Otsotsa 5:6 - Ohwihwim Olehe

⁶ Ambla he nga ame e ka Anwye Ekylu a tspi agʼbaha ba emgbakyiŋ ba oreŋ. Nga ebyi enyi pa la moandakʼpo, moa a dzu a ta ŋa a kpaŋ. Anwye Ekylu a wo eka ba moa a bga lo. Anwye Ekylu he lo a wo la agzo afoha, ta la ayi afoha. Moa angyiŋ a wo egbga efoha ba Ahogbrẽ ba moa a hom mo otum a gre okroyaŋ a mbo obiŋ hi.

Otsotsa 5:6 ပူးပေါင်းရင်းမြစ်များ

Oluka 1:69

A da anyuŋ Areoshla a ba okyku gi. Aŋa angyiŋ a wo a ba ogu ba Adawuda, anwye-odne baŋ.

Eyohana 1:29

Onda ba oha nga Eyohana a ka Eyesu a ba okro baŋ, nga a lu mi le, E ka Anwye Ekylu ba Ahogbrẽ la a la a sko odlobi ba obiŋ hi mvye!

Eyohana 1:36

Omba ba Eyohana a ka Eyesu a ba nga, a lu mi le, E ka Anwye Ekylu ba Ahogbrẽ!

Otum 8:32

Okro ba Akpa ba Ahogbrẽ baŋ a la a tsi lo o lu mi le, A wo eka ekylu moa a shri a yi okro moa a bga, A wo eka anwye ekylu la e wu okũ mbo omba moa a yla lo amasẽ. A lu akplokyeŋ mbo.

Otsotsa 1:4

Akpa he lo a zgi abgo ba Eyohana a yi abgo ba moaEklisiya efoha ba egʼba obiŋ ba Asiya. Okpoghwo ta la opyapyaŋ la o zgi okro ba Ahogbrẽ o ba, o dzu o bimi. Ahogbrẽ he lo angyiŋ a wo ma ohuhuhi, nga aŋa angyiŋ a wo ma ayga, nga aŋa angyiŋ á ba a ba. Okpoghwo ta la opyapyaŋ he lo nga o zgi okro ba egbga efoha la e wo egi ayi ba emgbakyiŋ oreŋ ba Ahogbrẽ a mbo,

Otsotsa 12:11

Okyku amanzhli ba Anwye Ekylu angyiŋ, nga okyku oshpa adlidzi ba moa a la a nyum angyiŋ, moanigi a kpo a gre emabi egagre he lo. Moa a bmi ba o shri eshri mo o shri o di nga ba o kpukpu.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

Otsotsa 14:1

Ambla he nga ame e zhiŋ e ka nga, ame e ka Anwye Ekylu a tspi Aku ba Ezayoŋ. Moarehwĩ ezbi endga la ekʼpoenyi la anyi a tspi ka la ŋa ma. Moa a ta eshko baŋ ta la eshko ba Adaŋ ondaŋ mo.

Otsotsa 17:14

Moa á kpo ambgu ta la Anwye Ekylu. Ambo Anywe Ekylu pa la moarehwĩ la a lu ŋa ma la adlidzi baŋ a bzi mo nga a sla mo, moa á kpo á gre mo. Okyku eshi aŋa a wo Adigi-odne ba moadigi-odne, ta la Anyuŋ-areŋ ba moanyuŋ-areŋ.

Otsotsa 21:22

Ambo ame e ka Anyuŋ-akulu osku lo mbo, okyku eshi Adigi-odne Ahogbrẽ la a wo ekʼpo pyeŋ, ta la Anwye Ekylu angyiŋ, moa a wo Anyuŋ-akulu ba osku lo.

Otsotsa 21:23

Osku he lo o klo ayimom ba olum ta la ayimom ba ohwa mbo, okyku eshi ayimom ba esesla ba Ahogbrẽ a la a tra osku he lo, nga Anwye Ekylu angyiŋ a wo emgbuovo ba osku he lo.

Otsotsa 22:1

Anwyeadga he lo nga a tsa me ondzu ba ami ba esõ. Alo o wo zhezheŋ eka amihĩ. Alo o zgi emgbakyiŋ oreŋ ba Ahogbrẽ ta la Anwye Ekylu angyiŋ o ba.

Otsotsa 22:3

Nga ekplokyeŋ ba Ahogbrẽ a ta ogbukyu a ygi lo é hwiŋ ozhẽ é yi osku he lo mbo ku-ku. Emgbakyiŋ oreŋ ba Ahogbrẽ ta la ba Anwye Ekylu lo é dzu osku he lo. Nga moawaghrẽ baŋ á hlu ŋa eshko.

Otsotsa 4:8

Ayaŋ a mbo eshki ba ebyi enyi he lo a wo la angʼbo afĩ. Ayi a shki angʼbo he lo egi eshyẽ ta la egi edzi pyeŋ. Moa a la a fu abmo la olulum ta la okyukyku. Moa a la a lu mi le, Adigi-odne Ahogbrẽ la a wo ekʼpo pyeŋ, esesla, esesla, esesla okyku ŋa. Aŋa a wo ma ayga, nga aŋa a sa a wo ma ohuhuhi, nga aŋa angyiŋ á sa á ba.

Otsotsa 5:11

Nga ame e sa e ka nga, ame e gno enzi ba moanwyeadga ba Ahogbrẽ. Moa a wo ezbi-ezbi nzenze! Moa a tspi a ta emgbakyiŋ ba oreŋ a kpaŋ. Ébyi enyi la e wo la esõ ma he lo pa la moandakʼpo moa a wo eshyeshyẽ.

Otsotsa 5:12

Nga moa a fu ambo la anyuŋ enzi a lu mi le, Anwye Ekylu ba moa a bga lo a tse ma baŋ a hwiŋ Ekʼpo ta la angyiŋ, ta la okaobmye, ta la oshye, Ta la esesla, ta la ohlueshko!

Otsotsa 5:13

Nga ame e gno ba areyaŋ a mbo la a wo Ongyeŋ ta la obiŋ hi, ta la obiŋ ba egi eshyẽ, ta la emayaŋ a mbo la e wo ami, ta la emayaŋ a mbo la e wo obiŋ hi lo pyeŋ, moa a la a fu abmo a lu mi le, Aŋa la a la a dzu emgbakyiŋ ba oreŋ ta la Anwye Ekylu lo, Ohlueshko ta la esesla, ta la ekʼpo, Moa a dzu a mo gbagbu gbagbu-amo!

Otsotsa 5:14

Ébyi enyi la e wo la esõ ma e tno ma e lu mi le, Amin. Ambla he nga moandakʼpo a tsu a ygi obiŋ egi ayi mo nga a hlu mo eshko.

Otsotsa 6:16

Nga moa a bzi akukũ ta la ézhim a lu mi le, Agimi e zhiŋ e shum gi okyku o da are la a dzu emgbakyiŋ ba oreŋ a ka gi mbo. Nga okyku o da ombgu ba Anwye Ekylu o hwiŋ gi mbo!