Otsotsa 4:8 - Ohwihwim Olehe

⁸ Ayaŋ a mbo eshki ba ebyi enyi he lo a wo la angʼbo afĩ. Ayi a shki angʼbo he lo egi eshyẽ ta la egi edzi pyeŋ. Moa a la a fu abmo la olulum ta la okyukyku. Moa a la a lu mi le, Adigi-odne Ahogbrẽ la a wo ekʼpo pyeŋ, esesla, esesla, esesla okyku ŋa. Aŋa a wo ma ayga, nga aŋa a sa a wo ma ohuhuhi, nga aŋa angyiŋ á sa á ba.

Otsotsa 4:8 ပူးပေါင်းရင်းမြစ်များ

Otum 20:31

Agimi e nyuŋ e ka, nga e tne aga e ka adzadzi, ame la amanyi ayi me nzenze e la e nye areyaŋ a mbo eshki bimi olulum, ta la okyukyku ma-me eyi etra.

2 MoaOkorinti 6:18

Ahogbrẽ la a wo ekʼpo pyeŋ, a lu mi le, Ame é dzu adigimi, Nga agimi é dzu moanwyealom me pa la moanwye-alashle me.

1 MoaEtasolonika 2:9

Agimi anáŋ, e tne aga adzadzi eka ba agi e kpo otum nga e kpo ewu! Agi e kpo otum okyukyku ta la olulum, okyku o da gi e shri ewu ekplokyeŋ e zga eshri bimi mbo omba ba agi e la e nyum Oshpaodzadzi la o zgi okro ba Ahogbrẽ o ba.

1 Etimoti 4:16

O nyuŋ eshri boŋ o zga nga o nyuŋ o kpo ta la onyenye boŋ. Aŋo o kpo ayakplo he lo ombamba pyeŋ okyku o doŋ o shla eŋo, pa la moare la a gno odlo boŋ o lu lo.

2 Etimoti 4:2

okyku o doŋ o nyum oshpa lo, nga o zga omgbybi boŋ o lu lo o ygi moare omba la o wo odzi, ta la omba la o wo odzi mbo. Nga o tsa mo o da mo a ka adlidzi, nga o shrom mo, nga o shĩ mo, nga o nye mo la oheheŋ.

MoaIbrani 13:8

Ore ta la anye, ta la akyi, ta la gbagbu-amo, Eyesu Ekristi á nyiŋ ku-ku mbo.

Otsotsa 1:4

Akpa he lo a zgi abgo ba Eyohana a yi abgo ba moaEklisiya efoha ba egʼba obiŋ ba Asiya. Okpoghwo ta la opyapyaŋ la o zgi okro ba Ahogbrẽ o ba, o dzu o bimi. Ahogbrẽ he lo angyiŋ a wo ma ohuhuhi, nga aŋa angyiŋ a wo ma ayga, nga aŋa angyiŋ á ba a ba. Okpoghwo ta la opyapyaŋ he lo nga o zgi okro ba egbga efoha la e wo egi ayi ba emgbakyiŋ oreŋ ba Ahogbrẽ a mbo,

Otsotsa 1:8

Adigi-odne Ahogbrẽ la a wo ekʼpo pyeŋ a lu mi le, Ame angyiŋ e wo Alfa ta la Omega. Aŋa angyiŋ a wo ma ohuhuhi, nga aŋa angyiŋ a wo ma ayga, nga aŋa angyiŋ á ba á ba.

Otsotsa 11:17

Adigi-odne Ahogbrẽ la a wo ekʼpo pyeŋ, aŋo angyiŋ o wo ma ohuhuhi, nga aŋo o sa o wo ma ayga! Agi e vye la ŋo ba aŋo o tsa ekʼpo egagre boŋ, Nga aŋo o sheŋ o zga esĩ ba o ri ekʼpo a mo!

Otsotsa 14:11

Odzo ba ovo la ó ba o kpo mo ewu lo ó yi ongyeŋ gbagbu-amo. Olulum ta la okyukyu odzudum ó wo ma mbo okyku moa la a hlu ebyi lo ta la ambgu ba ebyi lo eshko, ta la areyaŋ a mbo la a yga egŋe ba eshko ba ebyi he lo.

Otsotsa 14:3

Moa a tspi a zhiŋ ayi a ka emgbakyiŋ oreŋ ta la ébyi enyi pa la moandakʼpo, moa a fu abmo alahe, arekyeŋ a mbo a nye lo a gbu mbo, o wo le moare ezbi endga, la ekʼpoenyi la anyi lo sha. Moa a sheŋ a shla moahi lo a sku obiŋ hi bgu.

Otsotsa 15:3

Moa a la a fu abmo ba Omusa la a wo awaghrẽ ba Ahogbrẽ ta la abmo ba Anwye Ekylu lo. Moa a fu abmo a lu mi le, Adigi-odne, Ahogbrẽ la a wo ekʼpo pyeŋ, Otum boŋ o kpo o wo ogagre nga o wo egbregbre nzenze! Aŋo Anyuŋ-areŋ ba moarehwĩ ba obiŋ hi pyeŋ, Ozhẽ boŋ o wo shasha nga o wo adlidzi o gre eshri!

Otsotsa 15:7

Ambla he nga akyeŋ eshki ba ébyi enyi lo, a shri étku ba azurfa efoha a shri a da moanwyeadga afoha. Étku lo e bli slu la olom ba Ahogbrẽ. Ahogbrẽ á dzu ma gbagbu gbagbu-amo.

