Otsotsa 21:3 - Ohwihwim Olehe

³ Ame e gno enzi egagre la e zgi okro ba emgbakyiŋ ba oreŋ e la e lu odlo. E lu mi le, Ohuhuhi, odne ba Ahogbrẽ o wo pa la moarehwĩ angyiŋ a mo! Aŋa á dzu pa la mo nga moa á dzu moarehwĩ baŋ. Ahogbrẽ ababgo baŋ a mbo á dzu pa la mo, nga aŋa á dzu Ahogbrẽ mo.

Otsotsa 21:3 ပူးပေါင်းရင်းမြစ်များ

Eyohana 1:14

Odlo o zhiŋ o dzu arehwĩ, nga o dzu ka la gi. Agi e ka ayimom ba esesla baŋ. O wo la okpoghwo, ta la adlidzi nzenze ma. Ayimom ba esesla baŋ he lo, aŋa anwye akya-kyeŋ ba Ahogbrẽ a yga lo ibu Adaŋ angyiŋ.

Eyohana 14:23

Eyesu a tno ŋa ma a lu mi le, Areyaŋ a mbo la a klo me le, á kpaŋ odlo me. Adugu nga á klo ŋa. Adugu pa la me nga agi é ba okro are he lo nga é dzu ka la ŋa.

2 MoaOkorinti 6:16

Nga akulu ba Ahogbrẽ a kpo anyu a wo ozhẽ okyekyeŋ ta la okpko ba moaevbu? Okyku eshi agi e wo akulu ba Ahogbrẽ la a wo la eso ma angyiŋ! Eka ba Ahogbrẽ ababgo baŋ a mbo a lu mi le, Ame é kpo odne me pa la mo nga é dzu eshki mo. Ame é dzu Ahogbrẽ mo, nga moa a mbo á dzu moarehwi me.

2 MoaOkorinti 6:18

Ahogbrẽ la a wo ekʼpo pyeŋ, a lu mi le, Ame é dzu adigimi, Nga agimi é dzu moanwyealom me pa la moanwye-alashle me.

1 MoaEtasolonika 3:11

Nga Ahogbrẽ bi, la a wo Adigi eshrishri eŋa, ta la Adigi-odne Eyesu, moa a bmi le, a hwile gi ozhẽ okyku o da gi e ba okro bimi!

MoaIbrani 11:16

Ambo moa a klo obiŋ la o wo odzi o gre obiŋ hi lo angyiŋ a sku. Ongyeŋ angyiŋ o wo obiŋ lo. Okyku eka he alo o wo Ahogbrẽ akplokyeŋ ba anzi angyiŋ ba moare he lo a bzi ŋa ma Ahogbrẽ mo mbo. Okyku eshi a sheŋ a kpo osku a zga ma okyku mo bgu.

MoaIbrani 8:10

Ohuhuhi, ohwihwim he lo angyiŋ o wo ohwihwim ba ame é hwim pa la moarehwĩ ba Esrayila. Adigi-odne a lu mi le, Ambla ba elum he lo, Ame é shri odaŋ me é ghwo esõ mo, Nga ame é ta lo esõ mo. Ame é dzu Ahogbrẽ mo, Nga moa á dzu moarehwĩ me.

MoaIbrani 8:2

A la a kpo otum eka ba anyuŋ-andakʼpo olu ba Ahogbrẽ angyiŋ Enjygu la e wo Esesla Nzenze. Alo angyiŋ e wo abro ba adlidzi ba Adigi-odne angyiŋ a ta lo. Arehwĩ angyiŋ a ta lo mbo.

Otsotsa 10:4

Ambla ba moa a lu odlo nga, Ame é ba e ta lo engla. Ambo ame e gno enzi e zgi Ongyeŋ e lu odlo e lu mi le, Aŋo o ghre ekplo ba angyum-ogbu afoha he lo a lu. O ta lo akpa mbo ku-ku!

Otsotsa 10:8

Ambla he nga enzi la e zgi Ongyeŋ e lu odlo pa la me, e sa e lu pa la me nganga e lu mi le, Aŋo o yi o sko ashye akpa afifi ba moa a hwile lo a ta ayimom, a wo abgo ba anwyeadga la a tspi anyuŋ-ondzu ta la obiŋ.

Otsotsa 12:10

Ambla he nga ame e gno anyuŋ enzi e zgi Ongyeŋ e lu mi le, Ohuhuhi angyiŋ oshla ba Ahogbrẽ o ba! Nga ohuhuhi angyiŋ Ahogbrẽ la a wo Anyuŋ-areŋ a tsa ekʼpo baŋ! Ohuhuhi nga Emisiya baŋ a tsa moare ekʼpo baŋ! Okyku eshi are la a tspi egi ayi ba Ahogbrẽ olulum ta la okyukyku nga a klo odlo pa la moanigi, moa a se ŋa a sku Ongyeŋ bgu.

Otsotsa 21:7

Ame nga é dzu Ahogbrẽ ba areyaŋ a mbo la a kpo a gre, nga aŋa á dzu anwye me.

Otsotsa 22:3

Nga ekplokyeŋ ba Ahogbrẽ a ta ogbukyu a ygi lo é hwiŋ ozhẽ é yi osku he lo mbo ku-ku. Emgbakyiŋ oreŋ ba Ahogbrẽ ta la ba Anwye Ekylu lo é dzu osku he lo. Nga moawaghrẽ baŋ á hlu ŋa eshko.

Otsotsa 7:15

Okyku eka he angyiŋ, moa a tspi egi ayi ba emgbakyiŋ oreŋ ba Ahogbrẽ, nga moa a la a hlu ŋa eshko anyuŋ-akulu baŋ la olulum ta la okyukyku. Are la a dzu emgbakyiŋ ba oreŋ he lo, aŋa ababgo baŋ á kpaŋ mo la ekʼpo baŋ.