Otsotsa 4:10 - Ohwihwim Olehe

¹⁰ Nga moandakʼpo ekʼpoeha la anyi he lo, moa a tsu a ygi obiŋ egi ayi ba emgbakyiŋ ba oreŋ, nga moa a la a hlu ŋa eshko la á dzu ma gbagbu gbagbu-amo. Moa a ndba ekpmyeshri ba oreŋ mo a ygi egi ayi ba emgbakyiŋ ba oreŋ nga a lu mi le,

Otsotsa 4:10 ပူးပေါင်းရင်းမြစ်များ

Amatiyu 2:11

Moa a gre odne eshyẽ nga moa a ka anwye lo ta la anaŋ Emeri. Moa a kne a shki obiŋ, nga moa a hlu ŋa eshko. Moa a hwile apuoshri mo nga moa a se ototno moa a shri. Moa a shri ezanariya, ta la afarakis ta la emri.

Oluka 24:52

Omba he lo moa a bli la ovye. Moa a hlu ŋa eshko a khwo nga, moa a bla a gre Orushalima.

1 MoaOkorinti 15:10

Ambo okyku okpoghwo ba Ahogbrẽ angyiŋ, ame e zhiŋ e dzu eka ba ame e wo hi. Nga okpoghwo baŋ a kpo a ghwo la me, alo o wo o ba ototno angyiŋ mbo, okyku eshi ame e kpo otum lo osheshye e gre moahwõ pyeŋ la a nyum oshpa. Ambo o wo eka he okyku ba ame angyiŋ e klo mbo, ambo okpoghwo ba Ahogbrẽ angyiŋ o la o kpo otum pa la me.

Otsotsa 10:6

nga a kʼpi ashum la eshko ba Ahogbrẽ la á dzu ma gbagbu gbagbu-amo, nga aŋa angyiŋ a kpo Ongyeŋ ta la ekployaŋ a mbo la e wo Ongyeŋ ta la obiŋ hi, ta la ekployaŋ a mbo la e wo obiŋ hi, ta la anyuŋ-ondzu ta la ekployaŋ a mbo la e wo anyuŋ-ondzu lo. Anwyeadga lo nga a lu mi le, Ongingli ó wo ma ku-ku nga mbo!

Otsotsa 11:16

Ambla he nga moandakʼpo ekʼpoha la anyi la a dzu emgbakyiŋ oreŋ egi ayi ba Ahogbrẽ, moa a tsi a ygi obiŋ la eyayi mo, nga moa a hlu Ahogbrẽ eshko a lu mi le,

Otsotsa 15:4

Adigi-odne, ayi angyiŋ a kpo eyli boŋ mbo? Ayi á ba a tla okyku o daŋ a su ekʼpo boŋ? Okyku eshi aŋo sha angyiŋ o wo la esesla. Moarehwĩ ba obiŋ hi pyeŋ moa á ba Nga á hlu ŋo eshko egi ayi boŋ. Okyku eshi areyaŋ a mbo a ka otum ba odlodzi boŋ o kpo.

Otsotsa 15:7

Ambla he nga akyeŋ eshki ba ébyi enyi lo, a shri étku ba azurfa efoha a shri a da moanwyeadga afoha. Étku lo e bli slu la olom ba Ahogbrẽ. Ahogbrẽ á dzu ma gbagbu gbagbu-amo.

Otsotsa 19:4

Moandakʼpo ekʼpoeha la anyi ta la ébyi enyi, moa a kŋe a shki obiŋ nga moa a hlu Ahogbrẽ la a dzu emgbakyiŋ ba oreŋ eshko, nga a lu mi le, Amin! E hlu Ahogbrẽ eshko!

Otsotsa 4:2

Ebuebu nga Ogbgaodzi o zhiŋ o kpo ekʼpo pa la me. Ongyeŋ nga emgbakyiŋ oreŋ e wo ma, nga arekyeŋ a dzu ma.

Otsotsa 4:4

Nga emgbakyiŋ oreŋ ekʼpoeha la anyi ehwõ, moa a ta emgbakyiŋ oreŋ he lo a kpaŋ a ghwo eshe-shyẽ. Moandakʼpo ekʼpoeha la anyi a dzu émgbakyiŋ ba oreŋ he lo. Moa a ygi áriga akyle, nga moa a shki ekpmyeshri ba azurfa.

Otsotsa 4:9

Ombamba pyeŋ ba ébyi enyi he lo e la e fu abmo ba esesla, ta la abmo ba ohlueshko, ta la abmo ba ovye a la a ygi are la a dzu emgbakyiŋ ba oreŋ, aŋa á dzu ma gbagbu gbagbu-amo.

Otsotsa 5:14

Ébyi enyi la e wo la esõ ma e tno ma e lu mi le, Amin. Ambla he nga moandakʼpo a tsu a ygi obiŋ egi ayi mo nga a hlu mo eshko.

Otsotsa 5:8

Omba ba Anwye Ekylu a kpo eka he nga, ébyi enyi la e wo la esõ ma lo, pa la moandakʼpo ekʼpoha la anyi, moa a tsu a ygi obiŋ egi ayi baŋ. Ayaŋ a mbo eshki mo a wo la egbani ta la atku ba azurfa nga ayakplo ba moa a la a ta odzo okyku oshriondba, alo a bli atku lo slu. Alo angyiŋ o wo olu ba moarehwĩ ba Ahogbrĩ.

Otsotsa 7:11

Moanwyeadga pyeŋ moa a tspi a ta emgbakyiŋ ba oreŋ pa la moandakʼpo, ta la ébyi enyi, a kpaŋ. Ambla he nga, moa a tsu a ygi obiŋ egi ayi ba emgbakyiŋ ba oreŋ, eyayi mo nga e ka obiŋ, nga moa a hlu Ahogbrẽ eshko.