Otsotsa 3:8 - Ohwihwim Olehe

⁸ A lu mi le, Ame e yi ayakplo boŋ o la o kpo. Nga ame e yi boŋ o wo la oshye ma nzenze mbo. Nga aŋo o la o kpaŋ onyenye me, nga o la o kpo adlidzi pa la me. Ame e sheŋ e hwile ayizhẽ e zga egi ayi boŋ. Are-kyeŋ a kpo a gbu baŋ a shki lo mbo ku-ku.

Otsotsa 3:8 ပူးပေါင်းရင်းမြစ်များ

Oluka 12:9

Nga areyaŋ a mbo la a dzu evom me egi ayi moarehwi le, Anwye Arehwĩ a mbo á dzu evom are he lo egi ayi moanwyeadga ba Ahogbrẽ.

Eyohana 15:20

Agimi e tne e ka, eka ba ame e lu ka la gimi ba awaghrẽ a wo anyuanyuŋ a gre adaŋ-odne mbo. O wo ba moa a kpo me ewu le, moa á kpo gimi a mbo ewu. O wo ba moa a bmi ta la odlo me le, moa á bmi ta la odlo bimi a mbo ko-ko.

Eyohana 17:6

Ame e da moare boŋ o shri o da me obiŋ hi a yi ŋo. Moa a wo a boŋ, nga aŋo angyiŋ o shri mo o da me. Moa a bmi ta la odlo boŋ.

Otum 14:27

Omba ba moa a gbu Antakiya nga, moa a pla moare Eklisiya mvye a shki, nga moa a lu ayakplo ba Ahogbrẽ a kpo pa la mo mvye a da mo, nga moa a lu eka ba Ahogbrẽ a hwile ozhẽ okyku moa la a wo moaEyahuda mbo a mbo, okyku o da mo a bmi ba adlidzi.

1 MoaOkorinti 16:9

Ozhẽ o lom ahe lo pim okyku o kpo anyuŋ otum ogagre. Moafpu nzenze a wo ahe lo ambo alo o wo akplokyeŋ mbo.

2 MoaOkorinti 2:12

Omba ba ame e gbu osku ba Otrosa okyku o nyum oshpaodzadzi ba Ekristi, ame e ka Adigi-odne a sheŋ a hwile ozhẽ okyku otum baŋ a mi lo.

MoaEfilibi 4:13

Ame e wo la oshye okyku o tspi gaŋ ta la edgu odzudzuyaŋ a mbo okyku ekʼpo ba Ekristi a shri a da me.

MoaOkolosi 4:3

Nga e fa olu okyku gi a mbo, okyku o da Ahogbrẽ a hwile gi ozhẽ la o wo odzi, okyku o da gi e nyum oshpa ba odlo baŋ, nga e lu eshyẽ ba Ekristi. Okyku ohe lo angyiŋ ame e lom aku ohuhuhi.

1 Etimoti 5:8

Ambo o wo ba arekyeŋ a la a kpo a ghwo la moa ba ogu baŋ mbo le, nga a kpo a ghwo la moa-odne baŋ a mbo mbo le, o dzu eka baŋ a tla odlo ba Ahogbrẽ angyiŋ, nga a wo abi a sa a gre are la a ka a bmi ba adlidzi mbo ku-ku.

2 Etimoti 4:7

Ame e kpo ekployaŋ a mbo ba ame e kpo e gbu okyeoknye he lo. Ame e sheŋ e knye lo e bli. Nga ame e kpaŋ la obmi ba adlidzi lo.

Eyahuda 1:4

Okyku eshi moarehwĩ la a wo a ba Ahogbrẽ mbo, moa a ta adga shu a ba a gre agʼbaha bi, nga arekyeŋ a yi mbo. Nga moa a la a zhiŋ odlo ba okpoghwo ba Ahogbrẽ la egégŋe, okyku o da mo a hwiŋ anvaŋ a kpo ayakplo ba eshre ba moa a la a kpo. Nga, moa a tla Eyesu Ekristi. Aŋa sha angyiŋ a wo Are ba agi e wo abgo baŋ, nga aŋa sha angyiŋ a wo Adigi-odne. Ogbyigbyi Akpa ba Ahogbrẽ a sheŋ a lu odlo eshri ba ombgu ba moa á sõ mo edgu moare he lo.

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.

Otsotsa 2:2

A lu mi le, Ame e yi ayakplo boŋ o kpo, nga ame e yi eka boŋ o zga ayi ngre nga o kpo otum, nga o wo la esõ la e wo eheheŋ. Ame e yi boŋ o la o kpo ekpom pa la moarehwĩ ba ototno mbo. Nga agimi e sheŋ e mbga moarehwĩ la a bzi emo ma moare la a nyum oshpa e ka bgu, ambo moa a wo moare la a nyum oshpa angyiŋ mbo. Nga aŋo o ka lo o bmye ba moa a wo moare la a sheŋ akpro angyiŋ.

Otsotsa 22:7

Eyesu a lu mi le, Agimi e ngli atuŋ e gno! Ame e wo osusku ba oba-ba! Moa la a kpaŋ odlo ba okaolu ba akpa he lo, moa a gno oraŋ!

Otsotsa 3:1

Ogbgaodzi o sa o lu mi le, Aŋo o ta anwyeadga ba Eklisiya ba Esadi akpa, o lu mi le, Oshpa he lo o wo oshpa la o zgi abgo ba are la a kom egbga efoha ba Ahogbrẽ, ta la eyi enzo efoha abgo baŋ. A lu mi le, Ame e yi ayakplo boŋ o la o kpo. Nga ame e yi boŋ o gbu eshko okyku boŋ o yi o wo la esõ ma, ambo egyagi a mbo aŋo o sheŋ o kpu!

Otsotsa 3:10

Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.

Otsotsa 3:15

A lu mi le, Ame e yi ayakplo boŋ o kpo. Ame e yi boŋ o ka o bʼbu mbo, o mbo le o ka o bmye ovo mbo. Ame e klo e mbi boŋ o wo okyeŋ eshki he lo e gre eshri!

Otsotsa 3:7

Ogbgaodzi o sa o lu mi le, Aŋo o ta anwyeadga ba Eklisiya ba Efiladelfiya akpa o lu mi le, Oshpa he lo o wo oshpa la o zgi abgo ba are la a wo la esesla, nga a wo la adlidzi. Emakuli ba Adawuda e wo abgo baŋ angyiŋ. Aŋa angyiŋ a la a hwile ayizhẽ lo, nga arekyeŋ a shki lo a gbu mbo. Nga aŋa angyiŋ a la a shki lo, nga are-kyeŋ a hwile lo a gbu mbo.