Otsotsa 3:3 - Ohwihwim Olehe

³ Aŋo o tne o ka ekplo ba moa a nye ŋo, ta la eka boŋ o gno lo. O raŋ o gre boŋ o kpaŋ lo nga o ngʼba o sku edlobi boŋ. O wo boŋ o vro enu mbo, ame é ba e gnyu ŋo eka ba asi. Aŋo ó yi omba ba ame é ba e ba ma mbo ku-ku.

Otsotsa 3:3 ပူးပေါင်းရင်းမြစ်များ

Amatiyu 25:13

Eyesu a ta egŋe lo a khwo nga, a nyuŋ moanwyeotum baŋ a lu mi le, Agimi e kʼpu okyku eshi agimi e yi onda, ta la omba mbo.

Amarku 13:33

E dzu e kʼpu okyku eshi agimi e yi omba lo mbo.

Amarku 13:36

agimi e dzu e kʼpu, okyku o daŋ a gnyu gimi omba bimi e wo enu e ndze mbo.

1 MoaEtasolonika 5:2

Okyku eshi agimi a mbo ababgo bimi e yi zhezheŋ ba olum Onda ba Adigi-odne ó ba o ba eka ba asi a la a ba okyukyku angyiŋ.

1 Etimoti 6:20

Aŋo Etimoti, o kpaŋ otum ba moa a shri a doŋ. Aŋo o ngʼba o sku odlo ba ototno la o wo o ba Ahogbrẽ mbo, ta la oklaodlo. Nga o tla oyioyi moare a bzi lo ma alo o wo adlidzi, ambo o wo akpu angyiŋ.

2 Etimoti 1:13

Aŋo o kpaŋ adlidzi ba ame e nye ŋo. O da lo a dzu ŋo ozhẽ ba ososõ, nga o tspi ozhẽ ba obmi ba adlidzi ta la oklo. Moahi lo a wo a bi, okyku okŋeobga bi e wo la alo ma ta la Ekristi Eyesu.

MoaIbrani 2:1

Okyku eka he lo angyiŋ o raŋ o gre ba agi e kom osheshye ta la oshpa ba adlidzi ba agi e gno, okyku o da gi e ta ozhẽ akpu mbo.

2 Ebitru 1:13

Ame e ka lo o wo odzi ba ame e shĩ gimi, nga e da gimi e tne aga ayakplo he lo, ombayaŋ a mbo ba ame e wo ma la ayi.

2 Ebitru 3:1

Agimi akyemeazba! Akpa he a wo akpa ba oha angyiŋ ba ame e ta gimi. Akpekpa ahaha lo pyeŋ, ame e zga ngre okyku o dzu gimi eshri ayakplo he lo ibu o tne gimi aga la a wo adzi esõ bimi.

2 Ebitru 3:10

Olum Onda ba Adigi-odne ó gnyu ognyu eka ba asi a la a gnyu ognyu. Onda mi lo ongyeŋ pyeŋ ó blu eka akyuŋ la a zhle. Nga ayakplo la a wo ongyeŋ moa á yla lo la ovo la o vu olo. Nga obiŋ hi ta la ekployaŋ a mbo la e wo ma é dom ya.

Otsotsa 16:15

Agimi e ngli atuŋ e gno! Ame é ba eka ba asi angyiŋ! Are la a la a dzu a kʼpu, nga a la a nyuŋ aknye baŋ a la a kpaŋ á gno oraŋ! Aŋa nga á dzi wayawaya la ososo mbo, nga á gbu anzi eshki mbo!

Otsotsa 2:25

Ambo o raŋ o gre ba agimi e kom ekplo bimi e wo la alo ma gble ma-me o tsa onda ba ame é ba e ba.

Otsotsa 2:5

O ka, aŋo o tsi o gbu ogyugyuŋ nzenze! O raŋ o gre boŋ o ngʼba o sku edlobi boŋ nga o kpo ayakplo eka boŋ o kpo okũ oriori. Ame é ba okro boŋ nga é sko emgbakha ovo ba azurfa lo, o wo boŋ o ngʼba o sku edlobi boŋ mbo le.

Otsotsa 22:7

Eyesu a lu mi le, Agimi e ngli atuŋ e gno! Ame e wo osusku ba oba-ba! Moa la a kpaŋ odlo ba okaolu ba akpa he lo, moa a gno oraŋ!

Otsotsa 3:11

Ame é ba ambla fi. O kpaŋ ekployaŋ a mbo boŋ o wo la alo ma okyku o da arekyeŋ a ngʼga egbre ba okpogre boŋ ó hwiŋ mbo.

Otsotsa 3:19

Ame e la e nye, nga e la e kpo moare ba ame e klo ewu. O nyuŋ o kpo-kpo nga o ngʼba o sku edlobi boŋ.

Otsotsa 3:2

Okyku eka he nga o kso nga o nyuŋ ekplo la e ra ka la ŋo e zga, ayga o da lo e mom e kpu ogbu-kyekyeŋ. Okyku eshi ame e ka tki, ba ekplo boŋ o kpo, alo e bli egi ayi ba Ahogbrẽ me a wo mbo.