Otsotsa 4:4 - Ohwihwim Olehe

⁴ Nga emgbakyiŋ oreŋ ekʼpoeha la anyi ehwõ, moa a ta emgbakyiŋ oreŋ he lo a kpaŋ a ghwo eshe-shyẽ. Moandakʼpo ekʼpoeha la anyi a dzu émgbakyiŋ ba oreŋ he lo. Moa a ygi áriga akyle, nga moa a shki ekpmyeshri ba azurfa.

Otsotsa 4:4 ပူးပေါင်းရင်းမြစ်များ

Amatiyu 19:28

Eyesu a nyuŋ mo a lu mi le, Ame e lu e da gimi, omba ba Anwye Arehwĩ á ba a dzu emgbakyiŋ oreŋ baŋ ba esesla, omba mi lo, agimi otsko la e lu me ma he lo, agimi a mbo é dzu emgbakyiŋ oreŋ me, nga é sõ egu otsko ba Esrayila ombgu.

Oluka 22:30

Agimi é ri nga é wa amgbla ba orialgo me Oreŋ me. Nga agimi é dzu emgbakyiŋ oreŋ okyku o sõ egu otsko ba Esrayila ombgu.

2 Etimoti 4:8

Ohuhuhi nga egbre e wo ma okyku me okyku ba ame e ri. Egbre he lo e wo egbre ba odlodzi ba Adigi-odne la a sõ ombgu ba adlidzi angyiŋ, aŋa á shri lo á da me Onda mi lo. Aŋa á shri lo á da me sha angyiŋ mbo, ambo á shri lo á da areyaŋ a mbo la a la a dzu a bli ŋa la oklo okyku oba-ba baŋ.

Otsotsa 11:16

Ambla he nga moandakʼpo ekʼpoha la anyi la a dzu emgbakyiŋ oreŋ egi ayi ba Ahogbrẽ, moa a tsi a ygi obiŋ la eyayi mo, nga moa a hlu Ahogbrẽ eshko a lu mi le,

Otsotsa 14:3

Moa a tspi a zhiŋ ayi a ka emgbakyiŋ oreŋ ta la ébyi enyi pa la moandakʼpo, moa a fu abmo alahe, arekyeŋ a mbo a nye lo a gbu mbo, o wo le moare ezbi endga, la ekʼpoenyi la anyi lo sha. Moa a sheŋ a shla moahi lo a sku obiŋ hi bgu.

Otsotsa 19:14

Moanwyeakyuŋ ba Ongyeŋ nga a dzi a lu ŋa ma. Moa a vre ényma ekyle nga moa a ygi elili ekyle.

Otsotsa 19:4

Moandakʼpo ekʼpoeha la anyi ta la ébyi enyi, moa a kŋe a shki obiŋ nga moa a hlu Ahogbrẽ la a dzu emgbakyiŋ ba oreŋ eshko, nga a lu mi le, Amin! E hlu Ahogbrẽ eshko!

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 20:4

Ambla he nga ame e ka émgbakyiŋ oreŋ, pa la moarehwĩ la a dzu ma. Moa a shri ekʼpo ba o sõ ombgu a shri a da mo. Nga ame e sa e ka ésõ moarehwĩ ba moa a bga moa a sheŋ a gre, okyku ba moa a su adlidzi ba Eyesu a tsa lo zhezheŋ, nga a sa a su odlo ba Ahogbrẽ. Moa a bmi a hlu ebyi la e wo ebi lo ta la ambgu ba ebyi he lo eshko mbo ku-ku. Nga moa a da mo a ta mo egŋe ba ebyi la e wo ebi he lo ondaŋ mo o mbo le abgo mo mbo. Moahi lo a dzu ta la Eyesu nga a ri ekʼpo ka la ŋa okyku eyi ezbi.

Otsotsa 3:18

Ame e shri ebra angyiŋ e shri e doŋ. O raŋ o gre boŋ o gbmo azurfa okro me. Azurfa he lo a wo zhezheŋ, alo á doŋ o gbu angyiŋ. Nga aŋo o gbmo aknye akyle okyku o doŋ o ygi nga okyku o doŋ o shki oso la o ta ŋo anzi. Nga o gbmo agum o ta ayi boŋ, okyku o doŋ o ka okro.

