Otsotsa 3:11 - Ohwihwim Olehe

¹¹ Ame é ba ambla fi. O kpaŋ ekployaŋ a mbo boŋ o wo la alo ma okyku o da arekyeŋ a ngʼga egbre ba okpogre boŋ ó hwiŋ mbo.

Otsotsa 3:11 ပူးပေါင်းရင်းမြစ်များ

1 MoaOkorinti 9:25

Areyaŋ a mbo la a la a nye o kpo ekpyle le, a la a nye o ta eso akpyli. Aŋa a la a kpo ohe lo okyku ela egbre la e wo la owlama okyku omba ple sha. Ambo agi e la e kpo ekpyle bi okyku egbre ba gbagbu-amo.

MoaEfilibi 4:5

Agimi e tsa moare pyeŋ esõ la e wo ble-ble. Adigi-odne á ta adzadzi á ba á mo.

2 Etimoti 2:5

Are la a knye oŋe a kpo a gbu baŋ a knye a ri mbo o wo le a kpaŋ odaŋ ba oŋe lo ayga dne.

2 Etimoti 4:8

Ohuhuhi nga egbre e wo ma okyku me okyku ba ame e ri. Egbre he lo e wo egbre ba odlodzi ba Adigi-odne la a sõ ombgu ba adlidzi angyiŋ, aŋa á shri lo á da me Onda mi lo. Aŋa á shri lo á da me sha angyiŋ mbo, ambo á shri lo á da areyaŋ a mbo la a la a dzu a bli ŋa la oklo okyku oba-ba baŋ.

Eyakubu 1:12

Are la a tspi kye omba ba moa a mbga ŋa le, aŋa á wo la ovye ma. Okyku eshi moa á shri esõ angyiŋ á ba a shri á daŋ omba baŋ a kpo a gre ombambga he lo. Ahogbrẽ a hwim pa la moarehwĩ la a klo ŋa, baŋ á ba a shri egbre he lo angyiŋ á ba a shri á da mo.

Eyakubu 5:9

Agimi anáŋ, e nyi agla ta la egimi mbo, okyku o da Ahogbrẽ a sõ gimi ombgu mbo. Are la a sõ ombgu a wo osusku a mo, aŋa a dzu a bli okyku o gre o ba eshyẽ sha angyiŋ a mo!

Otsotsa 1:3

Are la a tsi akpa he lo á wo la ovye ma. Nga moare la a ngli atuŋ a gno odlo ba moa a ka nga a lu, nga a kpaŋ ekplo ba moa a ta lo akpa he lo le, moa á wo la ovye ma! Omba o wo osusku a mo ba ayakplo he lo á ba a kpo.

Otsotsa 16:15

Agimi e ngli atuŋ e gno! Ame é ba eka ba asi angyiŋ! Are la a la a dzu a kʼpu, nga a la a nyuŋ aknye baŋ a la a kpaŋ á gno oraŋ! Aŋa nga á dzi wayawaya la ososo mbo, nga á gbu anzi eshki mbo!

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.

Otsotsa 2:25

Ambo o raŋ o gre ba agimi e kom ekplo bimi e wo la alo ma gble ma-me o tsa onda ba ame é ba e ba.

Otsotsa 22:12

Eyesu a lu mi le, Agimi e ngli atuŋ e gno! Ame é ta adzadzi é ba! Nga ame é shri egbre é da areyaŋ a mbo eka ekplo baŋ a kpo angyiŋ.

Otsotsa 22:20

Are la a zgi egŋe baŋ eshri odlo he lo pyeŋ a lu mi le, Adlidzi angyiŋ! Ame e wo osusku oba-ba! Alo o dzu eka he lo. Aŋo Adigi-odne Eyesu aŋo o ba!

Otsotsa 22:7

Eyesu a lu mi le, Agimi e ngli atuŋ e gno! Ame e wo osusku ba oba-ba! Moa la a kpaŋ odlo ba okaolu ba akpa he lo, moa a gno oraŋ!

Otsotsa 3:3

Aŋo o tne o ka ekplo ba moa a nye ŋo, ta la eka boŋ o gno lo. O raŋ o gre boŋ o kpaŋ lo nga o ngʼba o sku edlobi boŋ. O wo boŋ o vro enu mbo, ame é ba e gnyu ŋo eka ba asi. Aŋo ó yi omba ba ame é ba e ba ma mbo ku-ku.

Otsotsa 4:10

Nga moandakʼpo ekʼpoeha la anyi he lo, moa a tsu a ygi obiŋ egi ayi ba emgbakyiŋ ba oreŋ, nga moa a la a hlu ŋa eshko la á dzu ma gbagbu gbagbu-amo. Moa a ndba ekpmyeshri ba oreŋ mo a ygi egi ayi ba emgbakyiŋ ba oreŋ nga a lu mi le,

Otsotsa 4:4

Nga emgbakyiŋ oreŋ ekʼpoeha la anyi ehwõ, moa a ta emgbakyiŋ oreŋ he lo a kpaŋ a ghwo eshe-shyẽ. Moandakʼpo ekʼpoeha la anyi a dzu émgbakyiŋ ba oreŋ he lo. Moa a ygi áriga akyle, nga moa a shki ekpmyeshri ba azurfa.