Otsotsa 5:9 - Ohwihwim Olehe

⁹ Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.

Otsotsa 5:9 ပူးပေါင်းရင်းမြစ်များ

Amatiyu 20:28

Anwye Arehwĩ a ba okyku o da mo a hlu ŋa eshko angyiŋ mbo, ambo okyku o kpo ewu okyku moahwõ, nga okyku o shri esõ baŋ o shri o di okyku o shla moare nzenze.

Amatiyu 26:28

Alo a dzu amanzhli me angyiŋ, alo angyiŋ á bli ohwihwim ba Ahogbrẽ. Moa á zhiŋ amanzhli me á ygi a bi okyku o da Ahogbrẽ a kyu moare nzenze abgo odlobi mo.

Otum 20:28

Agimi e nyuŋ egimi e ka ta la ékylu mvye ba Ogbgaodzi o shri o ghwo abgo bimi. Agimi e dzu moa la a kpaŋ moarehwi ba Ahogbrẽ. Moahi lo, aŋa a sla mo okro okpu-kpu ba Anwye baŋ a ba a kpu.

1 MoaOkorinti 6:20

Aŋa a gbmo gimi la ekplo la e wo la egbmo nzenze, okyku eka he agimi e shri egʼba bimi e kpo otum okyku o hlu Ahogbrẽ eshko.

1 MoaOkorinti 7:23

Ahogbrẽ a gbmo gimi la ekplo la e wo la egbmo nzenze. Okyku eka he, agimi e dzu moawaghrẽ ba arekyeŋ ku-ku mbo.

MoAfisu 1:7

Okyku eshi ibu eku ba Ekristi angyiŋ moa a shri odzudum a shri a da gi, nga Ahogbrẽ a kyu gi abgo odlobi bi. Okpoghwo ba Ahogbrẽ o gre eshri!

MoAfisu 5:19

Agimi e lu odlo ta la egimi ozhẽ ba ohlueshko ta la ofuabmo. E fu abmo nga e hlu Adigi-odne eshko la ohlueshko esõ bimi.

MoaOkolosi 1:14

Okro Anwye baŋ lo angyiŋ moa a shri odzudum a shri a da gi, nga moa a kyu gi abgo odlobi bi.

MoaOkolosi 1:23

O raŋ o gre ba agimi e la e kpo otum la adlidzi okũ la o wo oshye, nga o wo zhezheŋ. Nga agimi e da okayiozhẽ ba agimi e hwiŋ omba ba agimi e gno Oshpaodzadzi he lo, o suŋ mbo ku-ku. Ame Oblus, e dzu awaghrẽ okyku oshpa he lo angyiŋ. Oshpaodzadzi he lo ba moa a sheŋ a nyum lo a ygi areyaŋ a mbo obiŋ hi.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

MoaIbrani 11:14

Moa la a kpo edgu ayakplo he lo moa a lu zhezheŋ a lu ma moa a dzu a bli obiŋ ba obgo mo.

2 Ebitru 2:1

Moare la a sheŋ akpro ma Ahogbrẽ angyiŋ a hom mo otum, a zgi eshki moare ayga, ekakahelo angyiŋ, moare la a nye onyenye ba akpro á ba a zgi eshki bimi. Moa á nye onyenye la o wo oyla, ta la onyenye ba akpro nga, moa á dzu evom ba Adigi-odne la a shla mo, nga moa á jygi oshoshoŋ okyku lo.

1 Eyohana 1:7

Ambo o wo ba agi e la e dzu ayimom eka baŋ a mbo a la a dzu ayimom le, agi e wo la ekpom ta la egi, nga amanzhli ba Eyesu la a wo Anwye baŋ angyiŋ a la a ndza odlobi bi pyeŋ nga á da gi e lom pse.

1 Eyohana 2:2

Okyku eshi Ekristi ababgo baŋ a wo ozhẽ la o da mo a kyu gi abgo odlobi bi. Ambo odlobi bimi sha angyiŋ mbo, ambo odlobi ba moarehwĩ obiŋ hi pyeŋ.

Otsotsa 10:11

Nga moa a lu a da me a lu mi le, O raŋ o gre boŋ o bla o nyum oshpa ba odlo ba Ahogbrẽ o tsa moarehwĩ nzenze ta la embre nzenze, ta la elom nzenze, pa la moareŋ.

Otsotsa 11:9

Moarehwĩ ba obiŋyaŋ a mbo ta la ba embreyaŋ a mbo, ta la ba olomyaŋ a mbo, moa á tspi á ka ekom moa la a su odlo ba Ahogbrẽ ayi okyku elum etra la ogbu, nga moa á bmi á da mo á ngybi mo mbo ku-ku.

Otsotsa 13:7

Moa a bmi okyku o daŋ a kpo ambgu pa la moarehwĩ ba Ahogbrẽ, nga okyku o daŋ a kpo a gre mo. Ambla he nga moa a shri ekʼpo eshri embreyaŋ a mbo ta la olomyaŋ a mbo, pa la moarehwĩ ba obiŋyaŋ a mbo a shri a daŋ.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

Otsotsa 14:6

Ambla he nga ame e ka anwyeadgakyeŋ a la a knye ahrẽ, ta la Oshpaodzadzi ba gbagbu-amo. A shri lo okyku o su lo o ygi moarehwĩ ba obiŋ hi, pa la moarehwĩ ba obiŋyaŋ a mbo, ta la embreyaŋ a mbo, pa la moarehwĩ ba olomyaŋ a mbo, pa la moarehwĩ pyeŋ.

Otsotsa 15:3

Moa a la a fu abmo ba Omusa la a wo awaghrẽ ba Ahogbrẽ ta la abmo ba Anwye Ekylu lo. Moa a fu abmo a lu mi le, Adigi-odne, Ahogbrẽ la a wo ekʼpo pyeŋ, Otum boŋ o kpo o wo ogagre nga o wo egbregbre nzenze! Aŋo Anyuŋ-areŋ ba moarehwĩ ba obiŋ hi pyeŋ, Ozhẽ boŋ o wo shasha nga o wo adlidzi o gre eshri!

Otsotsa 17:15

Anwyeadga lo a sa a lu pa la me a lu mi le, Ami boŋ o ka ba ashe lo a dzu ma hi, alo a wo moarehwĩ angyiŋ ba eshkiyaŋ a mbo ta la obiŋyaŋ a mbo, ta la olomyaŋ a mbo.

Otsotsa 4:11

Aŋo Adigi-odne, ta la Ahogbrẽ bi! Aŋo o tse ma Boŋ o yga esesla, ohlueshko, ta la ekʼpo, Okyku eshi aŋo angyiŋ o kpo ekployaŋ a mbo, Nga moa a hwiŋ odzudzu ta la esõ okyku okoklo boŋ angyiŋ.

Otsotsa 5:12

Nga moa a fu ambo la anyuŋ enzi a lu mi le, Anwye Ekylu ba moa a bga lo a tse ma baŋ a hwiŋ Ekʼpo ta la angyiŋ, ta la okaobmye, ta la oshye, Ta la esesla, ta la ohlueshko!

Otsotsa 5:6

Ambla he nga ame e ka Anwye Ekylu a tspi agʼbaha ba emgbakyiŋ ba oreŋ. Nga ebyi enyi pa la moandakʼpo, moa a dzu a ta ŋa a kpaŋ. Anwye Ekylu a wo eka ba moa a bga lo. Anwye Ekylu he lo a wo la agzo afoha, ta la ayi afoha. Moa angyiŋ a wo egbga efoha ba Ahogbrẽ ba moa a hom mo otum a gre okroyaŋ a mbo obiŋ hi.