Otsotsa 3:1 - Ohwihwim Olehe

¹ Ogbgaodzi o sa o lu mi le, Aŋo o ta anwyeadga ba Eklisiya ba Esadi akpa, o lu mi le, Oshpa he lo o wo oshpa la o zgi abgo ba are la a kom egbga efoha ba Ahogbrẽ, ta la eyi enzo efoha abgo baŋ. A lu mi le, Ame e yi ayakplo boŋ o la o kpo. Nga ame e yi boŋ o gbu eshko okyku boŋ o yi o wo la esõ ma, ambo egyagi a mbo aŋo o sheŋ o kpu!

Otsotsa 3:1 ပူးပေါင်းရင်းမြစ်များ

Oluka 15:24

okyku ba anwye me a bla a ba odne! Anwye me he a tpi ayi ambo a sa a ka a bmye ohuhuhi. O dzu eka baŋ a blu ambo agi e sa e hwiŋ ŋa. Nga moa a zga esĩ o kpo abgo.

Oluka 15:32

Ambo o wo odzi angyiŋ bi e kpo abgo nga e kpo ovye, okyku eshi anóŋ a tpi ayi ambo ohuhuhi a sa a ka a bmye. O dzu eka baŋ a blu ambo agi e sa e hwiŋ ŋa.

Eyohana 1:16

Ibu okpoghwo baŋ la o sheŋ o nye mbo, a shri owlama a da gi mvye. Ombamba pyeŋ nga a la a shri owlama a ta gi ma-ma.

Eyohana 1:33

Omba he lo, ame e yi ŋa mbo, ambo Ahogbrẽ la a da me e kpo abaptimsa la amihĩ a nyuŋ me a lu mi le, Aŋo ó ka Ogbgaodzi ó gile eshri alom he lo. Alom he lo angyiŋ a la a kpo moare abaptisma la Ogbgaodzi.

Eyohana 20:22

A lu odlo eka he a khwo nga a hlu ayaŋ baŋ a ygi mo nga a lu mi le, Agimi e yga Ogbgaodzi.

Eyohana 3:34

Are ba Ahogbrẽ a daŋ a ba lo, a la a nyum odlo ba Ahogbrẽ, okyku eshi Ahogbrẽ a mbga Ogbgaodzi ombga a shri a daŋ mbo.

Otum 2:33

Moa a kso ŋa a daŋ a yi a dzu obgori ba Ahogbrẽ, nga a yga Ogbgaodzi okro baŋ eka ba Adaŋ a sheŋ a hwim. Ekplo bimi e ka nga e gno ohuhuhi, Ogbgaodzi angyiŋ o shri o da gi.

MoAfisu 2:1

Ayga, agimi e wo la Ogbgaodzi ma mbo, okyku o fa olbi o di mbo ta la odlobi bimi.

MoAfisu 2:5

Omba ba agi e kpo odlobi nga e dzu eka ba agi e kpu, nga, Ahogbrẽ a shri gi a kŋe a bga ta la Ekristi okyku o da gi e hwiŋ esõ. Agimi e hwiŋ oshla he lo okyku okpoghwo ba Ahogbrẽ angyiŋ.

MoaOkolosi 2:13

Ombakyeŋ agimi e wo eka ba agimi e kpu eku okyku eshi Ogbgaodzi o wo esõ bimi mbo. Okyku odlobi bimi e la e kpo angyiŋ, ohe lo o kpo ka la gimi okyku ba agimi e wo moa la a wo moaEyahuda mbo la a yi odaŋ mbo angyiŋ. Ambo ohuhuhi Ahogbrẽ a kso gimi ibu eku nga a da gimi e wo la esõ ma ta la Ekristi! Ahogbrẽ nga a kyu gi abgo odlobi bi pyeŋ.

1 Etimoti 5:6

Ambo ashe-eshaku la a shri eshri baŋ a zga okyku ognoraŋ ba obiŋ hi le, a sheŋ a kpu bgu. O wo baŋ a wo ayi a mbo, o dzu eka baŋ a sheŋ a kpu angyiŋ.

Eyakubu 2:26

Eka ba ango egʼba la a ta ayaŋ mbo a wo ototno, ekakahelo angyiŋ, obmi ba adlidzi la o wo la otum ma mbo, alo o wo obmi ba adlidzi ba ototno.

1 Ebitru 1:11

Moa a zga ngre okyku o da mo a yi omba lo, ta la eka ba oshla lo ó ba o ba. Ogbgaodzi ba Ekristi la o wo pa la mo, alo o tsa omba he lo angyiŋ, nga alo o ka nga o lu odlo eshri ewu ba Ekristi á ba a kpo, nga baŋ á ba a ghwo esõ ta la alo. Nga alo o sa o lu odlo eshri ekekʼpo la é ba e ba ambla.

Eyahuda 1:12

Moarehwĩ he lo angyiŋ a wo moare la a shri eshre a shri a ba okro ba agimi e la e ri algo ba ekpom ma. Moa a la a wa a kpo ayi, nga moa a wo la anzi mbo ku-ku. Moa a yi eshri mo nga o khwo. Moarehwĩ he lo a wo eka ba etabro ba ogbga o hlu lo, ambo o da ogbu o ka o ba mbo. Moarehwĩ he lo a wo eka ba asĩ aki la a fu agbro mbo angyiŋ. Moa a wo eka ba asĩ aki ba moa a gʼbu lo emgbʼbo angyiŋ omba oflu, nga moa a mom pyeŋ.