Otsotsa 16:14

Egbga ba eshre etra he lo e wo egbga ba ábili la a kpo ayakplo ba egbregbre. Egbga etra he lo e zgi e gre ekro moanyuŋ-areŋ obiŋ hi pyeŋ, okyku o pla mo o shki okyku eko ba moa á ba a ta anyuŋ olum onda ba Ahogbrẽ ba ekʼpo pyeŋ.

Otsotsa 16:7

Ambla he nga ame e gno enzi la e zgi ambgu ba oshriondba e lu mi le, Adigi-odne, Ahogbrẽ ba ekʼpo pyeŋ! Ombgu boŋ o sõ, o wo la adlidzi ta la odlodzi ma!

Otsotsa 19:15

Akõ la a ri hihihli nga a zgi anyu baŋ. La alo angyiŋ aŋa á ba a kpo a gre moarehwĩ ba obiŋ hi pyeŋ. Aŋa nga á ri ekʼpo eshri mo la ekʼpo la e gre pyeŋ. Nga aŋa á da ami anab ba olom la o vu olo ba Ahogbrẽ ba ekʼpo pyeŋ, o zgi ibu ba moa a hwile ami anab ma o ba.

Otsotsa 19:4

Moandakʼpo ekʼpoeha la anyi ta la ébyi enyi, moa a kŋe a shki obiŋ nga moa a hlu Ahogbrẽ la a dzu emgbakyiŋ ba oreŋ eshko, nga a lu mi le, Amin! E hlu Ahogbrẽ eshko!

Otsotsa 21:22

Ambo ame e ka Anyuŋ-akulu osku lo mbo, okyku eshi Adigi-odne Ahogbrẽ la a wo ekʼpo pyeŋ, ta la Anwye Ekylu angyiŋ, moa a wo Anyuŋ-akulu ba osku lo.

Otsotsa 3:7

Ogbgaodzi o sa o lu mi le, Aŋo o ta anwyeadga ba Eklisiya ba Efiladelfiya akpa o lu mi le, Oshpa he lo o wo oshpa la o zgi abgo ba are la a wo la esesla, nga a wo la adlidzi. Emakuli ba Adawuda e wo abgo baŋ angyiŋ. Aŋa angyiŋ a la a hwile ayizhẽ lo, nga arekyeŋ a shki lo a gbu mbo. Nga aŋa angyiŋ a la a shki lo, nga are-kyeŋ a hwile lo a gbu mbo.

Otsotsa 4:4

Nga emgbakyiŋ oreŋ ekʼpoeha la anyi ehwõ, moa a ta emgbakyiŋ oreŋ he lo a kpaŋ a ghwo eshe-shyẽ. Moandakʼpo ekʼpoeha la anyi a dzu émgbakyiŋ ba oreŋ he lo. Moa a ygi áriga akyle, nga moa a shki ekpmyeshri ba azurfa.

Otsotsa 4:6

Nga egi ayi ba emgbakyiŋ ba oreŋ, atam la a shka ayi omba ba olum o tra ma, a wo ma. Alo a wo tsetsetseŋ. Agbaŋyaŋ a mbo ba emgbakyiŋ ba oreŋ, ebyi enyi e tspi e ta lo e kpaŋ. Ayi a bli egi ayi mo, ta la egi okũ mo.

Otsotsa 4:9

Ombamba pyeŋ ba ébyi enyi he lo e la e fu abmo ba esesla, ta la abmo ba ohlueshko, ta la abmo ba ovye a la a ygi are la a dzu emgbakyiŋ ba oreŋ, aŋa á dzu ma gbagbu gbagbu-amo.

Otsotsa 5:6

Ambla he nga ame e ka Anwye Ekylu a tspi agʼbaha ba emgbakyiŋ ba oreŋ. Nga ebyi enyi pa la moandakʼpo, moa a dzu a ta ŋa a kpaŋ. Anwye Ekylu a wo eka ba moa a bga lo. Anwye Ekylu he lo a wo la agzo afoha, ta la ayi afoha. Moa angyiŋ a wo egbga efoha ba Ahogbrẽ ba moa a hom mo otum a gre okroyaŋ a mbo obiŋ hi.

Otsotsa 6:1

Ambla he nga ame e ka Anwye Ekylu, a hwile onono ibu ba ori eshki ba onono ofoha ba moa a reŋ. Nga ame e gno enzi ba ebyi ekyeŋ eshki ba ébyi enyi he lo. E lu odlo la enzi ba angyum-ogbu e lu mi le, Aŋo o ba!

Otsotsa 6:6

Nga ame e gno emakyeŋ eka ba enzi, alo e zgi okro ba ébyi enyi he lo angyiŋ e ba. E lu mi le, Angongo ba esekʼpa a wo okyku ohre ba olum okyeŋ. Nga angongo atra ba aglu-agbi a wo okyku ohre ba olum okyeŋ. Ambo agimi e tpi awargi ba olivi ta la ami anab ayi mbo!

Otsotsa 7:11

Moanwyeadga pyeŋ moa a tspi a ta emgbakyiŋ ba oreŋ pa la moandakʼpo, ta la ébyi enyi, a kpaŋ. Ambla he nga, moa a tsu a ygi obiŋ egi ayi ba emgbakyiŋ ba oreŋ, eyayi mo nga e ka obiŋ, nga moa a hlu Ahogbrẽ eshko.

Otsotsa 7:15

Okyku eka he angyiŋ, moa a tspi egi ayi ba emgbakyiŋ oreŋ ba Ahogbrẽ, nga moa a la a hlu ŋa eshko anyuŋ-akulu baŋ la olulum ta la okyukyku. Are la a dzu emgbakyiŋ ba oreŋ he lo, aŋa ababgo baŋ á kpaŋ mo la ekʼpo baŋ.