Otsotsa 22:4 - Ohwihwim Olehe

⁴ Nga moa á ka eyayi baŋ, nga moa á ta eshko baŋ á bre ondaŋ mo.

Otsotsa 22:4 ပူးပေါင်းရင်းမြစ်များ

Amatiyu 5:8

Oraŋ o wo ma okyku moa la a wo la esõ pse, okyku eshi moa á ka Ahogbrẽ!

Eyohana 12:26

Areyaŋ a mbo la a klo o kpo otum me le, aŋa a lu me ma, okyku eshi ame e klo ba anwyeotum me a dzu okro ame e wo ma. Adugu á shri ekʼpo á da are la a kpo me otum.

Eyohana 17:24

Ada! Aŋo o sheŋ o shri mo o da me bgu, okyku eka he ame e klo mo á dzu okro ba ame é dzu ma okyku o da mo a ka ayimom ba esesla me, ibu ayimom ba esesla boŋ o shri o da me okyku eshi aŋo o klo me ayga moa a kpo obiŋ hi.

1 MoaOkorinti 13:12

Ayakplo ba agi e la e ka ohuhuhi a wo eka ba amu emakyeŋ a zgi a dzu akpaokayi. Omba mi lo nga agi é ka ekployaŋ a mbo la enmwre ayi. Ayakplo ba ame e yi ohuhuhi a wo ple sha ayga. Omba mi lo nga, ame é yi ekployaŋ a mbo pyeŋ, eka ba Ahogbrẽ a yi me pyeŋ.

MoaIbrani 12:14

E zga ngre okyku o da opyapyaŋ o dzu agʼbaha bimi pa la moarehwĩ pyeŋ. Nga e zga ngre okyku o da gimi e dzu la odzudzu la o wo la esesla, okyku eshi arekyeŋ la a wo la odzudzu esesla he lo mbo, á ka Adigi-odne mbo ku-ku.

Otsotsa 14:1

Ambla he nga ame e zhiŋ e ka nga, ame e ka Anwye Ekylu a tspi Aku ba Ezayoŋ. Moarehwĩ ezbi endga la ekʼpoenyi la anyi a tspi ka la ŋa ma. Moa a ta eshko baŋ ta la eshko ba Adaŋ ondaŋ mo.

Otsotsa 3:12

Are la a hwiŋ okpogre, ame é daŋ a dzu emgbakha anyuŋ-akulu ba Ahogbrẽ me, nga aŋa á zgi á sku lo ku-ku nga mbo. Nga ame é ta eshko ba Ahogbrẽ me ta la eshko ba osku ba Ahogbrẽ me, ba moa a la a bzi lo ma Orushalima olehe. Alo ó zgi Ongyeŋ okro ba Ahogbrẽ me angyiŋ ó ba o ba. Ame é shri ashko he lo é bre egʼba baŋ. Nga ame é ta eshko elehe me é bre egʼba baŋ.

Otsotsa 7:3

Anwyeadga lo a nyuŋ mo a lu mi le, Agimi e ta obiŋ hi ta la anyuŋ-ondzu, ta la akiki etsa mbo. Agimi e da gi e bre moawaghrẽ ba Ahogbrẽ egŋe ondaŋ mo ayga.