

Otsotsa 6:1 ပူးပေါင်းရင်းမြစ်များ

Eyohana 1:29

Onda ba oha nga Eyohana a ka Eyesu a ba okro baŋ, nga a lu mi le, E ka Anwye Ekylu ba Ahogbrẽ la a la a sko odlobi ba obiŋ hi mvye!

Otum 4:20

Agi e kpo e gbu bi e tspi o lu odlo eshri ekplo bi e ka nga e gno mbo.

Otsotsa 11:19

Moa a hwile Anyuŋ-akulu ba Ahogbrẽ. Akulu he lo a wo Ongyeŋ. Nga moa a ka akpati ba ohwihwim la o wo ma Anyuŋ-akulu baŋ lo. Ambla he nga ayimom a la a fa ngzangzangza, nga akyuŋ nzenze a ta, nga angyum-ogbu a ta, nga obiŋ o zhga ara, nga ehre-ogbu e ygi obiŋ nzenze.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

Otsotsa 14:2

Nga ame e gno enzi e zgi Ongyeŋ e ba. Akyuŋ ba enzi lo a wo eka ba ami a kpo awro ba ezhim, ta la akyuŋ ba angyum-ogbu. Enzi ba ame e gno lo e zhle eka ba enzi ba moa a bymi egbani.

Otsotsa 19:6

Ambla he nga ame e gno enzi eka ba enzi ba eshki nzenze. E wo eka ba akyuŋ ba ami a dze awro ézhim la e wo egagre. E wo eka ba akyuŋ ba angyum-ogbu. Ame e gno ba moa a lu mi le, E hlu Ahogbrẽ eshko! Okyku eshi Adigi-odne la wo Ahogbrẽ bi ba ekʼpo pyeŋ angyiŋ a wo Anyuŋ-areŋ!

Otsotsa 4:8

Ayaŋ a mbo eshki ba ebyi enyi he lo a wo la angʼbo afĩ. Ayi a shki angʼbo he lo egi eshyẽ ta la egi edzi pyeŋ. Moa a la a fu abmo la olulum ta la okyukyku. Moa a la a lu mi le, Adigi-odne Ahogbrẽ la a wo ekʼpo pyeŋ, esesla, esesla, esesla okyku ŋa. Aŋa a wo ma ayga, nga aŋa a sa a wo ma ohuhuhi, nga aŋa angyiŋ á sa á ba.

Otsotsa 5:1

Ame e ka ashye akpa obgori ba are la a dzu emgbakyiŋ ba oreŋ. Moa a ta engla a bli egi ayi, ta la egi okũ lo pyeŋ. Nga moa a reŋ lo la onono ibu efoha.

Otsotsa 5:12

Nga moa a fu ambo la anyuŋ enzi a lu mi le, Anwye Ekylu ba moa a bga lo a tse ma baŋ a hwiŋ Ekʼpo ta la angyiŋ, ta la okaobmye, ta la oshye, Ta la esesla, ta la ohlueshko!

Otsotsa 5:8

Omba ba Anwye Ekylu a kpo eka he nga, ébyi enyi la e wo la esõ ma lo, pa la moandakʼpo ekʼpoha la anyi, moa a tsu a ygi obiŋ egi ayi baŋ. Ayaŋ a mbo eshki mo a wo la egbani ta la atku ba azurfa nga ayakplo ba moa a la a ta odzo okyku oshriondba, alo a bli atku lo slu. Alo angyiŋ o wo olu ba moarehwĩ ba Ahogbrĩ.

Otsotsa 6:3

Ambla he nga Anwye Ekylu a ngʼga onono ba ibu ba oha. Nga ame e gno ebyi ba oha e lu mi le, Aŋo o ba!

Otsotsa 6:5

Ambla he nga Anwye Ekylu a sa a ngʼga onono ba ibu ba otra. Nga ame e gno egyi ba otra e lu mi le, Aŋo o ba! Ame e zhiŋ e ka nga, ame e ka enyma ehwĩ. Nga are la a vre lo a kom eskeli obgo baŋ.

Otsotsa 6:7

Ambla he nga, Anwye Ekylu a ngʼga onono ba ibu ba onyi. Nga ame e gno ebyi ba onyi e lu mi le, Aŋo o ba!

Otsotsa 8:1

Omba ba Anwye Ekylu a hwile ibu onono ba ibu ba ofoha, ekployaŋ a mbo Ongyeŋ e dzu yoŋ okyku ogbu ba awa akyeŋ.