Otsotsa 20:2 - Ohwihwim Olehe

² A vu emabi egagre, alo angyiŋ a wo atsoŋ emabi he lo. Alo angyiŋ a wo Areabi ta la Eshitaŋ. Anwyeadga he lo a ta ŋa agbu okyku eyi ezbi.

Otsotsa 20:2 ပူးပေါင်းရင်းမြစ်များ

Amatiyu 19:29

Nga areyaŋ a mbo la a dzu adne a zga, pa la moanáŋ-alalom, o mbo le moanáŋ-alashle, o mbo le adaŋ, o mbo le anaŋ, o mbo le moanwye, o mbo le agbi a zga okyku me le, aŋa á hwiŋ ayakplo he lo eka engyi endgaekyeŋ omba la ó ba mi, nga aŋa á hwiŋ esõ ba gbagbu-amo.

Amatiyu 8:29

Omba ba moa a ka Eyesu nga moa a ta enzi angyangyeŋ, a lu mi le, Aŋo Anwye Ahogbrẽ o klo eshi ka la gi? Aŋo o ba okyku o kpo gi ewu ayga o da omba lo o kpo?

Amarku 4:15

Odlo la o gbu akaŋ ozhẽ, o dzu eka moare la a gno lo nga ba Eshitaŋ e ba e ngʼga lo e sku mo.

Amarku 5:7

A ta enzi angyangyeŋ a lu mi le, Eyesu Anwye Ahogbrẽ ba esesla aŋo o klo eshi pa la me? Ame e vẽ ŋo eshko ba Ahogbrẽ, o wo boŋ o bmi le, o kyu me abgo.

Eyohana 12:31

Omba he angyiŋ moa á ba a sõ obiŋ hi ombgu. Omba he lo angyiŋ moa á ba a kypi areŋ ba obiŋ hi.

Eyohana 16:11

Aŋa á da mo a ka ombgu ba Ahogbrẽ a bmye okyku eshi moa a sheŋ a sõ areŋ obiŋ hi ombgu bgu.

MoaOroma 16:20

O wo bimi e la e tspi eka he angyiŋ le, Ahogbrẽ á ngli ayga á ba a sha Eshitaŋ adga bimi mbo. Okpoghwo ba Adigi-odne Eyesu o dzu ka la gimi.

MoaIbrani 2:14

Eka ba alo o wo moarehwĩ baŋ a bzi mo ma moanwye baŋ, moa a wo moarehwĩ ba ebyi ta la amanzhli angyiŋ. Eyesu a mbo a zhiŋ a dzu eka mo, nga a pu pa la mo edgu odzudzu ba arehwĩ. A kpo eka he lo okyku o daŋ a bga Eshitaŋ okro ba eku baŋ a kpu. Eshitaŋ he lo e wo ekʼpo ba eku ma.

1 Ebitru 5:8

Agimi e nyuŋ e dzu, nga e nyuŋ e kʼpu! Okyku eshi afpu gimi la a wo Eshitaŋ, a la a ngla agŋe eka ba embdze la e gbre, e la e klo are baŋ á ba a vu á taŋ.

2 Ebitru 2:4

Okyku eshi Ahogbrẽ a ka a dzu moanwyeadga la a kpo odlobi a mbo a zga mbo ku-ku. Ambo a shri mo a shri a ygi enzheovo. Ahe lo, moa a ta mo aslika a ygi evbu, nga moa a dzu a bli Olum onda ba Ombgu lo.

Eyahuda 1:6

Agimi e tne aga eshri ba moanwyeadga ba ongyeŋ la a tspi okro ba ekʼpo mo e ygi ma sha mbo. Ambo moa a dzu okro moa a dzu ma a zga. Ahogbrẽ a sheŋ a klu mo a ta evbu ba obiŋ hi eshyẽ. Okro lo o hwĩ evbu o gre eshri. Moa a ta mo aslika la a shye nzenze, nga moa a dzu a bli Onda ba moa á sõ mo ombgu dne a mo.

Otsotsa 12:13

Omba ba emabi egagre lo e ka e tspi ba moa a shri ŋa a ndba a ta obiŋ, a zga esĩ o kyku ashe la a mbre anwyealom he lo.

Otsotsa 12:15

Ambla he nga emabi egagre lo e da ami a zgi anyu baŋ a dzẽ a lu ashe lo ma eka ba ondzu, okyku o da oshye ba ami la a dzẽ lo o shri ŋa o yi ero.

Otsotsa 12:17

Ambla he nga esõ e tpi emabi egagre lo ayi ta la ashe lo e gre eshri. Okyku eka he nga, aŋa a gre okyku o ta eko pa la moaembre ba ashe he lo la a ra. Moahi lo angyiŋ a wo moa la a kpaŋ odaŋ ba Ahogbrẽ, nga a tspi kyekye ta la oshpa ba adlidzi ba Eyesu a shri a ba.

Otsotsa 12:3

Egŋe-ekyeŋ e sa e zgi Ongyeŋ nganga. Emabi ebme la e wo egagre e wo ma. E wo la ashri afoha, ta la agzo okʼpo. Nga etka ba oreŋ e wo eshriyaŋ a mbo.

Otsotsa 12:4

La eghre baŋ aŋa a gʼbu ogʼba okyeŋ eshki ba egʼba etra ba éyi enzo la e wo ongyeŋ, nga a da mo a ygi obiŋ. A tspi egi ayi ba ashe la a wo osusku ba ombrombre, okyku o daŋ a taŋ anwye ba ashe he lo, omba baŋ a mbre ŋa.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Otsotsa 13:2

Ebyi la e wo ebi ba ame e ka lo e wo eka ba egbyi. Adga lo nga a wo eka ba adga ba egbaga. Anyu lo nga a wo eka ba anyu ba embdze. Emabi egagre lo e shri ekʼpo baŋ ta la emgbakyiŋ ba oreŋ baŋ, pa la moarehwĩ baŋ a ri oreŋ eshri mo pyeŋ a shri a da ebyi la e wo ebi he lo.

Otsotsa 13:4

Moarehwĩ pyeŋ moa a hlu emabi egagre lo eshko okyku baŋ a shri ekʼpo baŋ pyeŋ a shri a da ebyi he lo. Moa a la a hlu ebyi he lo eshko a lu mi le, Ayi a wo eka ba ebyi he lo? Ayi a kpo ambgu ta la ebyi he lo a gbu?

Otsotsa 20:10

Ambla he nga Areabi la a bile mo, moa a vu ŋa a shri a ta enzheovo la e shum la ovo ma nzenze. Moa a sheŋ a shri ebyi la e wo ebi lo ta la arehwĩ la a sheŋ akpro ma Ahogbrẽ angyiŋ a hom ŋa otum a shri a ndba a ygi enzheovo he lo. Nga ahe lo moa á kpo mo ewu la olulum ta la okyukyku gbagbu gbagbu-amo.

Otsotsa 20:7

Ambla ba eyi ezbi e khwo moa á ngla Eshitaŋ á sku enzhe la e gyuŋ mgbyimgbyimgbyiŋ he lo.

Otsotsa 9:11

Areŋ la a ri ekʼpo eshri mo angyiŋ a wo anwyeadga la a kpaŋ enzhe la e gyuŋ mgbyimgbyimgbyiŋ e gre eshri. Eshko baŋ olom moaEyahuda e ri Abadoŋ. Nga la Egrise alo e ri Apoliyoŋ, alo o dzu, Ebga.