Otsotsa 3:5 - Ohwihwim Olehe

⁵ Ekakahelo angyiŋ, moare la a hwiŋ okpogre lo pyeŋ, moa á ygi mo ariga akyle. Nga ame é bga ashko mo akpa ba esõ ku-ku mbo. Nga egi ayi ba Adugu pa la moanwyeadga baŋ, ame é lu ka la ŋa zhezheŋ ba moa a wo moarehwĩ me angyiŋ.

Otsotsa 3:5 ပူးပေါင်းရင်းမြစ်များ

Amatiyu 10:32

Areyaŋ a mbo la a zgi egŋe la eyayi a lu ma aŋa a wo a me, ame a mbo é zgi egŋe ekakahelo eshri baŋ egi ayi Adugu la a wo Ongyeŋ.

Oluka 10:20

Ambo, agimi e kpo ovye okyku ba egbgabi a mbo e gno gimi mbo! Ambo, agimi e kpo ovye okyku ba moa a sheŋ a ta ashko bimi Ongyeŋ bgu.

Oluka 12:8

Ame e lu e da gimi, areyaŋ a mbo la a zgi egŋe me egi ayi moare baŋ a wo a me angyiŋ le, Anwye Arehwĩ a mbo á kpo ekakahelo angyiŋ okyku ŋa egi ayi moanwyeadga ba Ahogbrẽ.

MoaEfilibi 4:3

Aŋo are ba adlidzi la o kpo otum pa la me nga, ame e klo boŋ o kpo o ghwo la moashe he lo, okyku eshi moa a kpo otum ngre pa la me okyku o ngla Oshpaodzadzi he lo, pa la Eklimeti, pa la moahwõ la a kpo otum pa la me. Ashko mo a wo akpa ba esõ ba Ahogbrẽ.

Eyahuda 1:24

Okyku ŋa la a kpo a gbu baŋ a kpaŋ gimi a sku ibu ba otsugbu, aŋa a kpo a gbu baŋ a da gimi e dzu shasha la ovyevye egi ayi ba esesla baŋ,

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

Otsotsa 17:8

Ebyi boŋ o ka he lo e wo la esõ ma ayga. Ambo e kpu bgu. Alo é ta adzadzi é zgi enzhe la e gyuŋ mgbyimgbyimgbyiŋ a mo, ambo moa a sa á bga lo. Moarehwĩ ba obiŋ hi ba moa a ta ashko mo ayga akpa ba esõ omba ba moa a zga esĩ a kpo obiŋ hi a wo mbo, moa á ka egbregbre omba ba moa a ka ebyi la e wo ebi lo, okyku eshi ayga e wo la esõ ma, ambo e wo la esõ ma ohuhuhi nga mbo, ambo alo é bla é ba.

Otsotsa 19:8

Moa a bmi baŋ a ygi aknye ba elili la a wo pse, nga ba alo a shka ayi. Elili he lo angyiŋ e wo otum ba ayakplodzi ba moarehwĩ ba Ahogbrẽ.

Otsotsa 2:11

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya. Moare la a kpo a gre le, eku ba oha é ta mo etsa mbo ku-ku.

Otsotsa 2:7

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya! Moare la a sheŋ a hwiŋ okpogre, ame é da mo ozhẽ okyku o da mo a ri ágbro ba esĩ aki ba esõ la a fu Agbi ba Ahogbrẽ.

Otsotsa 20:12

Nga ame e ka moa la a sheŋ a kpu, moa la a gbu eshko, pa la moa la a wo emakyeŋ ma mbo. Moa pyeŋ a tspi egi ayi ba emgbakyiŋ oreŋ lo. Moa a hwile akpekpa. Ambla he nga moa a sa a hwile akpakyeŋ, akpa he lo angyiŋ a wo akpa ba moa la a wo la esõ ma. Nga moa á sõ moa la a kpu ombgu eka ba ekplo ba moa a kpo, eka ba moa a ta lo akpekpa lo.

Otsotsa 20:15

Areyaŋ a mbo ba moa a ta eshko baŋ akpa ba esõ mbo le, moa a shri ŋa a ta enzheovo.

Otsotsa 21:27

Ambo ekplo-kyeŋ ba eshre é gre é yi osku he lo eshyẽ mbo ku-ku. Are la a la a kpo ayakplo ba anzi ta la are la a sheŋ akpro, á yi osku he lo mbo. O wo le moarehwĩ ba moa a ta ashko mo akpa ba esõ, ba Anwye Ekylu lo dne á ba a yi osku he lo.

Otsotsa 22:19

Nga o wo ba arekyeŋ a fa emakyeŋ odlo ba okaolu ba akpa he lo a ra le, Ahogbrẽ á nyom ŋa ogʼba ba esĩ aki ba esõ, nga á daŋ a hwiŋ ogʼba emakyeŋ Osku ba Esesla ba moa a lu odlo eshri lo akpa hi mbo.

Otsotsa 3:12

Are la a hwiŋ okpogre, ame é daŋ a dzu emgbakha anyuŋ-akulu ba Ahogbrẽ me, nga aŋa á zgi á sku lo ku-ku nga mbo. Nga ame é ta eshko ba Ahogbrẽ me ta la eshko ba osku ba Ahogbrẽ me, ba moa a la a bzi lo ma Orushalima olehe. Alo ó zgi Ongyeŋ okro ba Ahogbrẽ me angyiŋ ó ba o ba. Ame é shri ashko he lo é bre egʼba baŋ. Nga ame é ta eshko elehe me é bre egʼba baŋ.

Otsotsa 3:4

Ambo moakyeŋ eshki bimi fi osku ba Esadi, moa a kpaŋ aknye mo a da lo a bili la erum mbo. Agimi é dzi pa la me la ariga akyle, okyku eshi agimi e tse ma ba agimi e kpo eka he lo.

Otsotsa 6:11

Moa a shri ariga akyle a shri a da areyaŋ a mbo eshki mo. Moa a lu a da mo ma moa a dzu a dum ple ayga, okyku o da eygi ba moare la a kpo otum pa la mo, pa la moanimo ba moa á ba a bga mo eka ba moa a bga moahi lo, e bli ayga dne.