Otsotsa 22:5 - Ohwihwim Olehe

⁵ Okyukyku ó wo ahe lo nga mbo, nga émgbuovo ta la ayimom ba olum á wo owlama ahe lo nga mbo, okyku eshi Adigi-odne Ahogbrẽ angyiŋ á ba a dzu ayimom mo, nga moa á ri ekʼpo eka moanyuŋ-areŋ gbagbu gbagbu-amo.

Otsotsa 22:5 ပူးပေါင်းရင်းမြစ်များ

Amatiyu 19:28

Eyesu a nyuŋ mo a lu mi le, Ame e lu e da gimi, omba ba Anwye Arehwĩ á ba a dzu emgbakyiŋ oreŋ baŋ ba esesla, omba mi lo, agimi otsko la e lu me ma he lo, agimi a mbo é dzu emgbakyiŋ oreŋ me, nga é sõ egu otsko ba Esrayila ombgu.

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Amatiyu 25:46

Moahi lo, moa á shri mo á gre ewu la e vu olo gbagbuamo. Moa la a bmi ba adlidzi, moa á hwiŋ esõ ba gbagbuamo.

MoaOroma 5:17

O wo adlidzi angyiŋ ba eku e zga esĩ ba o ri ekʼpo okyku odlobi ba arekyakyeŋ mi lo. Ambo ekplo ba Eyesu Ekristi arekyekyeŋ a kpo e gre eshri! Moare mvye la a yga okpoghwo baŋ he lo, ta la ototno ba odlodzi baŋ a shri a ba, moa á ri ekʼpo eshko ba Ekristi.

2 Etimoti 2:12

O wo bi e bmi e ghwo esõ le, agi é ri ekʼpo ka la ŋa otsotse. Nga o wo bi e kpo evom baŋ le, aŋa a mbo á kpo evom bi.

Otsotsa 11:15

Ambla he nga anwyeadga ba ofoha a hlu egbaru baŋ, nga enzi egagre e lu Ongyeŋ e lu mi le, Adigi-odne ta la Emisiya baŋ angyiŋ a wo la ekʼpo ba o ri ekʼpo ta la obiŋ hi ohuhuhi. Aŋa á ri ekʼpo lo gbagbu gbagbu-amo!

Otsotsa 18:23

Moa á ka ayimom ba ovo osku he lo eshyẽ ku-ku nga mbo, nga enzi ba anwyeshe ta la enzi ba anwyealom la a kyu ashe, moa á gno lo osku he lo ku-ku nga mbo. Ayga moarehwĩ boŋ la a ta ekyku a wo oshye pyeŋ a gre obiŋ hi. Nga aŋo o bile moarehwĩ ba obiŋ hi pyeŋ la agum boŋ ba akpro!

Otsotsa 20:4

Ambla he nga ame e ka émgbakyiŋ oreŋ, pa la moarehwĩ la a dzu ma. Moa a shri ekʼpo ba o sõ ombgu a shri a da mo. Nga ame e sa e ka ésõ moarehwĩ ba moa a bga moa a sheŋ a gre, okyku ba moa a su adlidzi ba Eyesu a tsa lo zhezheŋ, nga a sa a su odlo ba Ahogbrẽ. Moa a bmi a hlu ebyi la e wo ebi lo ta la ambgu ba ebyi he lo eshko mbo ku-ku. Nga moa a da mo a ta mo egŋe ba ebyi la e wo ebi he lo ondaŋ mo o mbo le abgo mo mbo. Moahi lo a dzu ta la Eyesu nga a ri ekʼpo ka la ŋa okyku eyi ezbi.

Otsotsa 20:6

Moa la a hwiŋ ozhẽ a kso eku omba ba oksoeku ba ori he lo moa á wo la oraŋ ma, nga moa á hwiŋ owlama nzenze. Eku ba oha é wo la ekʼpo eshri mo mbo ku-ku. Moa á dzu moandakʼpo olu ba Ahogbrẽ, ta la Ekristi, nga moa á ri ekʼpo ka la ŋa okyku eyi ezbi.

Otsotsa 21:11

Alo o shka ayi la ayimom ba Ahogbrẽ. Osku lo o shka ayi eka ba ézhim la e wo egbmo nzenze. O wo eka ba ejaspa, nga o wo zhezheŋ eka ba amihĩ.

Otsotsa 3:21

Moare la a hwiŋ okpogre lo, ame é da mo ozhẽ okyku o da mo a dzu agbaŋ ba emgbakyiŋ ba oreŋ me, eka ba ame a mbo e hwiŋ okpogre, nga ohuhuhi, ame e dzu agbaŋ ba emgbakyiŋ ba oreŋ ba Adugu ka la ŋa.