Otsotsa 22:3 - Ohwihwim Olehe

³ Nga ekplokyeŋ ba Ahogbrẽ a ta ogbukyu a ygi lo é hwiŋ ozhẽ é yi osku he lo mbo ku-ku. Emgbakyiŋ oreŋ ba Ahogbrẽ ta la ba Anwye Ekylu lo é dzu osku he lo. Nga moawaghrẽ baŋ á hlu ŋa eshko.

Otsotsa 22:3 ပူးပေါင်းရင်းမြစ်များ

Amatiyu 25:21

Adaŋ-odne a lu mi le, Ame e vye la ŋo, aŋo o wo anwye-odne adzadzi. Aŋo o tsa me adlidzi ekplo etsitsi, okyku eka he, ame é shri ekplo la é gre eka he é shri é doŋ. O ba nga o dzu o gno oraŋ pa la me otsotse.

Amatiyu 25:41

Areŋ á nyuŋ moa la a wo obgoehre baŋ a lu mi le, Agimi e kyoŋ e sku me. Ahogbrẽ a sheŋ a ta anyuabi a ygi gimi bgu. Moa á shri gimi á ygi ovo ba gbagbu-amo moa a kpo a zga Eshitaŋ, pa la moanwyeadga baŋ.

Eyohana 12:26

Areyaŋ a mbo la a klo o kpo otum me le, aŋa a lu me ma, okyku eshi ame e klo ba anwyeotum me a dzu okro ame e wo ma. Adugu á shri ekʼpo á da are la a kpo me otum.

Eyohana 13:32

O wo ba moa a ka ayimom esesla ba Ahogbrẽ okyku na angyiŋ le, Ahogbrẽ eshrishri eŋa a mbo á da mo a ka ayimom esesla ba Anwye Arehwi lo. Aŋa á ngli ku-ku mbo.

Eyohana 14:3

Ambla ba ame e gre e yi e nyuŋ okro e kpo okyku gimi bgu le, ame é sa é bla é ba nga é yga gimi, okyku o da gimi e dzu okro ba ame e wo ma.

Eyohana 17:24

Ada! Aŋo o sheŋ o shri mo o da me bgu, okyku eka he ame e klo mo á dzu okro ba ame é dzu ma okyku o da mo a ka ayimom ba esesla me, ibu ayimom ba esesla boŋ o shri o da me okyku eshi aŋo o klo me ayga moa a kpo obiŋ hi.

Otsotsa 7:10

Moa a lu angyangyeŋ la enzi egagre a lu mi le, Agi e hwiŋ oshla okro ba Anwye Ekylu ta la Ahogbrẽ bi la a dzu emgbakyiŋ ba oreŋ.

Otsotsa 7:9

Ambla he ame e zhiŋ ayi nga ame e ka eshki nzenze. Arekyeŋ a tsi moare la a wo eshki lo a gbu mbo! Moa a zgi obiŋyaŋ a mbo ta la embreyaŋ a mbo, ta la olomyaŋ a mbo. Nga moa a tspi egi ayi ba emgbakyiŋ ba oreŋ, ta la egi ayi ba Anwye Ekylu. Moa a ygi ariga akyle angyiŋ. Nga moa a kom ánjyge elgi abgo mo.