Otsotsa 1:11

E lu mi le, Aŋo o ta ayakplo boŋ o ka, ambla he nga o shri akpa he lo o shri o kom moaEkilisiya efoha he lo. Moa a wo osku ba Afisu, ta la Esemana, ta la Epegamum, ta la Etatira, ta la Esadi, ta la Efiladelfiya, ta la Eladosiya.

Otsotsa 1:16

A kom éyi enzo efoha obgori baŋ. Nga akõ anyu aha la a ri hihihli a zgi anyu baŋ. Nga eyayi baŋ e wo ŋaŋaŋla eka omba ba olum o vueshri.

Otsotsa 1:20

Aŋo o ka eshyẽ ba éyi enzo efoha boŋ o ka lo obgori me ta la emgbakha ovo efoha ba azurfa. Éyi enzo efoha he lo e dzu moanwyeadga ba moaEklisiya efoha. Nga emgbakha ovo efoha ba azurfa he lo e dzu moaEklisiya efoha angyiŋ.

Otsotsa 1:4

Akpa he lo a zgi abgo ba Eyohana a yi abgo ba moaEklisiya efoha ba egʼba obiŋ ba Asiya. Okpoghwo ta la opyapyaŋ la o zgi okro ba Ahogbrẽ o ba, o dzu o bimi. Ahogbrẽ he lo angyiŋ a wo ma ohuhuhi, nga aŋa angyiŋ a wo ma ayga, nga aŋa angyiŋ á ba a ba. Okpoghwo ta la opyapyaŋ he lo nga o zgi okro ba egbga efoha la e wo egi ayi ba emgbakyiŋ oreŋ ba Ahogbrẽ a mbo,

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.

Otsotsa 2:19

A lu mi le, Ame e yi eka ekplo boŋ o la o kpo, nga ame e yi eka ba oklo boŋ o wo, ta la adlidzi boŋ, ta la otum boŋ, nga oheheŋ boŋ. Ame e yi boŋ o kpo otum ohuhuhi o gre eka okũ oriori.

Otsotsa 2:2

A lu mi le, Ame e yi ayakplo boŋ o kpo, nga ame e yi eka boŋ o zga ayi ngre nga o kpo otum, nga o wo la esõ la e wo eheheŋ. Ame e yi boŋ o la o kpo ekpom pa la moarehwĩ ba ototno mbo. Nga agimi e sheŋ e mbga moarehwĩ la a bzi emo ma moare la a nyum oshpa e ka bgu, ambo moa a wo moare la a nyum oshpa angyiŋ mbo. Nga aŋo o ka lo o bmye ba moa a wo moare la a sheŋ akpro angyiŋ.

Otsotsa 2:9

A lu mi le, Ame e yi ewu boŋ, nga ame e yi boŋ o wo la ekŋe ma. Ambo egyagi a mbo, aŋo o wo are ba angyiŋ angyiŋ! Ame e yi edgu ayakplo ba ototno ba edgu moarehwĩ la a la a bzi emo ma moaEyahuda, a lu eshri bimi. Ambo moa a wo moaEyahuda angyiŋ mbo. Moa a wo eshki ba moarehwĩ ba Eshitaŋ angyiŋ!

Otsotsa 3:15

A lu mi le, Ame e yi ayakplo boŋ o kpo. Ame e yi boŋ o ka o bʼbu mbo, o mbo le o ka o bmye ovo mbo. Ame e klo e mbi boŋ o wo okyeŋ eshki he lo e gre eshri!

Otsotsa 3:2

Okyku eka he nga o kso nga o nyuŋ ekplo la e ra ka la ŋo e zga, ayga o da lo e mom e kpu ogbu-kyekyeŋ. Okyku eshi ame e ka tki, ba ekplo boŋ o kpo, alo e bli egi ayi ba Ahogbrẽ me a wo mbo.

Otsotsa 3:8

A lu mi le, Ame e yi ayakplo boŋ o la o kpo. Nga ame e yi boŋ o wo la oshye ma nzenze mbo. Nga aŋo o la o kpaŋ onyenye me, nga o la o kpo adlidzi pa la me. Ame e sheŋ e hwile ayizhẽ e zga egi ayi boŋ. Are-kyeŋ a kpo a gbu baŋ a shki lo mbo ku-ku.

Otsotsa 4:5

Ayimom ba angyum-ogbu a zgi emgbakyiŋ oreŋ hi lo a ba, nga énzi nzenze, ta la akyuŋ ba angyum-ogbu a ta. Ewyi ovo efoha angyiŋ e la e ri egi ayi ba emgba-kyiŋ ba oreŋ. Moahi lo angyiŋ a wo egbga efoha ba Aho-gbrẽ.

Otsotsa 5:6

Ambla he nga ame e ka Anwye Ekylu a tspi agʼbaha ba emgbakyiŋ ba oreŋ. Nga ebyi enyi pa la moandakʼpo, moa a dzu a ta ŋa a kpaŋ. Anwye Ekylu a wo eka ba moa a bga lo. Anwye Ekylu he lo a wo la agzo afoha, ta la ayi afoha. Moa angyiŋ a wo egbga efoha ba Ahogbrẽ ba moa a hom mo otum a gre okroyaŋ a mbo obiŋ hi.