Otsotsa 4:10

Nga moandakʼpo ekʼpoeha la anyi he lo, moa a tsu a ygi obiŋ egi ayi ba emgbakyiŋ ba oreŋ, nga moa a la a hlu ŋa eshko la á dzu ma gbagbu gbagbu-amo. Moa a ndba ekpmyeshri ba oreŋ mo a ygi egi ayi ba emgbakyiŋ ba oreŋ nga a lu mi le,

Otsotsa 4:6

Nga egi ayi ba emgbakyiŋ ba oreŋ, atam la a shka ayi omba ba olum o tra ma, a wo ma. Alo a wo tsetsetseŋ. Agbaŋyaŋ a mbo ba emgbakyiŋ ba oreŋ, ebyi enyi e tspi e ta lo e kpaŋ. Ayi a bli egi ayi mo, ta la egi okũ mo.

Otsotsa 5:11

Nga ame e sa e ka nga, ame e gno enzi ba moanwyeadga ba Ahogbrẽ. Moa a wo ezbi-ezbi nzenze! Moa a tspi a ta emgbakyiŋ ba oreŋ a kpaŋ. Ébyi enyi la e wo la esõ ma he lo pa la moandakʼpo moa a wo eshyeshyẽ.

Otsotsa 5:14

Ébyi enyi la e wo la esõ ma e tno ma e lu mi le, Amin. Ambla he nga moandakʼpo a tsu a ygi obiŋ egi ayi mo nga a hlu mo eshko.

Otsotsa 5:6

Ambla he nga ame e ka Anwye Ekylu a tspi agʼbaha ba emgbakyiŋ ba oreŋ. Nga ebyi enyi pa la moandakʼpo, moa a dzu a ta ŋa a kpaŋ. Anwye Ekylu a wo eka ba moa a bga lo. Anwye Ekylu he lo a wo la agzo afoha, ta la ayi afoha. Moa angyiŋ a wo egbga efoha ba Ahogbrẽ ba moa a hom mo otum a gre okroyaŋ a mbo obiŋ hi.

Otsotsa 5:8

Omba ba Anwye Ekylu a kpo eka he nga, ébyi enyi la e wo la esõ ma lo, pa la moandakʼpo ekʼpoha la anyi, moa a tsu a ygi obiŋ egi ayi baŋ. Ayaŋ a mbo eshki mo a wo la egbani ta la atku ba azurfa nga ayakplo ba moa a la a ta odzo okyku oshriondba, alo a bli atku lo slu. Alo angyiŋ o wo olu ba moarehwĩ ba Ahogbrĩ.

Otsotsa 6:11

Moa a shri ariga akyle a shri a da areyaŋ a mbo eshki mo. Moa a lu a da mo ma moa a dzu a dum ple ayga, okyku o da eygi ba moare la a kpo otum pa la mo, pa la moanimo ba moa á ba a bga mo eka ba moa a bga moahi lo, e bli ayga dne.

Otsotsa 7:11

Moanwyeadga pyeŋ moa a tspi a ta emgbakyiŋ ba oreŋ pa la moandakʼpo, ta la ébyi enyi, a kpaŋ. Ambla he nga, moa a tsu a ygi obiŋ egi ayi ba emgbakyiŋ ba oreŋ, eyayi mo nga e ka obiŋ, nga moa a hlu Ahogbrẽ eshko.

Otsotsa 7:9

Ambla he ame e zhiŋ ayi nga ame e ka eshki nzenze. Arekyeŋ a tsi moare la a wo eshki lo a gbu mbo! Moa a zgi obiŋyaŋ a mbo ta la embreyaŋ a mbo, ta la olomyaŋ a mbo. Nga moa a tspi egi ayi ba emgbakyiŋ ba oreŋ, ta la egi ayi ba Anwye Ekylu. Moa a ygi ariga akyle angyiŋ. Nga moa a kom ánjyge elgi abgo mo.

Otsotsa 9:7

Amgbatso he lo a wo eka ényma la e dzu e gno ba o yi ohwĩ ba eko. Emakyeŋ eka ba ekpmyeshri ba azurfa e wo eshri mo. Eyayi mo nga e wo eka ba eyayi ba moarehwĩ.