Otsotsa 3:18 - Ohwihwim Olehe

¹⁸ Ame e shri ebra angyiŋ e shri e doŋ. O raŋ o gre boŋ o gbmo azurfa okro me. Azurfa he lo a wo zhezheŋ, alo á doŋ o gbu angyiŋ. Nga aŋo o gbmo aknye akyle okyku o doŋ o ygi nga okyku o doŋ o shki oso la o ta ŋo anzi. Nga o gbmo agum o ta ayi boŋ, okyku o doŋ o ka okro.

Otsotsa 3:18 ပူးပေါင်းရင်းမြစ်များ

Amatiyu 13:44

Oreŋ Ongyeŋ o wo eka ba angyiŋ la a ghre agbi. Are-kyeŋ a hwiŋ lo, ambo a bla alo a ghre ma, okyku baŋ a gno oraŋ a gre eshri. Okyku eka he aŋa a gre a yi a sko ekployaŋ a mbo baŋ a wo la alo ma a gbmo a khwo nga, a gre a yi a gbmo agbi lo.

Amatiyu 25:9

Moa la a wo la eda a tno ma a lu mi le, Agi e tla. A bi a mbo á tse gi, ka la gimi mbo. Okyku eka he, agimi e yi ekyku nga e gbmo ma.

Oluka 12:21

Eyesu a sa a lu mi le, O wo eka he angyiŋ pa la moarehwi la a la a pla angyiŋ a shki emo. Moa a wo ekplokyeŋ angyiŋ egi ayi ba Ahogbrẽ mbo.

2 MoaOkorinti 5:3

Ambla ba moa a ghwo gi alo egʼba le, agi é gbaŋ egʼba mbo ku-ku.

2 MoaOkorinti 8:9

Okyku eshi agimi e yi okayiekŋe ba Adigi-odne Eyesu Ekristi. Aŋa a wo la angyiŋ ma nzenze, ambo a zhiŋ a dzu a ba ekŋe okyku gimi, okyku o da gimi e gbu angyiŋ okro ekŋe baŋ he lo.

1 Etimoti 6:18

Aŋo o shri odaŋ o da mo okyku o da mo a kpo otum odzi angyiŋ, nga okyku o da mo a kpo a ghwo la moahwõ.

Eyakubu 2:5

Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.

1 Ebitru 1:7

Okũ lo o wo okyku o da mo a yi ba obmi ba adlidzi bimi o wo o ba adlidzi angyiŋ. Azurfa a mbo, la a tpi ayi a gbu, moa a la a bre lo ovo. Okyku eka he nga obmi ba adlidzi bimi la o wo la owlama o gre azurfa, alo o dzu omgbybi ba moa a bre lo, okyku o da lo o ri edzi. Ambla he nga agimi é hwiŋ ohlueshko ta la anyuanyuŋ, ta la ekʼpo Onda ba moa á ba a tsa gimi Eyesu Ekristi.

Otsotsa 16:15

Agimi e ngli atuŋ e gno! Ame é ba eka ba asi angyiŋ! Are la a la a dzu a kʼpu, nga a la a nyuŋ aknye baŋ a la a kpaŋ á gno oraŋ! Aŋa nga á dzi wayawaya la ososo mbo, nga á gbu anzi eshki mbo!

Otsotsa 19:8

Moa a bmi baŋ a ygi aknye ba elili la a wo pse, nga ba alo a shka ayi. Elili he lo angyiŋ e wo otum ba ayakplodzi ba moarehwĩ ba Ahogbrẽ.

Otsotsa 2:9

A lu mi le, Ame e yi ewu boŋ, nga ame e yi boŋ o wo la ekŋe ma. Ambo egyagi a mbo, aŋo o wo are ba angyiŋ angyiŋ! Ame e yi edgu ayakplo ba ototno ba edgu moarehwĩ la a la a bzi emo ma moaEyahuda, a lu eshri bimi. Ambo moa a wo moaEyahuda angyiŋ mbo. Moa a wo eshki ba moarehwĩ ba Eshitaŋ angyiŋ!

Otsotsa 3:17

Aŋo o lu mi le, Ame e wo la angyiŋ ma nga ame e wo anzho ma fkatka, nga ame e wo la ekployaŋ a mbo ba ame e klo. Ambo aŋo o yi boŋ o wo la esõ-ongʼba esõ boŋ nga boŋ o wo ayiekŋe mbo! Aŋo o wo ekŋe ototno, nga aŋo o wo ososo angyiŋ, nga aŋo o wo avgayi.

Otsotsa 4:4

Nga emgbakyiŋ oreŋ ekʼpoeha la anyi ehwõ, moa a ta emgbakyiŋ oreŋ he lo a kpaŋ a ghwo eshe-shyẽ. Moandakʼpo ekʼpoeha la anyi a dzu émgbakyiŋ ba oreŋ he lo. Moa a ygi áriga akyle, nga moa a shki ekpmyeshri ba azurfa.

Otsotsa 7:13

Akyeŋ eshki moandakʼpo a zhĩ me a lu mi le, Moayi angyiŋ a wo moarehwĩ la a ygi anzho akyle eka he? Moa a zgi ayaŋ a ba?