Otsotsa 5:13 - Ohwihwim Olehe

¹³ Nga ame e gno ba areyaŋ a mbo la a wo Ongyeŋ ta la obiŋ hi, ta la obiŋ ba egi eshyẽ, ta la emayaŋ a mbo la e wo ami, ta la emayaŋ a mbo la e wo obiŋ hi lo pyeŋ, moa a la a fu abmo a lu mi le, Aŋa la a la a dzu emgbakyiŋ ba oreŋ ta la Anwye Ekylu lo, Ohlueshko ta la esesla, ta la ekʼpo, Moa a dzu a mo gbagbu gbagbu-amo!

Otsotsa 5:13 ပူးပေါင်းရင်းမြစ်များ

Amatiyu 6:13

O da ombambga la o gre gi eshri o hwiŋ gi mbo. O shla gi abgo Eshitaŋ.

Oluka 2:14

Ohlueshko okyku Ahogbrẽ la a wo Ongyeŋ ekpyemgbyeŋ! Nga opyapyaŋ o dzu pa la moarehwi baŋ a gno oraŋ pa la mo!

Eyohana 1:29

Onda ba oha nga Eyohana a ka Eyesu a ba okro baŋ, nga a lu mi le, E ka Anwye Ekylu ba Ahogbrẽ la a la a sko odlobi ba obiŋ hi mvye!

MoaOroma 11:36

Aŋa angyiŋ a kpo ekployaŋ a mbo, aŋa nga a da ekployaŋ a mbo e wo ma okyku eŋa. Ekekʼpo e dzu okyku Ahogbrẽ gbagbu-amo! Amin.

MoaOroma 16:27

Agi e ka Ahogbrẽ akyakyeŋ la a wo la okaobmye pyeŋ, la ekekʼpo eshko ba Eyesu Ekristi gbagbu-amo. Amin.

MoaOroma 9:5

Moa a zgi ogu moadimo ba ogbyi. Ekristi nga, moa a mbre ŋa ogu mo angyiŋ. Agi e hlu Ahogbrẽ la a ri ekʼpo eshri ekployaŋ a mbo eshko gbagbu-amo! Amin.

MoAfisu 3:21

Ekekʼpo lo e dzu ma okyku Ahogbrẽ, okro Eklisiya lo nga, ta la okro ba Ekristi Eyesu okyku omba pyeŋ, gbagbu gbagbu-amo! Amin.

MoaEfilibi 2:10

Okyku o da areyaŋ a mbo la a wo Ongyeŋ ta la obiŋ hi, ta la obiŋ la o wo obiŋ hi eshyẽ, Okyku o da mo a kʼpu obiŋ la egbarum mo Okyku o hlu Eyesu eshko.

MoaOkolosi 1:23

O raŋ o gre ba agimi e la e kpo otum la adlidzi okũ la o wo oshye, nga o wo zhezheŋ. Nga agimi e da okayiozhẽ ba agimi e hwiŋ omba ba agimi e gno Oshpaodzadzi he lo, o suŋ mbo ku-ku. Ame Oblus, e dzu awaghrẽ okyku oshpa he lo angyiŋ. Oshpaodzadzi he lo ba moa a sheŋ a nyum lo a ygi areyaŋ a mbo obiŋ hi.

1 Etimoti 4:16

O nyuŋ eshri boŋ o zga nga o nyuŋ o kpo ta la onyenye boŋ. Aŋo o kpo ayakplo he lo ombamba pyeŋ okyku o doŋ o shla eŋo, pa la moare la a gno odlo boŋ o lu lo.

1 Ebitru 4:11

Areyaŋ a mbo la a nyum oshpa le, o raŋ o gre baŋ a nyum oshpa ba odlo Ahogbrẽ angyiŋ. Nga areyaŋ a mbo la a kpo otum ba Ahogbrẽ, o raŋ o gre baŋ a kpo lo ta la oshye ba Ahogbrẽ a shri a daŋ, okyku o da mo a hlu Ahogbrẽ eshko ekployaŋ a mbo ibu ba Eyesu Ekristi la a wo la esesla ta la ekʼpo gbagbu gbagbu-amo! Amin.

1 Ebitru 5:11

Ekʼpo e dzu e baŋ, gbagbu-amo! Amin.

Eyahuda 1:25

okyku baŋ sha a wo Ahogbrẽ nga a wo Areoshla bi ibu ba Eyesu Ekristi la a wo Adigi-odne. Esesla, ta la oreŋ, ta la oshye, ta la ekʼpo, moa a dzu a baŋ a zga omba la o sheŋ o bre o gre pyeŋ, ta la ohuhuhi, ka la gbagbu-amo! Amin.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

Otsotsa 5:1

Ame e ka ashye akpa obgori ba are la a dzu emgbakyiŋ ba oreŋ. Moa a ta engla a bli egi ayi, ta la egi okũ lo pyeŋ. Nga moa a reŋ lo la onono ibu efoha.

Otsotsa 5:12

Nga moa a fu ambo la anyuŋ enzi a lu mi le, Anwye Ekylu ba moa a bga lo a tse ma baŋ a hwiŋ Ekʼpo ta la angyiŋ, ta la okaobmye, ta la oshye, Ta la esesla, ta la ohlueshko!

Otsotsa 5:3

Ambo moa a hwiŋ arekyeŋ Ongyeŋ, o mbo le obiŋ hi, o mbo le obiŋ la o wo eshyẽ ba obiŋ mbo ku-ku, baŋ a kpo a gbu baŋ a hwile lo nga a ka lo egi eshyẽ.

Otsotsa 5:6

Ambla he nga ame e ka Anwye Ekylu a tspi agʼbaha ba emgbakyiŋ ba oreŋ. Nga ebyi enyi pa la moandakʼpo, moa a dzu a ta ŋa a kpaŋ. Anwye Ekylu a wo eka ba moa a bga lo. Anwye Ekylu he lo a wo la agzo afoha, ta la ayi afoha. Moa angyiŋ a wo egbga efoha ba Ahogbrẽ ba moa a hom mo otum a gre okroyaŋ a mbo obiŋ hi.

Otsotsa 5:9

Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.

Otsotsa 6:16

Nga moa a bzi akukũ ta la ézhim a lu mi le, Agimi e zhiŋ e shum gi okyku o da are la a dzu emgbakyiŋ ba oreŋ a ka gi mbo. Nga okyku o da ombgu ba Anwye Ekylu o hwiŋ gi mbo!