Otsotsa 22:6 - Ohwihwim Olehe

⁶ Ambla he nga anwyeadga lo a lu odlo pa la me a lu mi le, Odlo he lo o wo adlidzi angyiŋ nga o wo odlo la o raŋ o gre ba moa a bmi ta la lo. Nga Adigi-odne Ahogbrẽ la a la a shri Ogbgaodzi baŋ a shri a da moarehwĩ baŋ a hom mo otum angyiŋ, a hom anwyeadga baŋ otum okro ba moawaghrẽ baŋ okyku o da mo a yi eka ba ekplo la é ba e kpo é ta adzadzi.

Otsotsa 22:6 ပူးပေါင်းရင်းမြစ်များ

Amatiyu 13:41

Anwye Arehwĩ á kpo nga á hom moanwyeadga baŋ otum á da mo a sla moa la a da moare a kpo odlobi, pa la pyeŋ moa la a kpo odlobi la a wo Oreŋ baŋ.

Oluka 1:70

Ogbyigbyi Ahogbrẽ a da moarehwi ba esesla ban a hom otum a lu eka he lo.

Oluka 16:16

Odaŋ Omusa, ta la akpekpa ba moarehwi Ahogbrẽ a hom otum, moa a kpo otum ta la alo ma-me a gbu omba ba Eyohana la a kpo abaptisma. A zga omba he lo nga, moa a nyum Oshpaodzadzi la o wo eshri Oreŋ ba Ahogbrẽ, nga areyaŋ a mbo a kyku ebzu okyku o hwiŋ lo.

Otum 12:11

Ambla he nga, Ebitru a ka ekplo la e kpo ka la ŋa a bmye, nga a lu mi le, Ame e ka e bmye ohuhuhi ba alo o wo adlidzi angyiŋ! Ahogbrẽ a hom anwyeadga baŋ a daŋ a ba a shla me ekʼpo ba Ehirudu, ta la ayakplo moaEyahuda a zga eso okyku o kpo pa la me mvye.

Otum 3:18

Ogbyigbyi, moarehwi ba Ahogbrẽ a hom otum a lu mi ma Emisiya á kpo ewu. Ahogbrẽ nga a bli odlo lo.

MoaOroma 1:2

Ahogbrẽ a hwim pa la moarehwi baŋ a hom mo otum eshri Oshpaodzadzi he lo ogbyigbyi, nga moa a ta lo Akpekpa ba Esesla.

1 MoaOkorinti 14:32

O raŋ o gre ba are a nyuŋ okpogbu ba onyumoshpa ba Ahogbrẽ a zga adzadzi.

1 MoaOkorinti 7:29

Ame e zga aga eso me eka he. Agimi anáŋ, omba o ra ple sha a mo. Okyku eka he, o zga esĩ ohuhuhi, moa la a kyu moashe a dzu eka moare la a kyu moashe mbo,

2 MoaEtasolonika 1:7

Nga aŋa á shri odzudum á da gimi la e la e kpo ewu, nga á shri odzudum á da gi a mbo. Aŋa á kpo ohe lo omba ba Adigi-odne Eyesu a zgi Ongyeŋ a ba. Eyesu á ba la moanwyeadga baŋ la a wo la ekʼpo a gre eshri,

MoaIbrani 12:9

Moadigi ba egʼba moa a la a nye gi, ambo agi e la e fa olbi e da mo o di-di lo. O raŋ o gre ba agi e bmi e da Adigi ba ayaŋ bi e gre eka he nzenze okyku o da gi e hwiŋ esõ!

2 Ebitru 1:21

Okyku eshi oshpa ba okaolu he lo o ba ondakyeŋ la okaobmye ba arehwĩ o ka mbo. Ambo Ogbgaodzi angyiŋ o tsa moarehwĩ o da mo a lu oshpa ekplo la e zgi okro ba Ahogbrẽ.

