Otsotsa 3:10 - Ohwihwim Olehe

¹⁰ Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.

Otsotsa 3:10 ပူးပေါင်းရင်းမြစ်များ

Amatiyu 24:14

Nga Oshpaodzadzi la o wo eshri Oreŋ Ongyeŋ moa á nyum lo obiŋ hi pyeŋ, okyku o zgi egŋe alo okyku o da moare a gno. Ambla he nga, omba lo ó bli.

Amatiyu 26:41

Agimi e kʼpu nga e fa olu, okyku o da gimi e tsu e gbu ombambga mbo. Ame e ka, agimi e bmi la esõ bimi, ambo, agimi e da egʼba e shki gimi ami.

Amatiyu 6:13

O da ombambga la o gre gi eshri o hwiŋ gi mbo. O shla gi abgo Eshitaŋ.

Amarku 14:9

Agimi e ngli e gno, okroyaŋ a mbo obiŋ hi moa á ba a nyum Oshpaodzadzi he lo ma, ekplo ashe he a kpo moa á tne aga alo.

Oluka 2:1

Omba ba Agustu a wo Ekeza, anyuŋ andakʼpo ba obiŋ Oroma, a jygu odaŋ ma areyaŋ a mbo la a wo obiŋ baŋ a da mo a ta eshko baŋ okyku otsutsi.

Eyohana 17:6

Ame e da moare boŋ o shri o da me obiŋ hi a yi ŋo. Moa a wo a boŋ, nga aŋo angyiŋ o shri mo o da me. Moa a bmi ta la odlo boŋ.

MoaOroma 1:8

Ekplo ba oriori, ame e vye la Ahogbrẽ eshko Eyesu Ekristi okyku gimi, okyku eshi obiŋ hi mvye moa a gno oshpa ba obmi ba adlidzi bimi.

1 MoaOkorinti 10:13

Edgu ombambga la o hwiŋ moahwõ angyiŋ o la o hwiŋ gimi. Okyku eshi Ahogbrẽ a la a bli ohwihwim baŋ. Okyku eka he, á da ombambga la o gre gimi eshri o hwiŋ gimi mbo. Nga ombayaŋ a mbo ba moa a mbga gimi a ka, Ahogbrẽ nga á shri oshye á da gimi, okyku o da gimi e tspi gaŋ. Nga á shri ozhẽ ba ozizgi á shri á da gimi.

MoAfisu 6:13

Okyku eka he, agimi e tslo anzho eko ba Ahogbrẽ ohuhuhi! Okyku o da gimi e kpo e gbu nga e tspi gaŋ ta la afpu gimi lo omba ba ewu e kso. Ambla ba agimi e ta eko e khwo le, agimi é zhiŋ é tspi gaŋ.

2 Etimoti 2:12

O wo bi e bmi e ghwo esõ le, agi é ri ekʼpo ka la ŋa otsotse. Nga o wo bi e kpo evom baŋ le, aŋa a mbo á kpo evom bi.

Eyakubu 3:12

Agimi anáŋ, esĩ ebro e kpo e gbu ba alo e fu agbro ba olivi mbo, nga eyi-ami la e zgi la ami ba eŋe, e kpo e gbu ba alo e zgi la ami la a raŋ mbo.

1 Ebitru 4:12

Agimi akyemeazba, agimi e da ewu ba agimi e la e kpo hi e dzu gimi ekplo egbregbre mbo. E ka eka ba ekplokyeŋ ehe angyiŋ e kpo ka la gimi mbo.

2 Ebitru 2:9

Okyku eka he, Adigi-odne a yi eka baŋ a se moarehwĩ ba Ahogbrẽ a sku ewu ba moa a wo ma. Nga a sa a yi eka baŋ á shri ewu á zga ma okyku moarehwĩ ba odlobi Olum onda ba Ombgu lo.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otsotsa 11:10

Ambo moarehwĩ ba obiŋ hi, moa á gno oraŋ ta la eku ba moarehwĩ aha he lo. Moa á kpo ovye nga moa á shri ototno á shri á kom emo, okyku eshi moarehwĩ aha ba Ahogbrẽ a hom mo otum he lo, moa a byiŋ ewu nzenze a shri a ta moarehwĩ ba obiŋ hi.

