Otsotsa 4:2 - Ohwihwim Olehe

² Ebuebu nga Ogbgaodzi o zhiŋ o kpo ekʼpo pa la me. Ongyeŋ nga emgbakyiŋ oreŋ e wo ma, nga arekyeŋ a dzu ma.

Otsotsa 4:2 ပူးပေါင်းရင်းမြစ်များ

Amatiyu 22:43

Eyesu a zhĩ a lu mi le, O wo ba alo o wo eka he angyiŋ le, okyku eshi Ogbgaodzi o tsa Adawuda o daŋ a bzi ŋa ma Adaŋ-odne? O ka, Adawuda a lu mi le,

MoaIbrani 8:1

Okũ odlo ba agi e la e lu o lu mi le, Agi e wo la anyuŋ-andakʼpo olu ba Ahogbrẽ la a wo edgu ahe lo. A la a dzu obgori ba emgbakyiŋ Ahogbrẽ be Esesla Ongyeŋ.

Otsotsa 1:10

Olum onda ba Adigi-odne lo nga, Ogbgaodzi o ri oshye me, nga ame e gno enzi egagre egi okũ me. Enzi he lo e zhle eka ba egbaru.

Otsotsa 12:5

Ambla he nga ashe lo a mbre anwyealom. Aŋa angyiŋ á ba a ri ekʼpo eshri ba émbre pyeŋ la opi ba ahwre. Ambo moa a sko anwye lo a knye, nga moa a shri ŋa a gre okro Ahogbrẽ ta la emgbakyiŋ ba oreŋ baŋ.

Otsotsa 17:3

Ogbgaodzi o ri oshye me, ambla he nga anwyeadga lo a shri me a gre akla. Ahe lo ame e ka ashekyeŋ a dzu edgu ebyikyeŋ la e wo ebme. Moa a ta ashko la a wo abi a bre egʼba ba ebyi la e wo ebi lo pyeŋ. Ebyi he lo e wo ashri afoha, ta la agzo okʼpo.

Otsotsa 19:4

Moandakʼpo ekʼpoeha la anyi ta la ébyi enyi, moa a kŋe a shki obiŋ nga moa a hlu Ahogbrẽ la a dzu emgbakyiŋ ba oreŋ eshko, nga a lu mi le, Amin! E hlu Ahogbrẽ eshko!

Otsotsa 20:11

Ambla he nga ame e ka anyuŋ emgbakyiŋ ba oreŋ ekyle ta la are la a dzu ma. Obiŋ hi ta la ongyeŋ moa a knye a sku ŋa, nga moa a ka mo ku-ku nga mbo.

Otsotsa 21:10

Ogbgaodzi o ri oshye me, ambla he nga anwyeadga lo a sko me a shri a gre eshri ba anyuŋ aku. A tsa me osku ba Orushalima, alo angyiŋ o wo Osku ba Esesla. O zgi ibu ba Ahogbrẽ Ongyeŋ o ba obiŋ.

Otsotsa 21:5

Ambla he nga are la a dzu emgbakyiŋ ba oreŋ a lu mi le, Nga ohuhuhi, ame é da ekployaŋ a mbo e dzu elehe! Nga a sa a lu pa la me a lu mi le, O ta odlo he lo akpa, okyku eshi odlo he lo o wo adlidzi angyiŋ nga o wo odlo la o raŋ o gre ba moa a bmi ta la lo angyiŋ.

Otsotsa 3:21

Moare la a hwiŋ okpogre lo, ame é da mo ozhẽ okyku o da mo a dzu agbaŋ ba emgbakyiŋ ba oreŋ me, eka ba ame a mbo e hwiŋ okpogre, nga ohuhuhi, ame e dzu agbaŋ ba emgbakyiŋ ba oreŋ ba Adugu ka la ŋa.

Otsotsa 4:10

Nga moandakʼpo ekʼpoeha la anyi he lo, moa a tsu a ygi obiŋ egi ayi ba emgbakyiŋ ba oreŋ, nga moa a la a hlu ŋa eshko la á dzu ma gbagbu gbagbu-amo. Moa a ndba ekpmyeshri ba oreŋ mo a ygi egi ayi ba emgbakyiŋ ba oreŋ nga a lu mi le,

Otsotsa 4:5

Ayimom ba angyum-ogbu a zgi emgbakyiŋ oreŋ hi lo a ba, nga énzi nzenze, ta la akyuŋ ba angyum-ogbu a ta. Ewyi ovo efoha angyiŋ e la e ri egi ayi ba emgba-kyiŋ ba oreŋ. Moahi lo angyiŋ a wo egbga efoha ba Aho-gbrẽ.

Otsotsa 4:9

Ombamba pyeŋ ba ébyi enyi he lo e la e fu abmo ba esesla, ta la abmo ba ohlueshko, ta la abmo ba ovye a la a ygi are la a dzu emgbakyiŋ ba oreŋ, aŋa á dzu ma gbagbu gbagbu-amo.

Otsotsa 5:1

Ame e ka ashye akpa obgori ba are la a dzu emgbakyiŋ ba oreŋ. Moa a ta engla a bli egi ayi, ta la egi okũ lo pyeŋ. Nga moa a reŋ lo la onono ibu efoha.

Otsotsa 5:13

Nga ame e gno ba areyaŋ a mbo la a wo Ongyeŋ ta la obiŋ hi, ta la obiŋ ba egi eshyẽ, ta la emayaŋ a mbo la e wo ami, ta la emayaŋ a mbo la e wo obiŋ hi lo pyeŋ, moa a la a fu abmo a lu mi le, Aŋa la a la a dzu emgbakyiŋ ba oreŋ ta la Anwye Ekylu lo, Ohlueshko ta la esesla, ta la ekʼpo, Moa a dzu a mo gbagbu gbagbu-amo!

Otsotsa 6:16

Nga moa a bzi akukũ ta la ézhim a lu mi le, Agimi e zhiŋ e shum gi okyku o da are la a dzu emgbakyiŋ ba oreŋ a ka gi mbo. Nga okyku o da ombgu ba Anwye Ekylu o hwiŋ gi mbo!