Otsotsa 20:4 - Ohwihwim Olehe

⁴ Ambla he nga ame e ka émgbakyiŋ oreŋ, pa la moarehwĩ la a dzu ma. Moa a shri ekʼpo ba o sõ ombgu a shri a da mo. Nga ame e sa e ka ésõ moarehwĩ ba moa a bga moa a sheŋ a gre, okyku ba moa a su adlidzi ba Eyesu a tsa lo zhezheŋ, nga a sa a su odlo ba Ahogbrẽ. Moa a bmi a hlu ebyi la e wo ebi lo ta la ambgu ba ebyi he lo eshko mbo ku-ku. Nga moa a da mo a ta mo egŋe ba ebyi la e wo ebi he lo ondaŋ mo o mbo le abgo mo mbo. Moahi lo a dzu ta la Eyesu nga a ri ekʼpo ka la ŋa okyku eyi ezbi.

Otsotsa 20:4 ပူးပေါင်းရင်းမြစ်များ

Amatiyu 19:28

Eyesu a nyuŋ mo a lu mi le, Ame e lu e da gimi, omba ba Anwye Arehwĩ á ba a dzu emgbakyiŋ oreŋ baŋ ba esesla, omba mi lo, agimi otsko la e lu me ma he lo, agimi a mbo é dzu emgbakyiŋ oreŋ me, nga é sõ egu otsko ba Esrayila ombgu.

Amatiyu 24:10

Omba he lo nga moare nzenze, moa á tla obmi ba adlidzi mo. Moa á njygu emo, nga moa á kpo efpu ta la emo.

Amarku 6:16

Omba ba Ehirudu a gno odlo moare a la a lu nga, a lu mi le, Are he lo a wo Eyohana la a kpo abaptisma aŋa angyiŋ ame e da mo a kplu eshri baŋ. A sa a bla a kso eku.

Amarku 6:27

Okyku eka he a hom are la a kʼpu aku moa a vu moare a ygi ma otum, ma a yi a kplu eshri Eyohana a shri a ba. Are la a kʼpu lo a gre a yi a kplu eshri Eyohana.

Amarku 9:11

Nga moa a sa a zhĩ Eyesu a lu mi le, Okyku eshi moa la a nye odaŋ a la a lu mi ma Eliya á ba a ba ori?

Oluka 1:17

Á yi eka anwyeadga ba Ahogbrẽ, la oshye, ta la ekʼpo eka ba Eliya arehwĩ ba Ahogbrẽ a hom ŋa otum. Á shri moada, pa la moanwye á zga ozhẽ okyekyeŋ. Nga á zhiŋ moa la a shye eshri a da mo a dzu moare ba odlodzi. Á nyuŋ odzudzu ba moarehwi ba Adigi-odne á kpo o tsa baŋ a ba.

Oluka 14:14

nga Ahogbrẽ á shri owlama á shri á doŋ, okyku eshi moahi lo a wo la ozhẽ-okyeŋ ba o bla alo o kpo ŋo ma mbo. Ahogbrẽ á shri owlama á doŋ omba ba moa á kso moaodlodzi ongybi.

Oluka 22:30

Agimi é ri nga é wa amgbla ba orialgo me Oreŋ me. Nga agimi é dzu emgbakyiŋ oreŋ okyku o sõ egu otsko ba Esrayila ombgu.

Eyohana 14:19

Ambla fi nga, obiŋ hi ó ka me nga mbo, ambo agimi é ka me. Ame e wo la eso ma, okyku eka he agimi a mbo é wo la esõ ma.

MoaOroma 11:15

Moarehwi obiŋ hi a zhiŋ a dzu moakyeŋ azba ba Ahogbrẽ okyku ba Ahogbrẽ a tla moaEyahuda. Eshi é ba e kpo omba ba moa a yga moaEyahuda? O dzu eka moa la a sheŋ a kpu a sa a hwiŋ eso angyiŋ!

MoaOroma 8:17

Eka ba agi e wo moanwye baŋ hi, agi é hwiŋ egbre baŋ a shri a zga ma okyku moarehwi baŋ. Agi nga é pu ekplo ba Ahogbrẽ a shri a zga ma okyku Eyesu ka la ŋa otsotse. O wo ba agi e bmi e kpo ewu ka la ŋa, agi é ri ekʼpo ka la ŋa otsotse.

2 Etimoti 2:12

O wo bi e bmi e ghwo esõ le, agi é ri ekʼpo ka la ŋa otsotse. Nga o wo bi e kpo evom baŋ le, aŋa a mbo á kpo evom bi.

Otsotsa 1:2

Eyohana a lu oshpa ayakplo baŋ a ka pyeŋ. Oshpa baŋ he lo o wo eshri oshpa ba Ahogbrẽ a shri a ba ta la adlidzi ba Eyesu Ekristi a tsa.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otsotsa 11:11

Ambla ba elum etra la ogbu nga, Ahogbrẽ a da ayaŋ ba esõ a ba a gre esõ mo, nga moa a kso. Nga moare pyeŋ la a ka ekplo la e kpo moa a kpo eyli a gre eshri.

Otsotsa 11:15

Ambla he nga anwyeadga ba ofoha a hlu egbaru baŋ, nga enzi egagre e lu Ongyeŋ e lu mi le, Adigi-odne ta la Emisiya baŋ angyiŋ a wo la ekʼpo ba o ri ekʼpo ta la obiŋ hi ohuhuhi. Aŋa á ri ekʼpo lo gbagbu gbagbu-amo!