Otsotsa 13:10

Areyaŋ a mbo ba moa a sheŋ a zga ba moa á vu ŋa, moa á vu ŋa omgbybi. Nga areyaŋ a mbo ba moa a sheŋ a zga ba moa á bga ŋa, moa á bga ŋa omgbybi la akõ. Okyku eka he, o raŋ o gre ba moarehwĩ ba Ahogbrẽ a ghwo esõ, nga ba moa a tspi osheshye ta la obmi ba adlidzi mo.

Otsotsa 13:14

Ambla he nga e bile moarehwĩ la a dzu obiŋ hi pyeŋ la ayakplo ba egbregbre. Moa a bmi okyku o daŋ a kpo ayakplo ba egbregbre he lo egi ayi ba ebyi la e wo ebi ba ori. Ebyi he lo e da moarehwĩ ba obiŋ hi pyeŋ a mbdzi ambgu okyku o hlu ebyi ba moa a ta lo etsa la e ngro eshri la akõ, nga ba alo e kpu mbo, eshko.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

Otsotsa 14:12

Okyku eka he lo, o dzu omgbybi ba moarehwĩ-ba Ahogbrẽ la a kpaŋ odaŋ baŋ, nga ba moa a tspi la adlidzi okyku Eyesu, moa a ta esõ mo akpyli.

Otsotsa 14:6

Ambla he nga ame e ka anwyeadgakyeŋ a la a knye ahrẽ, ta la Oshpaodzadzi ba gbagbu-amo. A shri lo okyku o su lo o ygi moarehwĩ ba obiŋ hi, pa la moarehwĩ ba obiŋyaŋ a mbo, ta la embreyaŋ a mbo, pa la moarehwĩ ba olomyaŋ a mbo, pa la moarehwĩ pyeŋ.

Otsotsa 16:14

Egbga ba eshre etra he lo e wo egbga ba ábili la a kpo ayakplo ba egbregbre. Egbga etra he lo e zgi e gre ekro moanyuŋ-areŋ obiŋ hi pyeŋ, okyku o pla mo o shki okyku eko ba moa á ba a ta anyuŋ olum onda ba Ahogbrẽ ba ekʼpo pyeŋ.

Otsotsa 17:2

Moanyuŋ-areŋ ba obiŋ hi moa a ri eshra ta la ashe-eshra la a gbu eshko he lo. Moarehwĩ ba obiŋ hi nga, moa a da ayakplo ba eshre baŋ a la a kpo a gre mo egʼba.

Otsotsa 17:8

Ebyi boŋ o ka he lo e wo la esõ ma ayga. Ambo e kpu bgu. Alo é ta adzadzi é zgi enzhe la e gyuŋ mgbyimgbyimgbyiŋ a mo, ambo moa a sa á bga lo. Moarehwĩ ba obiŋ hi ba moa a ta ashko mo ayga akpa ba esõ omba ba moa a zga esĩ a kpo obiŋ hi a wo mbo, moa á ka egbregbre omba ba moa a ka ebyi la e wo ebi lo, okyku eshi ayga e wo la esõ ma, ambo e wo la esõ ma ohuhuhi nga mbo, ambo alo é bla é ba.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 3:8

A lu mi le, Ame e yi ayakplo boŋ o la o kpo. Nga ame e yi boŋ o wo la oshye ma nzenze mbo. Nga aŋo o la o kpaŋ onyenye me, nga o la o kpo adlidzi pa la me. Ame e sheŋ e hwile ayizhẽ e zga egi ayi boŋ. Are-kyeŋ a kpo a gbu baŋ a shki lo mbo ku-ku.

Otsotsa 6:10

Moa a lu odlo la enzi egagre a lu mi le, Adigi-odne la a wo ekʼpo pyeŋ, aŋo o wo la esesla pa la adlidzi ma! Ombayaŋ aŋo ó ba o sõ moarehwĩ ba obiŋ hi ombgu, nga ó ba o kpo mo ekŋe okyku ba moa a bga gi?

Otsotsa 8:13

Ambla he nga ame e ka asu a la a ta oya. Ame e gno, alo a lu odlo la anyuŋ enzi a lu mi le, Ekplo ongroshri! Ekplo ongroshri! Alo é wo ekplo ewu é gre eshri okro moare la a dzu obiŋ hi omba ba enzi egbaru ba moanwyeadga atra ahwõ é zhle.