2 Ebitru 3:2

Ame e klo bimi e tne aga odlo ba moarehwĩ ba esesla ba Ahogbrẽ a hom mo otum ogbyigbyi a lu. Nga okyku o da gimi e tne aga odaŋ la o zgi okro ba Adigi-odne ta la Areoshla bi. Odaŋ he lo, moarehwĩ bimi la a nyum oshpa angyiŋ a shri lo a shri a ba.

Otsotsa 1:1

Moa a ta ayakplo ba Eyesu Ekristi a tsa angyiŋ akpa he lo. Ahogbrẽ a shri ayakplo he lo a shri a daŋ, okyku o daŋ a tsa moawahgrẽ ba Ahogbrẽ ayakplo la á ba a kpo ambla fi. Ekristi a da anwyeadga baŋ a gre ibu ba Eyohana awaghrẽ baŋ nga, a daŋ a tsa ŋa ayakplo he lo.

Otsotsa 18:20

Ekployaŋ a mbo la e wo Ongyeŋ, e kpo ovye okyku ba moa a jygi osku he lo! Agimi arehwĩ ba Ahogbrẽ pa la moa la a nyum oshpa, pa la moarehwĩ ba Ahogbrẽ a hom mo otum, e kpo ovye! Okyku eshi Ahogbrẽ a sõ ashe lo ombgu okyku ayakplo ba osku he lo o kpo gimi!

Otsotsa 19:9

Ambla he nga anwyeadga lo a lu pa la me a lu mi le, O ta o lu mi le, Moarehwĩ ba moa a bzi mo okyku oriabgo eble ba Anwye Ekylu moa a wo la ognoraŋ ma. Anwyeadga lo a sa a lu odlo a ta ma a lu mi le, Odlo he lo o wo odlo adlidzi ba Ahogbrẽ angyiŋ.

Otsotsa 21:5

Ambla he nga are la a dzu emgbakyiŋ ba oreŋ a lu mi le, Nga ohuhuhi, ame é da ekployaŋ a mbo e dzu elehe! Nga a sa a lu pa la me a lu mi le, O ta odlo he lo akpa, okyku eshi odlo he lo o wo adlidzi angyiŋ nga o wo odlo la o raŋ o gre ba moa a bmi ta la lo angyiŋ.

Otsotsa 21:9

Akyeŋ eshki moanwyeadga afoha la a wo la atku afoha, la a bli la elolo efoha ba amom-abgo lo, a ba okro me nga a lu mi le, O ba o da me e tsa ŋo Anwyeshe lo. Aŋa angyiŋ a wo ashe ba Anwye Ekylu.

Otsotsa 22:1

Anwyeadga he lo nga a tsa me ondzu ba ami ba esõ. Alo o wo zhezheŋ eka amihĩ. Alo o zgi emgbakyiŋ oreŋ ba Ahogbrẽ ta la Anwye Ekylu angyiŋ o ba.

Otsotsa 22:16

Ame Eyesu e hom anwyeadga me otum okyku o daŋ a su odlo he lo a ygi gimi arehwĩ ba Eklisiya lo pyeŋ. Ame e wo arehwĩ ba ogu ba Adawuda, nga ame angyiŋ e wo ambzi endigiŋ la e shka ayi.

Otsotsa 22:7

Eyesu a lu mi le, Agimi e ngli atuŋ e gno! Ame e wo osusku ba oba-ba! Moa la a kpaŋ odlo ba okaolu ba akpa he lo, moa a gno oraŋ!

Otsotsa 4:1

Omba he lo nga, ame e sa e ka edgu okokakyeŋ nganga. Ame e ka ayizhẽ a hwile. Nga enzi la e zhle eka ba egbaru, e la e lu odlo pa la me ayga, e lu mi le, O vre o ba ongyeŋ ahe, nga ame e tsa ŋo ekplo la é ba e kpo ambla ba ohi lo o kpo.