Otsotsa 11:3

Ame é hom moaegŋe me aha otum. Moa á ygi akazhga aknye. Nga moa á su odlo ba Ahogbrẽ okyku elum endga otsko ta la elum ekʼpoef ĩ.

Otsotsa 11:7

Ambla ba moa a su odlo lo a khwo bgu le, ebyi la e zgi enzhe la e gyuŋ mgbyimgbyimgbyiŋ, e kpo ambgu pa la mo. Aŋa á kpo á gre mo nga á bga mo.

Otsotsa 12:11

Okyku amanzhli ba Anwye Ekylu angyiŋ, nga okyku oshpa adlidzi ba moa a la a nyum angyiŋ, moanigi a kpo a gre emabi egagre he lo. Moa a bmi ba o shri eshri mo o shri o di nga ba o kpukpu.

Otsotsa 14:11

Odzo ba ovo la ó ba o kpo mo ewu lo ó yi ongyeŋ gbagbu-amo. Olulum ta la okyukyu odzudum ó wo ma mbo okyku moa la a hlu ebyi lo ta la ambgu ba ebyi lo eshko, ta la areyaŋ a mbo la a yga egŋe ba eshko ba ebyi he lo.

Otsotsa 15:2

Ambla he nga ame e sa e ka atam ami la a shka ayi leleleŋ, nga a kŋe a bga ta la ovo. Nga ame e ka moare la a kpo a gre ebyi la e wo ebi ta la ambgu ba ebyi he lo, nga moa a kpo a gre are ba moa a shri eshko baŋ a shri a di la alamba lo. Moahi lo a tspi akaŋ atam la a shka ayi leleleŋ lo. Moa a kom égbani ba Ahogbrẽ a shri a da mo abgo.

Otsotsa 17:8

Ebyi boŋ o ka he lo e wo la esõ ma ayga. Ambo e kpu bgu. Alo é ta adzadzi é zgi enzhe la e gyuŋ mgbyimgbyimgbyiŋ a mo, ambo moa a sa á bga lo. Moarehwĩ ba obiŋ hi ba moa a ta ashko mo ayga akpa ba esõ omba ba moa a zga esĩ a kpo obiŋ hi a wo mbo, moa á ka egbregbre omba ba moa a ka ebyi la e wo ebi lo, okyku eshi ayga e wo la esõ ma, ambo e wo la esõ ma ohuhuhi nga mbo, ambo alo é bla é ba.

Otsotsa 2:26

Nga, moare la á hwiŋ okpogre le, moarehwĩ la a kpo ayakplo ba ame e klo ma-me nga a ta ohuhuhi, ame é shri edgu ekʼpo ba Adugu a shri a da me angyiŋ é ba e shri é da mo. Ame é shri ekʼpo é da mo eshri ba émbre moare, okyku o da mo a ri ekʼpo eshri mo la opi ba amgbaŋ, nga moa á gom mo okyukyukyku eka ba eshyẽ ba ongyum. Nga ame é shri amdzi endigiŋ é shri é da mo.

Otsotsa 20:6

Moa la a hwiŋ ozhẽ a kso eku omba ba oksoeku ba ori he lo moa á wo la oraŋ ma, nga moa á hwiŋ owlama nzenze. Eku ba oha é wo la ekʼpo eshri mo mbo ku-ku. Moa á dzu moandakʼpo olu ba Ahogbrẽ, ta la Ekristi, nga moa á ri ekʼpo ka la ŋa okyku eyi ezbi.

Otsotsa 22:5

Okyukyku ó wo ahe lo nga mbo, nga émgbuovo ta la ayimom ba olum á wo owlama ahe lo nga mbo, okyku eshi Adigi-odne Ahogbrẽ angyiŋ á ba a dzu ayimom mo, nga moa á ri ekʼpo eka moanyuŋ-areŋ gbagbu gbagbu-amo.

Otsotsa 3:21

Moare la a hwiŋ okpogre lo, ame é da mo ozhẽ okyku o da mo a dzu agbaŋ ba emgbakyiŋ ba oreŋ me, eka ba ame a mbo e hwiŋ okpogre, nga ohuhuhi, ame e dzu agbaŋ ba emgbakyiŋ ba oreŋ ba Adugu ka la ŋa.

Otsotsa 4:4

Nga emgbakyiŋ oreŋ ekʼpoeha la anyi ehwõ, moa a ta emgbakyiŋ oreŋ he lo a kpaŋ a ghwo eshe-shyẽ. Moandakʼpo ekʼpoeha la anyi a dzu émgbakyiŋ ba oreŋ he lo. Moa a ygi áriga akyle, nga moa a shki ekpmyeshri ba azurfa.

Otsotsa 6:9

Ambla he nga Anwye Ekylu a ngʼga onono ba ibu ba otno. Nga ame e ka esõ ba moare ba moa a sheŋ a bga mo okũ ba ambgu. Moa a bga moahi lo okyku ba moa a su odlo ba Ahogbrẽ, nga okyku ba moa a zgi egŋe baŋ la adlidzidzi.

Otsotsa 7:3

Anwyeadga lo a nyuŋ mo a lu mi le, Agimi e ta obiŋ hi ta la anyuŋ-ondzu, ta la akiki etsa mbo. Agimi e da gi e bre moawaghrẽ ba Ahogbrẽ egŋe ondaŋ mo ayga.