Otsotsa 22:7 - Ohwihwim Olehe

⁷ Eyesu a lu mi le, Agimi e ngli atuŋ e gno! Ame e wo osusku ba oba-ba! Moa la a kpaŋ odlo ba okaolu ba akpa he lo, moa a gno oraŋ!

Otsotsa 22:7 ပူးပေါင်းရင်းမြစ်များ

Otsotsa 1:11

E lu mi le, Aŋo o ta ayakplo boŋ o ka, ambla he nga o shri akpa he lo o shri o kom moaEkilisiya efoha he lo. Moa a wo osku ba Afisu, ta la Esemana, ta la Epegamum, ta la Etatira, ta la Esadi, ta la Efiladelfiya, ta la Eladosiya.

Otsotsa 1:3

Are la a tsi akpa he lo á wo la ovye ma. Nga moare la a ngli atuŋ a gno odlo ba moa a ka nga a lu, nga a kpaŋ ekplo ba moa a ta lo akpa he lo le, moa á wo la ovye ma! Omba o wo osusku a mo ba ayakplo he lo á ba a kpo.

Otsotsa 16:15

Agimi e ngli atuŋ e gno! Ame é ba eka ba asi angyiŋ! Are la a la a dzu a kʼpu, nga a la a nyuŋ aknye baŋ a la a kpaŋ á gno oraŋ! Aŋa nga á dzi wayawaya la ososo mbo, nga á gbu anzi eshki mbo!

Otsotsa 2:16

Aŋo o ngʼba o sku edlobi boŋ ohuhuhi! O wo eka he mbo le, ame é ba okro boŋ ambla fi, nga ame é kpo ambgu pa la moarehwĩ he lo ta la akõ la a zgi anyu me.

Otsotsa 22:12

Eyesu a lu mi le, Agimi e ngli atuŋ e gno! Ame é ta adzadzi é ba! Nga ame é shri egbre é da areyaŋ a mbo eka ekplo baŋ a kpo angyiŋ.

Otsotsa 22:18

Ame Eyohana e la e shĩ areyaŋ a mbo la a gno odlo ba okaolu ba akpa he lo. O wo ba arekyeŋ a fa ekplokyeŋ a ta ma le, Ahogbrẽ a mbo, á ta ŋa ma la elolo ba moa a lu odlo eshri lo akpa hi.

Otsotsa 22:19

Nga o wo ba arekyeŋ a fa emakyeŋ odlo ba okaolu ba akpa he lo a ra le, Ahogbrẽ á nyom ŋa ogʼba ba esĩ aki ba esõ, nga á daŋ a hwiŋ ogʼba emakyeŋ Osku ba Esesla ba moa a lu odlo eshri lo akpa hi mbo.

Otsotsa 22:20

Are la a zgi egŋe baŋ eshri odlo he lo pyeŋ a lu mi le, Adlidzi angyiŋ! Ame e wo osusku oba-ba! Alo o dzu eka he lo. Aŋo Adigi-odne Eyesu aŋo o ba!

Otsotsa 22:21

Okpoghwo ba Adigi-odne Eyesu o dzu ta la areyaŋ a mbo.

Otsotsa 3:11

Ame é ba ambla fi. O kpaŋ ekployaŋ a mbo boŋ o wo la alo ma okyku o da arekyeŋ a ngʼga egbre ba okpogre boŋ ó hwiŋ mbo.

Otsotsa 3:3

Aŋo o tne o ka ekplo ba moa a nye ŋo, ta la eka boŋ o gno lo. O raŋ o gre boŋ o kpaŋ lo nga o ngʼba o sku edlobi boŋ. O wo boŋ o vro enu mbo, ame é ba e gnyu ŋo eka ba asi. Aŋo ó yi omba ba ame é ba e ba ma mbo ku-ku.